1 Korento 1:12 - Nouveau Testament en Ngienboum

¹² N ka fó mǒ ńjú’ ngie awɔ̌wɔ́ɔ tsetsɛ̀ɛ pi ńcʉ́’ʉ shwóŋó pɔ́ nà ye ntí. Tsɔ̌ nyìŋ gwaa ne gɔɔn ngie aa nyìŋ we Pɔl, wetsɔ́ ne ńgɔɔn ngie aa nyìŋ we Apolos. Wetsɔ̌ gwɔ́ ne gɔɔn ngie aa nyìŋ Kéfas, wetsɔ́ ne ńgɔɔn ngie aa nyìŋ we Kristo.

1 Korento 1:12 Referans Kwoze

Ŋwà’ne Jâŋ 1:42

Ńdɔgɔ Símo, ńgʉa lejʉ́ŋ Yěsô, Yěsô cwoŋo ńdíe Símo tà ńgɔɔn né ye ngie: Ɔ̀ɔ Símo míŋ Jâŋ. Mé ge gÿo tóŋo gú le Kéfas. Yěsô tóŋo le Kéfas pá’ɔɔn, á lɔgɔ ńgíŋe ńgɔɔn ngie Piɛ.

Galatia 3:17

Pi jú’u nò gie mèŋ fa’a légɔɔn. E Ssé la gwɔ́ zye ńka’a nò mbwo Ábalam. *Lepʉ̌ lá’ ńgwɔ́ tó, mbà é cʉ̌a ngù’ nkÿo lekùa lê móm ntá. É ké tè gʉa nà *kʉ̀a yɔ́b Ábalam ḿbyága tsɔ́ mmó, ńdɔg pú’u, ńgÿo ammó gie à la ka’a mbwo Ábalam cʉa sẅɛ̀ɛ wɔ́.

Galatia 2:9

Jâg, Piɛ mbɔɔ Jâŋ, é pʉ̀a pie mé lɔ́ɔn ńdíe wɔ́b pá’ mentóon tsɛ̀ɛ cú’tè pʉ̀a Kristo la, la gwɔ́ tà ńzsé ngie e Ssé la kwa’ ńcʉ́me yɔɔn fà’ mbwo mèŋ, ńnáa pwó né peg Panebâse, lélɔg ńda’te ngie pega pɔ̌ ee tà’ ncwò nà fà’a Ssé. Pú’u, peg gẅiin légʉa tsetsɛ̀ɛ pʉ̀a pie é té pà Yuda wɔ́, ńtsẅi nkʉ̀ mbòŋo, pɔ́b yɔ́b pâ Piɛ gẅiin légʉa tsetsɛ̀ɛ pà Yuda ńtsẅi.

2 Korento 9:6

Pi zsé ngie nyìŋ lɔɔn ḿbye mmó á té gyɔ́ɔn, mbà á ge lá’a fʉ̀’e lélag shúm, à lag é le gyɔ́ɔn, ḿbye á gyɔ́ɔn, mbà á ge lá’a fʉ̀’e lélag shúm, à lag é gyɔ́ɔn.

1 Korento 16:12

Á gʉa ná fɛ́ wege Apolos, mbà mèŋ n zyě ńkẅiŋte yé pá’ pâ tsɔ́ mefɛ́ mefɛ́ ge gʉa lá’ pi. Tá’ à tè ne ńkwoŋo légʉa fʉ̀’ɔɔn wɔ́, à ge gÿo gẅiin fʉ̀’ tá gʉa.

1 Korento 15:50

Mefɛ́ pɔ́ɔn, n dɔgɔ pá’ɔɔn ńgɔɔn ngie: À lɔɔn ńgwɔ́ nyìŋ le lɔg mbùm nnɛ́ yɔɔn gie e gẅiin mbab nnɛ́ nê metse lɔɔn, ńdɔg ńkúu tsɛ̀ɛ *lefùɔ Ssé wɔ́. À lɔɔn ńgwɔ́ shúm sie é lʉ́ pâ sie é té lʉ́ le teme tà’a jʉ’ wɔ́.

1 Korento 15:5

À la nyɛ mbùm ye mbwo Piɛ, mbɔɔ mbwo yetsɔ́ *ngàŋa kwò yé ná pʉ̀a ntsɔ̀b pʉ́a,

1 Korento 9:5

Mbɔɔ wɛ̌ nyìŋ wɔ́ ná peg tè gẅiin yé légwɔ giŋ, pɔ́ tsɔ̌ fɛ́ wege nyìŋ Kristo we manzwě gwɔ́, á gwɔ́ nzwě we wɔ́ ka? Á té pá’ Kéfas, laa petsɔ́ megàŋ ntúm, mbɔɔ mefɛ́ Cʉ̀apʉ̀a gÿo wáa?

1 Korento 7:29

Mefɛ́ pɔ́ɔn, ammó gie mèŋ fa’a légɔɔn gwɔ́ pɔ́ ngie: Mefʉ̀’ njÿó té gíŋe ńgyɔ́ɔn wɔ́. Á ne ńzɛ́te ngie tà fó fʉ̀’ɔɔn, pʉ̀a pie pɔ́ zɔ̌’ ńnéŋe pá’ fʉ̀’ gie pɔ́ kaa zɔ́’ɔ la.

1 Korento 4:6

Mefɛ́ pɔ́ɔn, mèŋ n gɔ̌ɔn nò ḿbiŋ ńda’te pá’ nò gie n gɔ̌ɔn áa ná mèŋ ńgwɔ́, mbɔɔ pá’ áa ná Apolos ńgwɔ́ pú’u. N da’te pú’u, pɔ́ lélɔg ńzí’i gẅi mmó. Mèŋ n kwǒŋ ngie pi fó ná peg ńzí’i mmó gie esag lekid gie e gɔɔn ngie: Mbɔ́ɔn nyìŋ légÿo mmó tà ńtɔ́gɔ gie mé la ŋwe’e, e lɔgɔ ńgɔɔn, ńdɔgɔ shwóŋó gẅi ngie nyìŋ gẅi à tè gẅiin lélɔg pá’ aa nzèm wetsɔ̌ nyìŋ ńŋá’te mvfò wetsɔ̌ wɔ́.

Megàŋ ntúm 18:24

Atsɔ̌ nyìŋ Yuda gẅie mé la zyé yé Alekzáŋdeli, mé tóŋo yé lê Apolos tóo Efeso, ńgwɔ́ nyìŋ ńgɔɔn nò á kẅɛ, ḿbiŋ ńzsé ŋwà’ne Ssé mboŋó.

Matio 23:8

Tá ńgʉa ná pi, tà pi gÿo ngie mé tóŋo gẅi ngie tsítsà, á nue pi gwɔ́ pɔ́ mefɛ́ mefɛ́, ḿbiŋ ńgẅiin pɔ́ tà’ tsítsà wémɔ’ɔ́.

Megàŋ ntúm 19:1

Apolos gwaa gwɔ́ Korento pá’ɔɔn, Pɔl ne ńzyɛ́’ɛ tsɛ̀ɛ pàga ngwòŋ gie memáa mekwɛ́ ée wó, ńgʉa tà ńkúu Efeso, ńgyá tsɔ́ ntá’ pʉ̀a Kristo gwɔ́ wó,

1 Korento 1:11

Mefɛ́ pɔ́ɔn, mèŋ n zɔɔn ńgɔɔn pá’ɔɔn nue epʉ̀a nà ngẅɛ̀ Keloé ka shwóŋó wɔ̀ɔn nò ná pi, ngie fàgte kéen ńkúu tsetsɛ̀ɛ pi.

2 Korento 10:7

Pi ne ńgyá kɔ̀ɔkɔ́ɔ pɔ́ nà nzème pǐ. Pá’ áa pú’u la, nyìŋ lɔɔn ńké ne ńgɔɔn ngie aa nyìŋ Kristo, à cwoŋo ńzsé ngie à lɔɔn ńgwɔ́ nyìŋ Kristo, mbà peg gǐŋ ńgwɔ́ yég pʉ̀a Kristo pá’ yé.