1 Jâŋ 5:8 - Nouveau Testament en Ngienboum

⁸ Yɔɔn áa Zẅìge Ssé, wɔɔn gwɔ́ ntse, ńgÿo metse, pɔ́b métá ne ńda’te tà’a nò wémɔ’ɔ́.

1 Jâŋ 5:8 Referans Kwoze

Ŋwà’ne Jâŋ 15:26

Antàg Nzèm gẅie mèŋ n ge gÿo fó lejʉ́ŋ Tá wɔ̀ɔn túmo mbwo pi, áa Zẅìge gie á fóo mbwo Tá wɔ̀ɔn, á la’te nò nénʉ́. Yé zɔ ge gÿo shwóŋó nò gie à zsé ná mèŋ.

1 Piɛ 3:21

Wɛ̌ ntse é laa liŋé kẅe ntse gie á gÿo pi tsẅɛ́ɛ fʉ̀’ɔɔn lɔɔn. Mé téen ńdɔgɔ sɔgɔ pɔ́ ncÿǒ nà mbùm nnɛ́ wɔ́. Á gwɔ́ pɔ́ lélɔg ńdúɔ mbwo Ssé ngie à sɔg mentʉ́m mégè, é le gíŋe ńŋaga wégè wɔ́. Akẅe ntse lɔgɔ pú’u, ńgÿo pi tsẅɛ́ɛ, ńzẅɛ́’ɛ pá’ Yěsô Kristo la zíme nà legwé.

Roma 8:16

Kwà’ Zẅìge ŋwɛ́ yé máŋwɛ́ ne ńgÿo pege cwoŋo ńzsé tsɛ̀ɛ ntʉ́m wégè ngie pege ee púɔ Ssé.

Malékuse 14:56

Pʉ̀a tà ńgyɔ́ɔn tÿɔ́g menò twó yé tɛ’. Mé píte tɛ’, á ké tè pumte.

2 Korento 1:22

ńcÿɔ́’ɔ liŋé yé ná pege, ńnéŋe Zẅìge Ndʉalʉ̌a ntʉ́m pege. Á lɔg ńgwɔ́ ndùŋ mvfò mmó nà shúm sie à ge náa mbwo pege.

Megàŋ ntúm 15:15

Yɔɔn lɔgɔ ḿbumte ná nò gie e Ssé la lá’ ńdɔg ncwò pà ntsẅì kʉ̀ pé ńgɔɔn. Mé la ŋwe’e ngie:

Matio 28:19

Pú’u la, pi gʉa ngwòŋo ngwòŋ, ńdɔg pʉ̀a mesoŋ ńgÿo *ngàŋa kwò yɔ́ɔn, ńnu’u wɔ́b ntse ná lezíŋ Tá, mbɔɔ Múɔ, mbɔɔ Zẅìge Ndʉalʉ̌a,

Heber 13:12

Áa mmó gie á la gÿo, mbɔɔ Yěsô yé gwɔ́ lɔg metse mé é gÿo pʉ̀a mesoŋ cʉ́’ pʉ̀a Ssé, á kwé pɔ́ nzème pǐ, tà à tè kwé tÿǒsoŋ wɔ́. Áa jʉ’ gie à la gyá ngɔ́’ wó.

Heber 6:4

Mé gẅiin lényé nue pʉ̀a pie e Ssé gÿo, pɔ́ gyá jʉ’ʉ fɔ̌g, ńgÿo ńtém nzèm Ssé, á tʉ pá’ à lɔɔn ńgwɔ́ nyìŋ shwóŋó wɔ́b nò tà pɔ́ gíŋe ḿbiŋe mbwo Ssé. Mé gɔɔn pʉ̀a pá’ pie pɔ́ la zẅí’i mmó gie e Ssé fǒ tÿǒ lepwó ńná pɔ́ sẅɛ̀ɛ sẅɛ̀ɛ. E Ssé náa Zẅìge Ndʉalʉ̌a né pɔ́b, pɔ́ zẅí’i shwóŋè Ssé tà ńjú’ pá’ á poŋ pú’u, ńgíŋ ńzsé mbɔɔ pá’ metʉ̀ mie é ge lá’ tá tó ée pú’u. Pɔ́ lɔɔn ńkÿo Ssé, mbà á tʉ pá’ à lɔɔn ńgwɔ́ mé gÿo tà pɔ́ gíŋe ḿbiŋe mbwo Ssé, mélà’mie pɔ́ lɔgɔ légÿo pú’u, ńgíŋe ńkíme Míŋ Ssé nà tÿǒ nkǐ, ńtsɔ́’ɔ yé ńtÿɔ́g mé zoonte yé.

Ŋwà’ne Jâŋ 19:34

Tá tsɔ̌ tà’ ná pàlÿɔ́’ ncù lɔg lekwòŋ, ésɔbɔ gwoŋó nnɛ́ Yěsô. Metse pɔ́ ntse gwóon ńkẅɛɛ jʉ’ó.

1 Jâŋ 5:9

Epʉ̀a mesoŋ gɔɔn mmó gie pɔ́ zsé nà nò, pege jú’ ńzẅíŋ ńgie áa nò. Ammó gie e Ssé gɔɔn nà nò á piŋ ńcʉa gie pʉ̀a mesoŋ gɔɔn. À lɔg menò méntá mɛ̌, ńgɔɔn nò ná nò Míŋ we.