1 Jâŋ 5:7 - Nouveau Testament en Ngienboum

⁷ é lɔgɔ ńgwɔ́ menò méntá mie é la’te wégè nò ná Yěsô.

1 Jâŋ 5:7 Referans Kwoze

Matio 28:19

Pú’u la, pi gʉa ngwòŋo ngwòŋ, ńdɔg pʉ̀a mesoŋ ńgÿo *ngàŋa kwò yɔ́ɔn, ńnu’u wɔ́b ntse ná lezíŋ Tá, mbɔɔ Múɔ, mbɔɔ Zẅìge Ndʉalʉ̌a,

Megàŋ ntúm 5:32

Peg gɔɔn pá’ɔɔn ńgwɔ́ pàjÿó ńgyá nà mɔɔn menò. À Zẅìge Ndʉalʉ̌a gie Ssé ne náa mbwó pʉ̀a pie é ne ńjú’u ncwò wé zɔ̌ tsóte weg légɔɔn.

Ŋwà’ne Jâŋ 1:1

Njÿó la gwɔ́ zyète, ashwóŋè gwɔ́ pɔ́ wó, yé shwóŋè pɔ́ Ssé laa wó. Á piŋ ńgwɔ́ pɔ́ Ssé.

Megàŋ ntúm 2:33

E Ssé ka gÿo, á kwɔ́’ tà ńnéŋe nà gwǒŋo pwó yé ye tʉ̀. Áa fʉ̀’ɔɔn pá’ɔɔn, mbà Tá wé Ssé cʉmé Zẅìge Ndʉalʉ̌a mbwó yé, á gwɔ́ pá’ yé Ssé la ka’. Ammó gie pi jú’u ḿbiŋe ńgyá lɛ̀, áa Zẅìge Ndʉalʉ̌a ŋwɛ́ gie Yěsô nǎ né pʉ̀a pé.

1 Jâŋ 5:6

Mé gɔɔn Yěsô Kristo gẅie à la tó, mé nú’u yé tsɛ̀ɛ ntse, á gÿo ḿpfɛte metse mé, mé la tè nú’u yé pɔ́ ndà’ tsɛ̀ɛ ntse wɔ́, mé la nú’u yé tsɛ̀ɛ ntse, á gíŋe ḿpfɛte metse mé. A Zẅìge Ssé áa mǒ ńgwɔ́ jÿò ńgyá ngie áa nò nénʉ́. A Zẅìge Ssé zɔɔn ńgwɔ́ pɔ́ nénʉ́,

Ŋwà’ne Jâŋ 8:54

Yěsô tsɔ́’ɔ mbwo pɔ́b ngie: Mèŋ n zɔ tè fa’a wɔ̀ɔn legú’ wɔ́, mèŋ n dɔɔn ńgÿo pú’u, awɔ̀ɔn legú’ le tsɔ́ nò wɔ́. Nyìŋ gẅie à náa legú’ wɔ̀ɔn aa Tá wɔ̀ɔn. Pi ne ńgɔɔn gí ngie aa Ssé gi.

Matio 17:5

Á nyé ńgɔɔn gɔɔn, etsɔ́ melɔ́ɔn, mie é ŋwʉŋe ŋwʉŋe sẅɛ́’ ńkábte wɔ́b, ngyè nyìŋ fó tsɛ̀ɛ wó ńgɔɔn ngie: Wɔɔn aa Míŋ wɔ̀ɔn, mèŋ n kwoŋo yé tɛ’, aa wɔ̀ɔn lekág, pi jú’ ncwò wé.

Ŋwà’ne Jâŋ 10:30

Peg Tá wɔ̀ɔn gwɔ́ pɔ́ tà’ nyìŋ.

Ŋwà’ne Jâŋ 5:26

Áa pú’u mélà’mie Ssé Tá gẅie aa lesa’á le gwɔ́ tèmí, à la ná mɛ̌ metʉ̀ mbwo míŋ we.

Ŋwà’ne Ngyà jʉ’ 19:13

Á ma’ tsɔ̌ nzsǒ fÿɔ́g, mbà mé la nu’u tsɛ̀ɛ metse. Mé tóŋo yé lê shwóŋè Ssé.

Ŋwà’ne Jâŋ 12:28

Tá wɔ̀ɔn, gÿo mé gu’te lezíŋ shú. Ngyè nyìŋ leen ńké fó lepwó ńgɔɔn ngie: Mèŋ n gÿǒ pú’u. Mèŋ n ge gíŋe gÿo sẅé sẅé.

Ŋwà’ne Jâŋ 8:18

Mèŋ n gee pá’ɔɔn ńgɔɔn nò gie mèŋ n zsě nà twó mbùm yɔ́ɔn, Tá wɔ̀ɔn gẅie à la túmo wɔ̀ɔn, à giŋé ne ńgɔɔn yé nò gie à zsě ná mèŋ.

Matio 18:16

Tá’ ńké tè jù’ ɔ̀ fa’a tà’ nyìŋ ka pʉ̀a mépʉ́a wɔ́, ńzsé «ngie mé ge gwɔ shwóŋó yɔɔn nò pànjÿò ngyá é gwɔ́ ssé mépʉ́a ka métá wɔ́».

1 Jâŋ 1:1

Peg ŋwe’e yɔɔn ŋwà’ne ńnáa né pi ńdɔgɔ shwóŋó gẅi nò ná shwóŋè gie á gÿo mé gwɔ́ wó, á gie aa ńgwɔ́ pɔ́ wó tà fó nzyète shúm ntsèm, peg la lɔg metuŋó még ńjú’, ńdɔg nÿɔ́g még ńgyá, ńnyɛte ńdíe ńdɔg mbwó még ńkíbe.

Ŋwà’ne Jâŋ 14:17

Antàg Nzèm wéwɛ̌ à gwɔ́ pɔ́ Zẅìge Ssé, à la’te nò nénʉ́. Epʉ̀a njÿó té ku’u lékúe Zẅìge ŋwɛ́ wɔ́, mélà’mie pɔ́ té ne ńgyá mefà’ mé wɔ́, ḿbiŋ ńké tè ne ńzsé yé wɔ́. Tá pi ne ńzsé yé, mélà’mie aa lejʉ́ŋ pi, ḿbiŋ ńgwɔ́ ná pi.

Ŋwà’ne Jâŋ 15:26

Antàg Nzèm gẅie mèŋ n ge gÿo fó lejʉ́ŋ Tá wɔ̀ɔn túmo mbwo pi, áa Zẅìge gie á fóo mbwo Tá wɔ̀ɔn, á la’te nò nénʉ́. Yé zɔ ge gÿo shwóŋó nò gie à zsé ná mèŋ.

1 Jâŋ 5:8

Yɔɔn áa Zẅìge Ssé, wɔɔn gwɔ́ ntse, ńgÿo metse, pɔ́b métá ne ńda’te tà’a nò wémɔ’ɔ́.