1 Jâŋ 5:6 - Nouveau Testament en Ngienboum

⁶ Mé gɔɔn Yěsô Kristo gẅie à la tó, mé nú’u yé tsɛ̀ɛ ntse, á gÿo ḿpfɛte metse mé, mé la tè nú’u yé pɔ́ ndà’ tsɛ̀ɛ ntse wɔ́, mé la nú’u yé tsɛ̀ɛ ntse, á gíŋe ḿpfɛte metse mé. A Zẅìge Ssé áa mǒ ńgwɔ́ jÿò ńgyá ngie áa nò nénʉ́. A Zẅìge Ssé zɔɔn ńgwɔ́ pɔ́ nénʉ́,

1 Jâŋ 5:6 Referans Kwoze

Heber 9:14

Á lɔɔn ńgwɔ́ gie á laa pú’u, mbà ngʉ̀a shÿɔ́’ɔ ná pá’ metse Kristo ge gwɔ́? Á Kristo gẅie Zẅìge tèmì la gÿo, á lɔgɔ twó yé ńnuŋe pwɔ́’ gẅie *lɔ̌’ té mǒ wɔ́, á mvfò Ssé. Metse mé ge lá’ sɔg ncÿǒ mefà’ mie é náa pɔ́ legwé gẅie ée ná pege tà ntʉ́m wégè é le gíŋe ńŋaga wégè wɔ́, légwɔ́ gie pege ge fa’a mbwo Ssé gẅie aa ńgwɔ́ pɔ́ wó.

Ŋwà’ne Jâŋ 15:26

Antàg Nzèm gẅie mèŋ n ge gÿo fó lejʉ́ŋ Tá wɔ̀ɔn túmo mbwo pi, áa Zẅìge gie á fóo mbwo Tá wɔ̀ɔn, á la’te nò nénʉ́. Yé zɔ ge gÿo shwóŋó nò gie à zsé ná mèŋ.

Ŋwà’ne Jâŋ 16:13

À zẅìge Ndʉalʉ̌a ge gÿo tó, é gÿo pi zsé nò nénʉ́ ntsèm, á nue yé zɔ la’te nò nénʉ́, à tè gÿo gɔɔn pɔ́ yé nò wɔ́. À ge gÿo gɔɔn pɔ́ nò gie à jǔ’, é piŋ shwóŋó gẅi menò mie é ne ńtóo.

Heber 12:24

Pi ka sẅɛ’te nnɛ́ ńtó nê lejʉ́ŋ Yěsô gẅie à la pfɛte metse mé lélɔg sɔgɔ *lɔ̌’ ná pege, aa mamekěm nà *kʉ̀a gie áa ye sẅé, metse mé gẅiin nò gie é gɔɔn mbwo pege, á cʉ́e ńcʉa nò gie metse Abe gɔɔn.

Malékuse 14:24

Á gɔɔn né pɔ́b ngie: Mɔɔn ée metse mɔ́ɔn, é metse mie Ssé lɔgɔ ńgwaa *kʉ̀a, é pfɛte nà twó pʉ̀a tà ńgyɔ́ɔn.

Ŋwà’ne Jâŋ 14:17

Antàg Nzèm wéwɛ̌ à gwɔ́ pɔ́ Zẅìge Ssé, à la’te nò nénʉ́. Epʉ̀a njÿó té ku’u lékúe Zẅìge ŋwɛ́ wɔ́, mélà’mie pɔ́ té ne ńgyá mefà’ mé wɔ́, ḿbiŋ ńké tè ne ńzsé yé wɔ́. Tá pi ne ńzsé yé, mélà’mie aa lejʉ́ŋ pi, ḿbiŋ ńgwɔ́ ná pi.

Ŋwà’ne Ngyà jʉ’ 7:14

Mèŋ n tsɔ́’ ngie, a Ndè, gù zɔ ne ńzsé. Á gɔɔn ngie ée pʉ̀a pie éfóo tsɛ̀ɛ máamáa ngɔ́’ ya. Pɔ́ ka lɔg metse mûɔ *Njʉ̀njÿò, ésɔg menzsǒ mɔ́b tà é lʉ́a, ńcʉ́’ʉ féfɔ́gɔ.

Ŋwà’ne Ngyà jʉ’ 5:9

Melÿò pá, pâ menɔ̀ɔn pá ne ńzɔbɔ zɔ́bɔ ntsè ye sẅé ńgɔɔn tsoló ngie: Ɔ̀ ku’u nyìŋ gẅie ńgwɔ́ ɔ̀ kẅé ŋwà’ne, ńku’u nyìŋ gẅie ńgwɔ́ ɔ̀ nyɛ́’te lìi nŋwá’ gie mé la lɔg ńdyɛte. Mé la zẅé gú ńdɔg ńnuŋe pwɔ́’ Ɔ̀ la pfɛte metse mú ńdɔg ńcu’ pʉ̀a, ńcu’ tà mbɔɔ pʉ̀a pie ée ná yɛ̌ ngẅɛ̀ ndá wɔ́, tà mbɔɔ pʉ̀a pie é shwóŋó yɛ̌ shwóŋè wɔ́, tà mbɔɔ yɛ̌ ntí wɔ́, tà mbɔɔ pe wɛ̌ ngwòŋ wɔ́, ńcu’u wɔ́b pú’u, pɔ́ piŋe mbwo Ssé.

1 Piɛ 1:2

E Ssé Tá la tsɔ́’ɔ gẅí, á gwɔ́ pá’ à la lá’ ńtʉ́ njÿó ńzáb, ḿbiŋ ńcʉa nà Zẅìge yé ńgÿo pi cʉ́’ pʉ̀a pé, légwɔ́ gie pi ge jú’ ncwò Yěsô Kristo, à lɔg metse mé é sɔgɔ gẅí. E Ssé ne ńgwɔ́ né pi, ńnáa sẅétè né pi tà à gyɔ́ɔn gyɔ́ɔn.

Heber 13:20

E Ssé gẅie e mbʉ́lè fóo mbwo ye, à la gÿo Yěsô Cʉ̀apʉ̀a wege fó lá’ mepfó ńkwɔ́’. Yé Cʉ̀apʉ̀a wege la lɔg pá’ à pfɛté metse mé, e Ssé lɔg ńgwaa *kʉ̀a gie á té ńdá’a ḿmaga wɔ́, ńcʉ́’ʉ mbyɛ̀b mvfó we lÿò, pá’ à ge pyɛ́bɛ *njʉ̀njÿò yé.

Ŋwà’ne Jâŋ 4:14

Tá nyìŋ nú ntse gẅie mèŋ n zɔ nǎ mbwo yé, mbà gág yé té ńdá’a ńgíŋe shÿó wɔ́. Mbà ntse mɛ́ ge kúu mbùm yé, é cʉ́’ pɔ́ lesá’a ntse, á jʉ’ gie ntse ge ne fóo wó cwoŋo, é náa yé le gwɔ́ tèmì.

Lukase 22:20

Pɔ́ la pfɛ́ shúm léjÿó tà ḿmag, Yěsô kaa ntú’ melù’ ńgɔɔn ngie: Ntú’ yɔɔn ee pá’ɔɔn ńgwɔ́ kʉa sẅé gie e Ssé lɔgɔ metse mɔ́ɔn ńgwaa. E pfɛte ńtí gẅí].

Matio 26:28

Á nue mɔɔn ée metse mɔ́ɔn, é metse mie Ssé lɔgɔ ńgwaa kʉa, é mie é pfɛte ná twó pʉ̀a tà ńgyɔ́ɔn, pá’ e Ssé ge lɔg lege meno tepoŋ mɔ́b.

1 Jâŋ 1:7

Tá ńké ńgwɔ́ gie pege lɔɔn ne ńgiŋe ná jʉ’e fɔ̌g pá’ yé lê twó yé aa nà jʉ’ʉ fɔ̌g la, mbà pege ge pú gẅiin tà’ ncwò tsetsɛ̀ɛ pege, metse Míŋ we Yěsô leen ńké sɔgɔ wégè ná nò tepòŋ ntsèm.

Titus 3:5

á gÿo pege tsẅɛ́. Pege těen ńtsẅɛ́ɛ á gwɔ́ pɔ́ ngie pege gÿǒ menò mie é tyé ndʉŋ ndʉŋ wɔ́, pege tsẅɛ́ɛ á gwɔ́ pɔ́ ngie à tsɔ́ɔn mezìŋe mégè. À la sɔgɔ wégè, ńdɔg ńgÿo mé zyé wégè lezyé se sẅé, à Zẅìge Ndʉalʉ̌a náa le gwɔ́ we sẅé né pege.

Efeso 1:7

Míŋ we ŋwɛ́ la lɔg metse mé ńdɔg ńcu’u wégè, pege tsẅɛ́. E Ssé lege mefʉa mégè ńnáa mbwo pege. Yɔɔn áa nò té fʉ̀’ gie e Ssé la lɔg ńcÿó gʉm yégè,

Ŋwà’ne Jâŋ 6:55

Á nue mbab nnɛ́ yɔ̀ɔn ée shúm léjÿó se mbòŋo, metse mɔ́ɔn é gwɔ́ kwà’ mmó nǔ.

Ŋwà’ne Jâŋ 4:10

Yěsô tsɔ́’ɔ mbwo yé ngie, ɔ̀ gwé’e ńzsé fù’ gie Ssé náa, ḿbiŋ ńzsé nyìŋ gẅie à gɔɔn né gù ngie: Ná ntse n nú, mbà gù zɔ cʉ̌’ ńdúɔ ntse nǔ mbwo yé, á náa gú ńtse gẅie éfóo lesá’a.

Ŋwà’ne Jâŋ 3:5

Yěsô tsɔ́’ ngie tà mèŋ shwóŋó gẅí, kwà’ nénʉ́, à lɔɔn ńgwɔ́ nyìŋ le kúu tsɛ̀ɛ nò *lefùɔ Ssé té gwɔ́ gie mé lɔ̌g ntse ńzyé yé, ńgíŋe ńdɔgɔ zẅìge ńzyé yé wɔ́.

Ŋwà’ne Ngyà jʉ’ 1:5

Yěsô Kristo gẅie aa njÿò ńgyá we nénʉ́, ńgwɔ́ ndùŋ mvfò múɔ, ńgwɔ́ ndùŋ mvfò nyìŋ gẅie à la kwé ḿbiŋ ńzím, ńgwɔ́ Fùɔ cʉa mefùɔ pie ée ndùmo ssé tsetsá’, á gíŋe ńne ńgwɔ́ né pi, ńgíŋe ńne ńnéŋe sẅétè ntʉ́m pi. Yé Kristo kwoŋo wégè tɛ’, à la lɔg metse mé ńkyɛ́’ nkÿo menò tepòŋ ná pege.

1 Piɛ 3:21

Wɛ̌ ntse é laa liŋé kẅe ntse gie á gÿo pi tsẅɛ́ɛ fʉ̀’ɔɔn lɔɔn. Mé téen ńdɔgɔ sɔgɔ pɔ́ ncÿǒ nà mbùm nnɛ́ wɔ́. Á gwɔ́ pɔ́ lélɔg ńdúɔ mbwo Ssé ngie à sɔg mentʉ́m mégè, é le gíŋe ńŋaga wégè wɔ́. Akẅe ntse lɔgɔ pú’u, ńgÿo pi tsẅɛ́ɛ, ńzẅɛ́’ɛ pá’ Yěsô Kristo la zíme nà legwé.

Heber 10:29

Tà á lɔɔn ńgwɔ́ pú’u, mbà pi kwǎŋ gí ngie ngʉ̀ngʉ̀ gie á ne ńzɛ́te ngie mé zába twó nyìŋ gẅie à lɔgɔ́ míŋ Ssé ńtóŋ sɛ̌ shúm e ge lá’ ńgwá’a la? Mé gɔɔn nyìŋ gẅie à gwagá nò metse mie e Ssé lɔgɔ ńgwaa *kʉ̀a, é gwɔ́ mie mé la lɔg ńgÿo á cʉ́’ʉ nyìŋ Ssé, á nyìŋ gẅie à zoonté Zẅìge Ndʉalʉ̌a gie á gÿo pege zsé pá’ ntʉ́m Ssé poŋo nzèm pege pú’u.

Heber 9:7

Tá ńgʉa ná lûm we tsoló, *anùŋe pwɔ́’ we lÿò gílé yé zɔ̌ kúu jʉ’ó tà’ legʉ̀a ná ngù’u lá’, ńké těen ńkúu jʉ’ó té gẅiin metse mie à lɔgɔ ńtóo mvfò Ssé ńnyɛɛ ńtí menò tepòŋ mé yé, mbɔɔ me petsɔ́ pʉ̀a wɔ́.

Kolosia 1:4

á nue mé ka shwóŋó wég ntí gie pi ne ńdɔgɔ ńzába ntʉ́m ná Yěsô Kristo mbɔɔ ntí gie pi ne ńdɔgɔ ńkwoŋo pʉ̀a Ssé métsèm.

Roma 3:25

E Ssé ka lɔgɔ́ yé ńnuŋe pwɔ́’ pá’ metse mé ge sɔg menò tepòŋ pʉ̀a pie pɔ́ záb ntʉ́m ná yé Kristo. Pá’ nyìŋ la gẅiin lékwé ná menò tepòŋ pʉ̀a la, á lɔgɔ ńnyɛɛ ngie e Ssé gÿo menò mé ndʉŋ ndʉŋ. Á kaa tsɔ́ fʉ̀’, pʉ̀a mesoŋ ne ńgÿo nò tepòŋ, yé Ssé gÿo pɔ́ pá’ fʉ̀’ gie à tè ne ńgyá wɔ́ la.

Megàŋ ntúm 8:36

Pɔ́ yé la nyé ńgiŋe giŋ, ńkẅɛɛ nà tsɔ́ jʉ’, ntse gwɔ́ wó. Nyìŋ Etiopia ŋwɛ́ gɔɔn né Filib ngie: Ntse wɛ, à lɔɔn ńgwɔ́ kɔ́ táte tà mé le wɔ̀ɔn ntse nu’u?

Ŋwà’ne Jâŋ 14:6

Yěsô tsɔ́’ɔ mbwo yé ngie: Mèŋ n ge mánzsè, mèŋ n ge nò nénʉ́, mèŋ n ge legwɔ̌ wó. À lɔɔn ńgwɔ́ nyìŋ á le gʉa mvfò Tá wɔ̀ɔn té cʉa pɔ́ ná mèŋ wɔ́.

1 Jâŋ 4:10

Nkwòŋe léen ńgwɔ́ pɔ́ pá’ɔɔn, pege zɔ la tè kwoŋ Ssé wɔ́, yé zɔ la kwoŋo wégè. À la kwoŋo wégè kwoŋ tà ńtúmo Míŋ we, á tó ńdɔgɔ twó yé ńnuŋe pwɔ́’ ńtí wégè, áa mmo gie á gÿo Ssé lege menò tepòŋ mégè.

1 Timote 3:16

Áa nò ngie nò nénʉ́ gie Ssé la gÿo pege zsé, á piŋ ńnyɛɛ wégè pá’ ńgwɔ́ pege giŋe ná mánzsè Ssé, á gú’ tɛ’. Áa ngie: Yé gẅie à la sele ńcʉ́’ʉ nyìŋ mesoŋ, A Zẅìge Ndʉalʉ̌a la nyɛ ngie aa tè *lɔ̌’. *Mecÿɔ́’ Ssé la gyá yé. Pʉ̀a la sá’a nò yé mengwòŋo mengwòŋ, mé záb ntʉ́m ná yé jʉ’ ntsèm tsɛ̀ɛ njÿó. E Ssé la sa’a yé, ńdɔg ńgʉa né tÿǒ lepwó, á jʉ’ʉ legú’.

Matio 3:16

ńnu’u yé ntse. Yěsô gwɔ́ tá ńkẅɛ, ncwò tÿǒ lepwó tsɔ́’ɔ ńtyé. Á gyá Zẅìge Ssé fó tÿǒ ésẅɛ́’ ńgwɔ́ pá’ kàpʉŋ la, ńtó ńnéŋe ná yé.