1 Jâŋ 5:3 - Nouveau Testament en Ngienboum

³ Á nue lekwoŋ Ssé aa pege létÿɔ́gɔ kwò ná mbʉ̌ mé, mbʉ̌ mé piŋ ńké tè tʉ ńcʉa wégè wɔ́.

1 Jâŋ 5:3 Referans Kwoze

Ŋwà’ne Jâŋ 14:15

Pi lɔɔn ńkwoŋo wɔ̀ɔn, mbà pi ge gÿo kú’te mbʉ̌ mɔ́ɔn.

Ŋwà’ne Jâŋ 15:10

Pi lɔɔn ńkú’te mbʉ̌ mɔ́ɔn, mbà mèŋ n ge ne kwoŋo gẅi kwoŋ. Ndʉŋ ndʉŋ pá’ mèŋ n da kú’te mbʉ̌ Tá wɔ̀ɔn á piŋ ne ńkwoŋo wɔ̀ɔn kwoŋ.

2 Jâŋ 1:6

Legẅiin nkwòŋe à gwɔ́ pɔ́ lékú’te mbʉ̌ Ssé. *Lepʉ̌ sie pi la jú’ tà fó nzyeté é gwɔ́ pɔ́ ngie pi ńnéŋe lê nkwòŋe.

1 Jâŋ 2:3

Pege lɔɔn ńgÿo mmó gie Ssé ne ńtsẅii né pege, mbà wɛ̌ légwɔ́ ge nyɛɛ wégè ngie pege zsé Ssé

Roma 7:22

Mèŋ n ge kwà’ tsɛ̀ɛ ntʉ́m mèŋ, *lepʉ̌ Ssé poŋo wɔ̀ɔn tɛ’.

Ŋwà’ne Jâŋ 15:14

Pi lɔɔn ńgÿo mmó gie mèŋ n zɛté gẅí, mbà pi cʉ̌’ ńgwɔ́ pɔ́ meshǔ pɔ́ɔn.

Heber 8:10

Tá *akʉ̀a gie mèŋ n ge gwaa tsetsɛ̀ɛ pega pʉ̀a Israel á yɔɔn. Yɛ̌ fʉ̀’ ge gÿo gwɔ́ tà tɔ́g, mèŋ Cʉ̀apʉ̀a zɔ gɔɔn Mèŋ n gÿo legyè sɔ́b ńnéŋe ńtyé pɔ́ nà mbʉ̌ mɔ́ɔn mbɔɔ ntʉ́m wɔ́b tyé pɔ́ mǒ Mèŋ n gwɔ́ Ssé yɔb pɔ́ gwɔ́ pʉ̀a pɔ́ɔn

Roma 7:12

*Lepʉ̌ lɔgɔ pú’u, éfóo mbwo Ssé, anò gie é tsẅi ngie mé gÿo gíŋe fó yé pɔ́ mbwo Ssé, ńgwɔ́ nò gie áa ndʉŋ ndʉŋ, ńgwɔ́ gie áa ḿboŋ.

Matio 23:4

Pɔ́ kâ pi’ gie á zɛ tɛ’, ńzába mekẅi pʉ̀a mesoŋ, tá ńdʉ’ʉ légwɔ́ gie kwà’ pɔ́b ge fó lɔgɔ mentsě tepwó e tsẅi’te mbɔɔ tsẅi’tě.