1 Jâŋ 4:8 - Nouveau Testament en Ngienboum

⁸ Nyìŋ lɔɔn tè nyìŋ mesoŋ kwoŋ, mbà à nyě tè zsě Ssé, á nue e Ssé gẅiin pɔ́ nkwòŋe.

1 Jâŋ 4:8 Referans Kwoze

1 Jâŋ 4:16

Á gʉa ná peg, mbà pɔ́ ne ńzsé pá’ Ssé kwoŋo wég pú’u, peg ka gyá yɛ̌ ntí nkwòŋe tà ńzẅíŋ. E Ssé gẅiin pɔ́ nkwòŋe, nyìŋ lɔɔn ńne ńkwoŋo pʉ̀a mesoŋ, mbà ngàŋ la nnɛ́ nà Ssé, e Ssé la nnɛ́ ná yé.

1 Jâŋ 4:7

Meshǔ pɔ́ɔn pe tʉ̀ nzẅìŋ, !pege gẅiin nkwòŋe tsetsɛ̀ɛ pege, á nue nkwòŋe fóo mbwo Ssé. Nyìŋ gẅie à gẅiin nkwòŋe aa míŋ Ssé, ńne ńzsé Ssé

2 Korento 13:11

Á nà fʉ̀’ɔɔn mefɛ́ pɔ́ɔn, pi ńnéŋe nê lekág. Pi ne fa’a shÿó pá’ tsɔ́ *lɔ̌’ té ge gwɔ́ tsetsɛ̀ɛ pi wɔ́. Pi ne ńkẅiŋte mennɛ́ mí. Pi ne ńgẅiin tà’ ncwò, ńnéŋe lê mbʉ́lè, à cʉa pú’u, e Ssé, yé gẅie à gẅiin nkwòŋe pɔ́ mbʉ́lè gwɔ́ tsetsɛ̀ɛ pi.

Efeso 2:4

Tá’ e Ssé kě ńtsɔ́ɔn mezìŋe pʉ̀a mesoŋ tɛ’. Á la piŋ ńcʉa pɔ́ nà ntí gie à la lɔg ńkwoŋo wégè,

1 Jâŋ 1:5

Anò gie Yěsô Kristo la shwóŋó wég, à yɔɔn gie peg ge shwǒŋ pi lɔɔn. À la gɔɔn ngie: E Ssé gwɔ́ pɔ́ kyɛ̀’, mbɔɔ méjʉ’ʉ nzěm à tè ná ngÿǒ menò me wɔ́.

1 Jâŋ 3:6

Áa yɛ̌, wɔ̌wɔ́ɔ gẅie à lǎ nnɛ́ ná yé, à tè gíŋe fʉa nò wɔ́, awɔ̌wɔ́ɔ gẅie à neŋé fʉa pɔ́ nò, à laa Yěsô gyá, ńké tè yé zsé.

1 Jâŋ 2:9

Nyìŋ gẅie à gɔɔn ngie ngÿǒ menò mé ee me jʉ’e fɔ̌g, ḿbiŋe ne ḿbʉa fɛ́ we, ngàŋ lɔgɔ ńnyé ńgwɔ́ pɔ́ tsɛ̀ɛ nzěm.

1 Jâŋ 2:4

Nyìŋ gẅie à gɔɔn ngie: «Mèŋ n zsé yé» Tá ńké tè mbʉ̌ mé kú’te, mbà ngàŋ aa ngàŋa cÿɔ nò, anò nénʉ́ gie á fó mbwo Ssé lɔgɔ tě ńgwɔ́ tsɛ̀ɛ ntʉ́m ngàŋ wɔ́.

Heber 12:29

Á nue e Ssé yege, ée mmɔ̌g gẅie é tuɔ shúm ntsèm sie ée mbwo yé ńgwɔ́ se tepòŋ.

1 Jâŋ 3:10

Pi gyá mmó gie mé fó mǒ ńdɔg ńzsé púɔ Ssé, ńgíŋe ńzsé pe Sátà. Nyìŋ lɔɔn tè gÿo mmó gie áa ndʉŋ ndʉŋ mvfò Ssé wɔ́, ńké tè kwoŋo fɛ́ we wɔ́, mbà ngàŋ tè míŋ Ssé wɔ́.