1 Jâŋ 3:12 - Nouveau Testament en Ngienboum

¹² Tà pege gwɔ́ pá’ Kain gẅie à laa nzèm Sátà, ńzẅé fɛ́ we zyé manzwě. À lɔ̌ɔn ńzẅé yé mélà’a kɔ́? Á laa nue mefà’ mé laa me tepòŋ, mé fɛ́ we gwɔ́ mie ée ndʉŋ ndʉŋ mvfò Ssé.

1 Jâŋ 3:12 Referans Kwoze

Heber 11:4

Á la fó pɔ́ ná pá’ Abe la záb ntʉ́m wé nà Ssé, tá á nuŋe wé pwɔ́’ é poŋo mbwo Ssé ńcʉa we Kain. Á la fó pɔ́ mǒ, e Ssé líe yé tà ngie, aa ndʉŋ ndʉŋ mvfò yé, mbà à la cʉ́’ʉ lényɛ, ńzẅíŋe mmó gie Abe lɔ̌g ńtóo mvfò yé. Á la fó pɔ́ ná pá’ Abe la záb ntʉ́m wé nà Ssé, à nyé lyɛ̌’ɔɔn ńgɔɔn nò mbwo pege gɔɔn, tá mbà à léen ńkwé.

Jẅide 1:11

Ndòon ee twó pɔ́b nue pɔ́ cʉmé nà mánzsè we Kain, ńne fʉate menò ńdɔgɔ ńdaba nkáb pá’ Mbalam. Pɔ́ ée pú’u, mbà pɔ́ kéen ńkwé, á nue pɔ́ kéen ńtʉʉ twó mbwo Ssé pá’ Koré.

Lukase 11:51

Epʉ̀a pie Ssé ge lá’ zɛ́te metse mɔ́b mbwo pʉ̀a pie ee tsɛ̀ɛ ngÿo fʉ’ɔɔn zɔɔn ńgyɔ́ɔn tɛ’. Tà fó ná me Abe gẅie mé la vɔgɔ ná yé lézẅé, ńgʉa ńkúu ná me Sakarîɛ gẅie mé la fó ńzẅé yé pɔ́ ncwò *jʉ’ʉ Ssé, á ngʉ̀ŋe jʉ’ gie mé nuŋe pwɔ́’ wó. E Ssé ge lá’ pú zɛ́te wɔ́b métsèm pɔ́ mbwo pʉ̀a pie ée tsɛ̀ɛ njÿó fʉ̀’ɔɔn.

Matio 23:35

Pú’u, metse pàteŋag metsèm mie mé lǎ pfɛte ndùmo ssé tsetsá’ e pú sẅɛ́’ɛ ndù pi. Léfó ná metse Abe gẅie à lɔ̌ɔn ńkú’te *lepʉ̌ Ssé, ńgʉa ńkúu nà me Sakarîɛ, míŋ Mbarashi, gẅie pi la zẅé yé á na shʉa gie ee na lekye mɔ́g pwɔ́’ pɔ kwà’ tsɛ̀ɛ jʉ’ gie e Ssé ee wó

1 Piɛ 4:4

Á piŋ ńgwɔ́ nà fʉ̀’ɔɔn pà tèzsé Ssé cʉ́’ʉ ńgyá gi ntí ḿmɔɔn mɔɔn, á nue pia pɔ̌ cʉ’ʉ́ ńteme kwò ńgiŋe légÿo menò mie pɔ́ gyo é gwɔ́ pɔ́ menò shʉ́ wɔ́. Pɔ́ lêen ńké ńcʉ́’ʉ ńzoon gẅi zoon.

Heber 12:24

Pi ka sẅɛ’te nnɛ́ ńtó nê lejʉ́ŋ Yěsô gẅie à la pfɛte metse mé lélɔg sɔgɔ *lɔ̌’ ná pege, aa mamekěm nà *kʉ̀a gie áa ye sẅé, metse mé gẅiin nò gie é gɔɔn mbwo pege, á cʉ́e ńcʉa nò gie metse Abe gɔɔn.

1 Jâŋ 3:8

Nyìŋ lɔɔn ńké ńnéŋe ńgÿo yé pɔ́ nò tepòŋ, mbà aa nyìŋ Sátà, á nue Sátà aa ngàŋ mefʉa tà fó pɔ́ nzyète ngwòŋ. Míŋ Ssé la zɔɔn ńtó pɔ́ ńgÿo kɔ́? À la tóo ḿbyág mefà’ Sátà.

Megàŋ ntúm 7:52

Metá pí la tè wɛ̌ *ntsẅì nkʉ̀ Ssé kʉ́e? Pɔ́ la zẅéte pʉ̀a pie pɔ́ la tʉ́ njÿó ne ḿbÿé ngie nyìŋ gẅie aa ndʉŋ ndʉŋ gílé yé ge gÿo tó. A kéen ńtó, pi pɛ̂ sẅiŋe yé, ńgÿo mé zẅé yé.

Ŋwà’ne Jâŋ 10:32

Tá Yěsô gíŋe ńgɔɔn né pɔ́b ngie: Mèŋ n ka gÿo pi gyá mefà’ mbòŋo tà é gyɔ́ɔn gyɔ̌ɔn mie é fóo mbwo Tá wɔ̀ɔn, pi laga metóon lélɔg ńtémte wɔ̀ɔn ńzẅé pá’ɔɔn ńtí yɛ̌ mǒ?

Matio 27:23

*Pilato zɛ́te wɔ́b ngie: Kwà’ nò tepòŋ gie à gÿǒ gwɔ́ pɔ́ kɔ́? Tá àlá’ kẅi’i ńnáa gwá, ńgɔɔn pé ngie: Ké ńkime yé kim!

Matio 13:38

Nká’ é gwɔ́ njÿó, mbyè mmó mbòŋo é gwɔ́ pʉ̀a pie e Ssé zɔ sá’a wɔ́b, mbyè mmó ye tepòŋ gwɔ́ pʉ̀a pie Sátà ne sá’a wɔ́b.

Matio 13:19

Ngʉ̀ŋe mánzsè gẅie tsɔ́ memvòm gwě wó, ée pʉ̀a pie pɔ́ jú’u nò *lefùɔ Ssé, pɔ́ té jú’ tà ńjú’ wɔ́. Sátà tó, éfó tsɛ̀ɛ ntʉ́m wɔ́b ńkẅile.

Ŋwà’ne Ngyà jʉ’ 17:6

Mèŋ n gyá manzwě áwɛ̌, mbà à ně nú metse pʉ̀a Ssé mbɔɔ me pʉ̀a pie pɔ́ gɔɔn mmó gie pɔ́ zsé ná Yěsô nǔ tà ḿbʉ́a. Mèŋ n gyá yé ḿbú ḿmɔɔn tɛ’.

1 Tesalonika 2:14

Mefɛ́ mefɛ́, ngɔ́’ gie e la kú pʉ̀a Jẅidea pie pɔ́ la záb ntʉ́m ná Kristo, ńcú’te ńcʉ́’ pʉ̀a Ssé, e la kúu gẅi gí. N gɔɔn nue pʉ̀a lá’ pí la nyɛɛ gẅi ngɔ́’, á gwɔ́ pá’ pà Yuda, epʉ̀a lá’ pɔ́b yɔ́b, la nyɛɛ wɔ́b ngɔ́’.

Matio 5:37

Oon gẅi gwɔ́ pɔ́ oon, ngǎŋ gẅi gwɔ́ pɔ́ ngǎŋ, àgie mé kẅi’i mǒ fóo mbwó Sátà.

Ŋwà’ne Jâŋ 8:40

Mèŋ shwoŋó gẅi nò nénʉ́ gie mèŋ n ka jú’u mbwo Ssé, pi piŋ ńgwɔ́ fʉ̀’ɔɔn ńne fa’a lézẅé wɔ̀ɔn, mbà Ábalam la tè pú’u gÿo.

Ŋwà’ne Jâŋ 8:41

Pi fa’a pɔ́ mefa’ gẅi tá, pɔ́ tsɔ́’ɔ mbwo yé ngie: Peg tè púɔ gÿɛ́ wɔ́, peg gẅiin pɔ́ tà’ Tá wémɔ’ɔ́, á gwɔ́ Ssé.