1 Jâŋ 3:11 - Nouveau Testament en Ngienboum

¹¹ Anò gie pi la jú’ tà fó nzyeté á gwɔ́ pɔ́ ngie: Pege gẅiin nkwòŋe tsetsɛ̀ɛ pege.

1 Jâŋ 3:11 Referans Kwoze

Ŋwà’ne Jâŋ 15:12

*Lepʉ̌ sɔ́ɔn e sɔɔn: Pi kwoŋe pi né pi pá’ mèŋ n ka kwoŋo gẅi la.

2 Jâŋ 1:5

Tʉ̀ nzẅìŋ Má penkʉ́, ammó gie mèŋ n ne ńzɛ́te mbwo gù fʉ̀’ɔɔn á gwɔ́ ngie pege gẅiin nkwòŋe tsetsɛ̀ɛ pege, sɔɔn ke tè gwɔ́ pɔ́ tsɔ́ *lepʉ̌ se sẅé sie mèŋ n ŋwe’e ńnáa mbwo gù wɔ́, ée *lepʉ̌ sie pege gẅiin tà fó nzyeté.

1 Jâŋ 4:7

Meshǔ pɔ́ɔn pe tʉ̀ nzẅìŋ, !pege gẅiin nkwòŋe tsetsɛ̀ɛ pege, á nue nkwòŋe fóo mbwo Ssé. Nyìŋ gẅie à gẅiin nkwòŋe aa míŋ Ssé, ńne ńzsé Ssé

1 Jâŋ 4:21

*Lepʉ̌ sie Kristo la ná né pege, e sɔɔn. Nyìŋ lɔɔn ńkwoŋ Ssé, á gíŋe ńkwoŋo fɛ́ we nyìŋ mesoŋ.

1 Piɛ 4:8

Andùŋ mvfò mmó gie pi ge gÿo, aa gẅi légẅiin nkwòŋe tsetsɛ̀ɛ pi, mélà’mie nkwòŋe pyaga lelÿò menò tepòŋ.

1 Piɛ 3:8

Mèŋ n ge gwaa cʉ́me, é gɔɔn fʉ̀’ɔɔn mbwo mânyìŋ ntsèm ngie, pi gẅiin tà’ ncwò, nyìŋ gẅi gyá nò nyìŋ pá’ yé, ńgwɔ́ ngàŋa tsɔ́ɔn mezìŋe, ńgẅiin nkwòŋe mefɛ́ mefɛ́, ńná nnɛ́ ssé.

Efeso 5:2

Pi gwaa gÿo kɔ̀ɔkɔ́ɔ gí wɔ́, ńdɔg pɔ́ nkwòŋe ndʉŋ ndʉŋ pá’ Kristo la kwoŋo wégè tà ńnáa twó yé ńdɔg ńnuŋe pwɔ́’ mvfò Ssé ńtí wégè. Epwɔ́’ ŋwɛ́ ée gẅie gyě poŋo mbwo Ssé.

1 Jâŋ 1:5

Anò gie Yěsô Kristo la shwóŋó wég, à yɔɔn gie peg ge shwǒŋ pi lɔɔn. À la gɔɔn ngie: E Ssé gwɔ́ pɔ́ kyɛ̀’, mbɔɔ méjʉ’ʉ nzěm à tè ná ngÿǒ menò me wɔ́.

1 Tesalonika 4:9

Atsɔ́ mmó gie ngwɔ́ n ŋwe’e ńná né pi ńtí nkwòŋe tsetsɛ̀ɛ mefɛ́ mefɛ́ á té wó wɔ́, n gɔɔn nue pi ka zi’í pɔ́ kwà’ mbwo Ssé lékwoŋ mennɛ́ mí.

1 Piɛ 1:22

Pi ka lɔgɔ lézẅíŋe nò gie áa nénʉ́, ésɔg ntʉ́m gẅí. Légwɔ́ gie pi ge kwoŋ mefɛ́ pi pie pia pɔ̌ zába ntʉ́m nà Ssé, é kwoŋo wɔ́b tà shwóŋó nò. Pú’u la, pi gẅiin kwà’ nkwòŋe tsetsɛ̀ɛ pi, nyìŋ kwoŋo fɛ́ we lê ntʉ́m we ntsèm.

1 Timote 1:5

Ɔ̀ gɔɔn yɛ̌ nò né pɔ́b légwɔ́ gie pɔ́ ge kwoŋ petsɔ́ pʉ̀a tà shwóŋó nò. Lekwoŋo nyìŋ tà shwóŋó nò, à zɛ́te légẅiin ntʉ́m Ndʉalʉ̌a, ńzɛ́te légÿo mmó gie mbùm ɔ̀ té cúa gú mǒ wɔ́, ḿbiŋe ńzɛ́te lézáb ntʉ́m nà Ssé, kwà’ nénʉ́.

Galatia 6:2

Pi kaa menò mí ḿbi’ ńkẅéte. Pi lɔɔn ńgÿo pú’u, mbà pi gÿǒ mmó gie *lepʉ̌ Kristo ne ńzɛ́te.

Ŋwà’ne Jâŋ 13:4

Ńńnéŋe tà ńdu ssé, ésẅɛ nzsǒ fÿɔ́g ye, ńnuŋe ssé, ḿbíi tágwele ńtʉ́me zẅɛ̌’ yé.

1 Jâŋ 4:11

Meshǔ pɔ́ɔn pe tʉ̀ nzẅìŋ, à lɔɔn ńgwɔ́ gie e Ssé la kwoŋo wégè pá’ɔɔn, mbà á ne ńzɛ́te ngie pege yégè gẅiin nkwòŋe tsetsɛ̀ɛ pege.