1 Jâŋ 2:21 - Nouveau Testament en Ngienboum

²¹ Mèŋ n ka gwaa ŋwe’e ŋwà’ne ná né pi mèŋ n tě ńdɔgɔ ńgɔɔn ngie pi tè ne ńzsé nò nénʉ́ gwɔ́ wɔ́. Á gwɔ́ pɔ́ nò gie pi ne ńzsé. Pi giŋé ńne ńzsé ngie, etsɔ́ cÿɔ nò lɔɔn ńgwɔ́ é le tsɛ̀ɛ nò nénʉ́ kẅɛ.

1 Jâŋ 2:21 Referans Kwoze

2 Piɛ 1:12

Áa mmó gie á gÿo n ge lá’a zɔ́gɔ kímte gẅi mɔɔn menò kimté tà mbɔɔ pá’ pi ne ńzsé, ḿbiŋ ne ńgiŋe pɔ́ nà nò gie áa nénʉ́ gie mé la shwóŋó gẅí.

Jẅide 1:5

Mèŋ n ne ńkwoŋo lékímte gẅi tsɔ́ nò gie pi cwoŋo ńne ńzsé mboŋó, á gwɔ́ pá’ Cʉ̀apʉ̀a la kẅile pʉ̀a pé pà Israel tsɛ̀ɛ ngwòŋ Egipto tà pɔ́ tsẅɛ́, á gÿo ńgʉa tsetsɛ̀ɛ pɔ́b ńgÿo pʉ̀a pie pɔ́ kaa záb ntʉ́m ná yé wɔ́ kwéte.

Ŋwà’ne Jâŋ 8:44

Agẅi tá aa Sátá, pi piŋ né ńkwoŋo légÿo mmó gie à né ńtsɔ́ɔn. Á gʉa ná yé, mbà tà fó nzyeté, á gwɔ́ pɔ́ nzẅè nyìŋ. À laa mé ńgiŋe tsɛ̀ɛ nò nénʉ́ wɔ́. Ńtí nue à tè nò nénʉ́ tsɛ̀ɛ ntʉ́m yé gẅiin, tà tsoon lǎg. À gwɔ̌ tà ne ńcÿɔ nò, á gwɔ́ pɔ́ kwà’ shwóŋè yé, á nue aa ngàŋa cÿɔ nò, ńgwɔ́ nyìŋ gẅie yé zɔ la nuŋe cÿɔ nò.

Ŋwà’ne Jâŋ 18:37

*Pilato leen ńké ńzɛ́te yé ngie: Ɔ̀ lɔgɔ ńgwɔ́ fùɔ wɔ́? Yěsô tsɔ́’ ngie, ɔ̀ gɔ̌ɔn pú’u, mèŋ n gee fùɔ. Jú’u mmó gie á la gÿo mé zyé wɔ̀ɔn, ńgíŋe ńjú’u mmó gie á la gÿo mèŋ n tóo tsɛ̀ɛ njÿó. N da tó légɔɔn mmó gie mèŋ n zsé nà nò nénʉ́. Nyìŋ gwɔ́ ná nò nénʉ́, á jú’ ngyè yɔ̀ɔn.

Ŋwà’ne Jâg 1:19

Mefɛ́ pɔ́ɔn pe ntʉ̀ nzẅìŋ, pi zsé ngie áa mbòŋ mbwo nyìŋ lézsé lézẅí’te nò gie mé gɔɔn, ḿbiŋ ńgɔɔn yé nò á ku’ ku’, é ké le lwo ńgyáŋa lóŋ wɔ́,

1 Jâŋ 3:19

Pege ge gÿo pú’u, tá zsé ngie pege ee nà gwǒŋo nò nénʉ́, é tyé mvfò Ssé ntʉ́m wégè le vɛ.