1 Jâŋ 2:20 - Nouveau Testament en Ngienboum

²⁰ ńgʉa ná pi, mbà Kristo ka náa Zẅìge Ndʉalʉ̌a né pi. Áa mmó gie á gÿo pi métsèm zsé nò nénʉ́.

1 Jâŋ 2:20 Referans Kwoze

Ŋwà’ne Jâŋ 14:26

Pi ge cʉ́’ nzèm, Tá wɔ̀ɔn lɔg lezíŋ sɔ́ɔn, ńtúmo Ntàg Nzèm gẅi, à gwɔ́ Zẅìge Ndʉalʉ̌a. À tó ńzí’i gẅi shúm ntsèm, ńgÿo pi kímte kɔ̀ɔkɔ́ɔ gie mèŋ n dǎ shwóŋó gẅí.

1 Jâŋ 2:27

ńgʉa ná pi, mbà Kristo la náa Zẅìge yé né pi. Yɛ̌ Zẅìge piŋ ńké ńne ńgwɔ́ ná pi, áa mmó gie á gÿo, á té ne ńzɛ́te ngie nyìŋ mesoŋ zí’i gẅi mmó wɔ́, á nue Zẅìge Ndʉalʉ̌a ne ńzí’i gẅi kɔ̀ɔkɔ́ɔ, ammó gie á la’te piŋ ńgwɔ́ nénʉ́, é té cÿɔ̌ nò wɔ́. Pú’u la, pi ké ńda pɔ́ nnɛ́ ná Kristo pá’ Zẅìge Ndʉalʉ̌a la zí’i gẅí.

Megàŋ ntúm 10:38

Pi giŋé ne ńzsé ngie e Ssé la ná metʉ̀ Zẅìge Ndʉalʉ̌a ne Yěsô mûɔ Nǎzarɛd ńdɔgɔ pú’u, ńzɔ́’ɔ yé, ḿbiŋ ne ńtÿɔ́’te yé. Á gʉa jʉ’ ntsèm, ńne ńgÿo menò mbòŋo, ńne ńkẅé pʉ̀a metsèm pie pɔ́ laa megàŋa tsǎŋ nà mbwó Sátà.

Ŋwà’ne Jâŋ 16:13

À zẅìge Ndʉalʉ̌a ge gÿo tó, é gÿo pi zsé nò nénʉ́ ntsèm, á nue yé zɔ la’te nò nénʉ́, à tè gÿo gɔɔn pɔ́ yé nò wɔ́. À ge gÿo gɔɔn pɔ́ nò gie à jǔ’, é piŋ shwóŋó gẅi menò mie é ne ńtóo.

Heber 1:9

Ɔ̀ kwoŋo nò gie á tyé ndʉŋ ndʉŋ, ḿbʉa gie á té tyé. Áa mmó gie á gÿo me Ssé, mèŋ Ssé jù la zɔ́’ɔ gú ńdɔgɔ gú ńgÿo mmó, mbùm jù poŋo mǒ tɛ’ Mèŋ n da cÿó gʉme jú ńcʉa ye *ngàŋa kwò jú.

1 Jâŋ 4:13

Ammó gie á gÿo pege zsé ngie pege la nnɛ́ nà Ssé, e Ssé la nnɛ́ ná pege áa pá’ à la náa Zẅìge yé né pege.

Megàŋ ntúm 3:14

Pi ka moŋe nyìŋ gẅie e Ssé la tsɔ́’, á gwɔ́ ndà’ nyìŋ gẅie aa ndʉŋ ndʉŋ, ḿbiŋ sẅíŋte *pilato ngie à nyé fÿɛ́ né pi.

Lukase 4:18

À Zẅìge Cʉ̀apʉ̀a áa ná mèŋ, mélà’mie à la zɔ́’ɔ wɔ̀ɔn, ńtúmo wɔ̀ɔn ngie n gʉa, ńtsẅi Nkʉ̀ Mbòŋo á mbwo megàŋ ngɔ́’, ńtúmo wɔ̀ɔn ngie n gʉa ńtsẅii mbwo megàŋa tsáŋa ncù ngie: Mé ge kẅile wɔ́b, ńtúmo wɔ̀ɔn ngie n gʉa, ńgÿo mefʉ̀ menÿɔ́g gyá jʉ’, ngie n gʉa, ńtág nzèm pʉ̀a pie mé ne sẅɛ́ɛ wɔ́b,

Malékuse 1:24

Yěsô, mûɔ Nǎzarɛd, pege gẅiin kɔ́? Ɔ ka fɔ̌ɔn ńtó pɔ́ lépyága wég ka? Mèŋ n ne ńzsé gú. Ɔ fóo lejʉ́ŋ Ssé, ńgwɔ́ Míŋ we.

Ŋwà’ne Ngyà jʉ’ 4:8

Mbɔɔ wɛ̌ wɔ́ nà menɔ̀ɔn ŋwɛ́ lekùa la gẅiin mbabá mé ntɔgɔ́, menÿɔ́g gwɔ́ mǒ jʉ’ ntsèm, á nzème pǐ mbɔɔ nzème tsoló. Pɔ́ ne ńzɔbɔ té kʉ́a á fʉ̀’ʉ zsó mbɔɔ tsẅɛ́’, ńgɔɔn ngie: Ndʉalʉ̌a, Ndʉalʉ̌a, Ndʉalʉ̌a, aa Cʉ̀apʉ̀a Ssé Ngàŋa tʉ̀ ntsèm, á gẅie à laa wó, aa wó, à piŋ ńne ńtóo.

Ŋwà’ne Ngyà jʉ’ 3:7

Ŋwe’e menò mɔɔn, ńtúm ńnáa mbwo *cÿɔ́’ Ssé gẅie à líe cú’tè pʉ̀a Kristo gie áa tÿǒsoŋo Filadelfia. Ŋwe’e ngie: Nyìŋ gẅie à fóo lejʉ́ŋ Ssé, ńgwɔ́ shwóŋò nò nénʉ́, yé gẅie à ngẅiin kí fùɔ Ndavíd, yé gẅie à tsɔ́’ ncwò ndá nyìŋ tè ku’u léjÿɔ́’ wɔ́, ńjÿɔ́’ nyìŋ tè ku’u létsɔ́’ wɔ́, à ne ńgɔɔn ngie:

Heber 8:11

À gwɔ́ fʉ̀’ó, atsɔ̌ nyìŋ le gíŋe ńzí’i nyìŋ lá’ gwɔb mmó zí’i wɔ́ nyìŋ ké le gíŋe ńzí’i fɛ́ we zí’i ngie: Zsé jú nò Cʉ̀apʉ̀a wɔ́. Á nue mânyìŋ ntsèm ge lá’ gwɔ́ fʉ̀’ó ne zsé wɔ̀ɔn. Á léfóo ná mûɔ mémúɔ gẅie aa tsetsɛ̀ɛ pɔ́b, ńgʉa ńkúu ná nzẅìŋe ndÿò.

1 Korento 2:15

Nyìŋ gẅie à Zẅìge Ndʉalʉ̌a áa ná ye, à ku’u létsa’a yɛ̌ nò wɔ́ ntsèm ńdíe. Tá ńgʉa ná ye, mbà à lɔɔn ńgwɔ́ tsɔ̌ nyìŋ letsa’a yé nò ńdíe wɔ́.

Lukase 4:34

Yěsô mûɔ Nǎzarɛd, pege gẅiin kɔ́? Ɔ̀ ka fɔ̌ɔn ńtó pɔ́ lépyága wég ka? Mèŋ n ne ńzsé ɔ́, ɔ̀ foo lejʉ́ŋ Ssé, ńgwɔ́ míŋ we.

Matio 13:11

Yěsô tsɔ́’ɔ mbwó pɔ́b ngie: E Ssé lá gÿó ngie pi pɛ zɔ zsé nó nénʉ́ na lefùɔ sé sie ée lelyěen, ńgʉa nà petsɔ́ pʉ̀a à tè gÿo ngie pɔ́ zsé wɔ́.

Jẅide 1:5

Mèŋ n ne ńkwoŋo lékímte gẅi tsɔ́ nò gie pi cwoŋo ńne ńzsé mboŋó, á gwɔ́ pá’ Cʉ̀apʉ̀a la kẅile pʉ̀a pé pà Israel tsɛ̀ɛ ngwòŋ Egipto tà pɔ́ tsẅɛ́, á gÿo ńgʉa tsetsɛ̀ɛ pɔ́b ńgÿo pʉ̀a pie pɔ́ kaa záb ntʉ́m ná yé wɔ́ kwéte.