1 Jâŋ 2:13 - Nouveau Testament en Ngienboum

¹³ N ne shwóŋó gẅi melÿò ngie: Pi ee pɛ́’ɛ̀ ńne zsé Nyìŋ gẅie aa wó tà fó nzyeté, ńne shwóŋó gẅi pûɔ shum ngie pi kéen ńtʉ ńcʉa nyìŋ tepòŋ.

1 Jâŋ 2:13 Referans Kwoze

Ŋwà’ne Jâŋ 14:7

Pi gwɔ́ pé’e ńzsé wɔ̀ɔn, mbà pi zsé Tá wɔ̀ɔn yé. Mèŋ n kě ńgɔɔn pá’ɔɔn pi gwɔ́ fʉ̀’ɔɔn ńne ńzsé yé. Mbà pi gyǎ yé.

1 Jâŋ 2:14

Penkʉ́ pɔ́ɔn, mèŋ n gee pá’ɔɔn ńne ńŋwe’e shwóŋó gẅi ngie pi ne ńzsé Tá wege, ńgʉa ná pi melÿò, mbà mèŋ n gee pá’ɔɔn ne shwóŋó gẅi ngie pi ne ńzsé nyìŋ gẅie aa wó tà fó nzyeté, ńgʉa ná pi pûɔ shum, mèŋ n ne shwóŋó gẅi ngie, pi ne ńtʉte tʉte, ashwóŋè Ssé ké ńgwɔ́ pɔ́ ntʉ́m pi, pi kěen ńtʉ̀ ńcʉa nyìŋ tepòŋ.

1 Jâŋ 4:4

Pi penkʉ́ pɔ́ɔn, pi ee nà gwǒŋo yé Ssé. Pi kéen ńdÿɔ́’ tà ńcʉa pà *ntsẅì nkʉ̀ Ssé pe cÿɔ̌ nò, mélà’mie a Zẅìge Ssé gie áa ná pi á pú ńtʉ ńcʉa ngàŋ mbù Kristo gẅie aa tsɛ̀ɛ njÿó.

1 Jâŋ 1:1

Peg ŋwe’e yɔɔn ŋwà’ne ńnáa né pi ńdɔgɔ shwóŋó gẅi nò ná shwóŋè gie á gÿo mé gwɔ́ wó, á gie aa ńgwɔ́ pɔ́ wó tà fó nzyète shúm ntsèm, peg la lɔg metuŋó még ńjú’, ńdɔg nÿɔ́g még ńgyá, ńnyɛte ńdíe ńdɔg mbwó még ńkíbe.

Lukase 10:22

Yěsô gíŋe ńgɔɔn ngie: Tá wɔ̀ɔn léen ńnyé kɔ̀ɔkɔ́ɔ nà mbwo mɔ́ɔn. Ngwɔ́ tsɔ̌ nyìŋ le zsé múɔ wɔ́, ńdà’ Tá we zɔ zsé yé. Nyìŋ ké le Tá zsé, ńdà’ Míŋ we zɔ zsé yé, ḿbiŋ ńgÿo nyìŋ gẅie múɔ kwoŋó lényɛɛ Tá we mbwo yé.

Ŋwà’ne Jâŋ 17:3

Legwɔ́ tèmì wéwɛ̌, á gwɔ́ pá’ pɔ́ ge zsé gú, gù gẅie ɔɔ kwà’ ndà’ Ssé ye nénʉ́ gílé gù, é gíŋe zsé nyìŋ gẅie ɔ̀ la túmo yé, á gwɔ́ Yěsô Kristo.

1 Jâŋ 5:18

Pege ne ńzsé ngie nyìŋ gwɔ̌ tà ńcʉ́’ʉ míŋ Ssé, à tè gíŋe ńnéŋe fʉa nò fʉa wɔ́, á nue Míŋ Ssé ne ńtÿɔ́’te yé, nyìŋ tepòŋ tè gẅiin shÿó lézába pwó ná yé wɔ́.

1 Jâŋ 3:12

Tà pege gwɔ́ pá’ Kain gẅie à laa nzèm Sátà, ńzẅé fɛ́ we zyé manzwě. À lɔ̌ɔn ńzẅé yé mélà’a kɔ́? Á laa nue mefà’ mé laa me tepòŋ, mé fɛ́ we gwɔ́ mie ée ndʉŋ ndʉŋ mvfò Ssé.

Matio 11:27

Yěsô gíŋe ńgɔɔn ngie: Tá wɔ̀ɔn leen ńnyé kɔ́ɔkɔ́ nà mbwó mɔ́ɔn, ńgwɔ́ tsɔ̌ nyìŋ le zsé múɔ wɔ́, ndà’ Tá zɔ zsé yé. Nyìŋ ké le zsé Tá wɔ́, ndà’ míŋ we zɔ zsé yé, ḿbiŋ ńgÿo nyìŋ gẅie múɔ kwoŋó lényɛɛ Tá we á mbwó yé

1 Jâŋ 5:20

Pege ne ńzsé ngie Míŋ Ssé la tó ńnáa wégè legyè pá’ pege ge lɔg zsé kwà’ Ssé ye nénʉ́, peg la zẅɛ́’ pɔ́ yé Yěsô Kristo tá pega Ssé ye nénʉ́ cʉ́’ ńnéŋe, mbà pega pɔ́ léen ńtemte.

1 Jâŋ 2:12

Penkʉ́ pɔ́ɔn, mèŋ n gee tsɛ̀ɛ yɔɔn ŋwà’ne, ńne shwóŋó gẅi ngie e Ssé cʉa nà mmó gie Yěsô Kristo la gÿo, ńdege menò tepòŋ mí ńná né pi.

1 Jâŋ 2:1

Epúɔ mémá pɔ́ɔn, mèŋ n ŋwe’e mɔɔn menò légwɔ́ gie pi ge gẅiin shÿó tà pi le gÿo nò tepòŋ wɔ́. Tá ńgwɔ́ gie nyìŋ gÿo nò tepòŋ, mbà pege gẅiin wege nyìŋ lejʉ́ŋ Tá, á gwɔ́ Yěsô Kristo, yé gẅie aa ndʉŋ ndʉŋ mvfò Ssé.

Titus 2:6

Á gíŋ ńgwɔ́ pɔ́ ndʉŋ ndʉŋ pá’ ɔ̀ ge kẅiŋte pûɔ mbàŋa lésáŋa nò fʉ̀’ ntsèm tá ńgÿo.

2 Korento 4:6

á nue e Ssé gẅie à la gɔɔn ngie: «Á poŋ ngie akyɛ̀’ kyɛ’ nzěm», yé lê twó yé kéen ńtó ńkyɛ’ɛ tsɛ̀ɛ mentʉ́m még, légÿo peg zsé pá’ shʉ́shÿɔ́g we aa pú’u, á shʉ́shÿɔ́g gẅie mé ne ńgyá ná shÿó Kristo.

Ŋwà’ne Jâŋ 16:3

Pɔ́ ge gÿo pú’u, mélà’mie pɔ́ kaa Tá zsé, ńké tè wɔ̀ɔn zsé.

Ŋwà’ne Jâŋ 14:9

Yěsô gɔɔn né yé ngie: Filib, pege neŋé nzẅìŋ wɔɔn, ɔ̀ nyé pɔ́ tè zsě wɔ̀ɔn la? Nyìŋ gẅie à gyǎ wɔ̀ɔn la, à gyǎ Tá wɔ̀ɔn. Ɔ̀ gǎ tá ngie nyɛɛ wég Tá gù ŋwɛ́?

Ŋwà’ne Jâŋ 8:19

Pɔ́ zɛ́te yé ngie: Tá gù aa nzɔ̌? Yěsô tsɔ́’ ngie: Pi tè ne ńzsé wɔ̀ɔn mɔ́, ńgíŋe tè ne ńzsé mbàa Tá wɔ̀ɔn mɔ́. Pi ka zɔɔn ńgwɔ́ pé’e ńne zsé wɔ̀ɔn, mbà pi ka giŋé ńzsé Tá wɔ̀ɔn yé.

Matio 13:38

Nká’ é gwɔ́ njÿó, mbyè mmó mbòŋo é gwɔ́ pʉ̀a pie e Ssé zɔ sá’a wɔ́b, mbyè mmó ye tepòŋ gwɔ́ pʉ̀a pie Sátà ne sá’a wɔ́b.

Matio 13:19

Ngʉ̀ŋe mánzsè gẅie tsɔ́ memvòm gwě wó, ée pʉ̀a pie pɔ́ jú’u nò *lefùɔ Ssé, pɔ́ té jú’ tà ńjú’ wɔ́. Sátà tó, éfó tsɛ̀ɛ ntʉ́m wɔ́b ńkẅile.

1 Timote 5:1

Ɔ̀ lɔɔn ńne shwóŋó nzẅìŋe ndÿò nò, tè cÿɔ́gɔ yé cÿɔ́g. Gɔɔn nò mbwo yé pá’ ɔ̀ gɔɔn mbwo tá gù. Líe ngwàshùm pá’ mefɛ́ pú pe mbàŋa,

Ŋwà’ne Jâŋ 17:21

Mèŋ sẅíŋte gú ngie ɔ̀ gÿo pɔ́b metsèm gwɔ́ tà’ nyìŋ, pá’ gù Tá wɔ̀ɔn ɔ̀ temte ná mèŋ, mèŋ n temte ná gù. Tsétsɔ’, gÿo peg lâ pɔ̌ pú ńgwɔ́ tà’. Tá pʉ̀a tsɛ̀ɛ njÿó zẅíŋ ngie ɔ̀ la túmo wɔ̀ɔn.

Matio 5:37

Oon gẅi gwɔ́ pɔ́ oon, ngǎŋ gẅi gwɔ́ pɔ́ ngǎŋ, àgie mé kẅi’i mǒ fóo mbwó Sátà.

Ŋwà’ne Jâŋ 16:33

Mèŋ n tʉ́ njÿó shwóŋó gẅi mɔɔn menò légwɔ́ gie pi ge la nnɛ́ ná mèŋ, mbʉ́lè gwɔ́ ntʉ́m pi. Pi ge gÿo gyá ngɔ́’ tsɛ̀ɛ njÿó, tá’ tà pi cÿɔ’. N kéen ńcʉa njÿó.

Ŋwà’ne Ngyà jʉ’ 2:7

Nyìŋ lɔɔn ńgẅiin metuŋó, á jú’u nò gie Zẅìge Ssé ne ńgɔɔn mbwo mecú’tè pʉ̀a Kristo lɔɔn. Mèŋ n ge gÿo ná ntɔ̌ɔn gẅie éfóo ná tÿǒ gie á gÿo mé gwɔ́ wó, á mbwo nyìŋ gẅie à lÿɔ̌’ ncù tà ńcʉa nò tepòŋ, à jÿó. Yɛ̌ tÿǒ áa tsɛ̀ɛ nká’a Ssé.

Ŋwà’ne Ngyà jʉ’ 12:11

Mefɛ́ pégè ka zẅɛ́’ metse mûɔ *Njʉ̀njÿò, ńgíŋe ńzẅɛ́’ mbɔɔ shwóŋè gie pɔ́ ka ne ńgɔɔn ńdɔgɔ ńda’te mmó gie pɔ́ zsé ná mûɔ *Njʉ̀njÿò, ńjÿó wɛ̌ nyìŋ. Pɔ́ ka tè lɔg twó sɔ́b ńtóŋo tsɔ́ mmó tà ḿbɔ́g pá’ ńgwɔ́ mé zẅé wɔ́b gwɔ́.