सपन्‍याह 2:3 - नेवाः बाइबल

³ हे पृथ्‍वी च्‍वंपिं क्‍वमिलुपिं मनूत, छिपिं परमप्रभुया उजं मानय् याइपिं, परमप्रभुयात माला स्‍व। धार्मिकता माला स्‍व, क्‍वमिलु जुइगु स्‍व। सके परमप्रभुया तंया दिनय् छिपिं बचय् जुइ फइ।

सपन्‍याह 2:3 Referans Kwoze

भजनसंग्रहया सफू 22:26

नये मखंपिन्‍सं लुधंक नयेखनी परमप्रभुयात मालाजुइपिन्‍सं वय्‌कःयात तःधंकी। इमिगु नुगः न्‍ह्याबलें लसतां जायाच्‍वनी।

योना 3:9

सुनां स्‍यू– परमेश्‍वरं थःगु मन हीकादी ला, अले तं क्‍वलाकाः झीत बचय् यानादी ला?”

भजनसंग्रहया सफू 105:4

परमप्रभु व वय्‌कःया शक्तियात माला स्‍व, वय्‌कःयात माला तुं च्‍वँ।

होशे 10:12

थःगु निंतिं धार्मिकताया पुसात प्‍यु, न्‍ह्याबलें दयाच्‍वनीगु दयामायाया फल मुंकी। छिमिसं बाझः तयातःगु छाःगु बुँ पा, छाय्‌धाःसा परमप्रभुयात मालेगु ई थ्‍व हे खः, गुकिं यानाः वय्‌कः झायाः छिमित धार्मिकताया आशिष प्‍वंकादीमा।

यर्मिया 39:18

‘जिं छन्‍त बचय् याये। छन्‍त तरवारं स्‍याइ मखु, तर छ थःगु ज्‍यान बचय् यानाः बिस्‍युं वनी। छाय्‌धाःसा छं जितः भरोसा याःगु दु,’ परमप्रभुं धयादी।”

हितोपदेश 18:10

परमप्रभुयागु नां बल्‍लाःगु किल्‍ला थें खः। धर्मी मनूत थन वनाः थःगु रक्षा याये फइ।

भजनसंग्रहया सफू 57:1

जितः दया यानादिसँ, हे परमेश्‍वर! जितः दया यानादिसँ! जि छिगु शरणय् वयागु दु। थ्‍व आपत चिलामवंतले जि छिगु पपूया किचलय् शरण कयाच्‍वने।

२ पत्रुस 3:18

झी प्रभु व मुक्तिदाता येशू ख्रीष्‍टयागु दया माया अप्‍वः दयावनेमा। अले छिमिसं वय्‌कःयात अझ नं बांलाक म्‍हसीका वने फयेमा। वय्‌कःयागु नां आः व सदां तःधना च्‍वनेमा। आमेन।

यर्मिया 45:5

तर न्‍यँ! छं थःगु निंतिं ततःधंगु खँ माला च्‍वनागु ला? अथे माले मते! जिं थःम्‍हं हे फुक्‍क मनूतय्‌के विपत्ति हये, परमप्रभुं धयादी, तर छ न्‍ह्याथाय् वंसां जिं अन छंगु ज्‍यान बचय् यानाः छन्‍त म्‍वाकातये।’”

भजनसंग्रहया सफू 91:1

दक्‍वसिबय् तःधंम्‍ह परमप्रभुयागु शरणय् च्‍वनीम्‍ह मनू दक्‍व शक्ति दुम्‍ह परमेश्‍वरयागु सुरक्षाय् च्‍वनी।

१ पत्रुस 3:4

बरु दुनुगलंनिसें क्‍वमिलु व शान्‍त जुयाच्‍वँ। थ्‍व गुबलें फुनावनी मखुगु आत्‍मायागु तिसा खः। थज्‍याःगु हे परमेश्‍वरया न्‍ह्यःने तसकं तःजिगु जुइ।

१ पत्रुस 1:22

सत्‍ययात मानय् याःगुलिं छिपिं आः शुद्ध जूगु दु। अय्‌जूगुलिं छिमिसं दाजुकिजापिन्‍त माया याना च्‍वँ। अज्‍जं थःथवय् दुनुगलंनिसें माया याना च्‍वँ।

१ थेसलोनिकी 4:1

दाजुकिजापिं, परमेश्‍वरयात यय्‌क गथे यानाच्‍वनेमाः धयागु खँ ला छिमिसं जिमिगुपाखें स्‍यना काये धुंकूगु हे दु। छिपिं उकथं हे जुयाच्‍वंगु नं दु। छिपिं थुकथं हे अज्‍जं न्‍ह्यज्‍यानावने फयेमा धकाः जिमिसं छिमित प्रभुया नामं बिन्‍ति यानाच्‍वनागु दु।

मत्ती 5:5

स्‍वजापिं मनूत धन्‍यपिं खः, पृथ्‍वीइ इमिसं अधिकार यायेदइ।

भजनसंग्रहया सफू 31:20

छिं इमित जाः ग्‍वयाजुइपिनिपाखें थःगु हे न्‍ह्यःने सुचुकादी। छिं इमित दोष बियाजुइगु मेपाखें तापाक्‍क थःथाय् हे शरण बियादी।

यशैया 11:4

अय्‌नं वं मगाःमचाःपिनिगु न्‍याय धार्मिकतां यानादी, अले पृथ्‍वी च्‍वंपिं गरीबतय्‌गु न्‍याय निसाफ यानादी। थःगु वचनया शक्तिं पृथ्‍वीयात दायादी। अले थःगु म्‍हुतुया सासलं दुष्‍टतय्‌त नाश यानादी।

होशे 7:10

इस्राएलया घमण्‍डं वयागु हे विरोधय् साक्षी बी, अय्‌नं थ्‍व फुक्‍क जुइ धुंकाः नं इपिं परमप्रभु थः परमेश्‍वरपाखे फहिला वइ मखु, न वय्‌कःयात माली।

यशैया 61:1

मगाःमचाःपिन्‍त भिंगु खँ न्‍यंकेत परमप्रभुं जितः ल्‍ययादीगुलिं परमप्रभु परमेश्‍वरया आत्‍मा जिके दु। नुगः क्‍वतुंवंपिन्‍त लाय्‌काबीत, चिना तःपिन्‍त त्‍वःताबीत व कुनातःपिन्‍त छुत्‍काराया घोषणा यायेत वय्‌कलं जितः छ्वयाहयादीगु खः।

भजनसंग्रहया सफू 149:4

परमप्रभु थः मनूत खनाः लय्‌ताः, वय्‌कलं क्‍वमिलुतय्‌त मुक्ति बियाः हनादी।

प्रस्‍थान 12:27

इमित धा, ‘थ्‍व परमप्रभुया छुत्‍काराया नखःया पशु बां बीगु खः। वय्‌कलं मिश्रय् न्‍हापां बूपिन्‍त स्‍याःबलय् इस्राएलीतय्‌गु छेँय् दुहां मवंसे झीत व झीगु छेँयात बचय् यानादीगु खः।’” अले मनूतय्‌सं छ्यं क्‍वछुकाः आराधना यात।

१ थेसलोनिकी 4:10

अथे ला छिमिसं माकेडोनियाय् च्‍वंपिं दाजुकिजापिन्‍त धात्‍थें हे माया यानाच्‍वंगु दु। छिपिं अज्‍ज नं थुकथं हे न्‍ह्यज्‍याना हुँ धकाः जिमिसं छिमित धयाच्‍वनागु दु।

जकरिया 8:19

दक्‍व शक्ति दुम्‍ह परमप्रभुं थथे धयादी, “प्‍यंगूगु, न्‍यागूगु, न्‍हय्‌गूगु व झिगूगु लायागु अपसं व दुखं च्‍वनेमाःगु दिं आवलिं लसताया नखः जुइ। उकिं छिमिसं सत्‍य व शान्‍तियात यय्‌की।”

२ शमूएल 12:22

वं लिसः बिल, “मचा म्‍वानाच्‍वंतले परमप्रभुं जितः दया यानादी अले मचा म्‍वाइ धकाः जिं मतिइ तयाः ख्‍वयाः अपसं च्‍वना।

भजनसंग्रहया सफू 45:4

सत्‍य व न्‍यायया निंतिं थःगु साहसनापं सवारी जुयादिसँ। छिगु जव ल्‍हातिं अजू चायापुगु ज्‍या क्‍यनेमा।

यशैया 1:17

भिं याये सय्‌कि। फुक्‍कसिगु निसाफ या, क्‍वत्‍यय्‌का च्‍वनेमाःपिन्‍त ग्‍वाहालि या, मांबौ मदुपिं मचातय्‌गु रक्षा या, विधवा मिसाया पंलिनाः नवानाब्‍यु।

इजकिएल 13:5

परमप्रभुया दिनय् लडाइँलय् व धिसिलाक्‍क दनाच्‍वने फयेमा धकाः छिपिं इस्राएलया घरानाया निंतिं दुंगु पःखाः ल्‍ह्वनेत तकं मवं।