जकरिया 11:2 - नेवाः बाइबल

² हे थाकुराःमा ख्‍व! छाय्‌धाःसा देवदारुया सिमात क्‍वःदःगु दु। ततःमागु व बांबालाःगु सिमात नाश जूगु दु। हे बाशानयागु स्‍वसिमा ख्‍व! ख्‍वातुगु गुँया सिमात पालाब्‍यूगु दु।

जकरिया 11:2 Referans Kwoze

लूका 23:31

“प्‍याःगु सिमायात ला मनूतय्‌सं छ्वय्‌कल धाःसा गंगु सिमायागु झन छु जक गति जुइ?”

आमोस 6:1

सियोनय् मोजमज्‍जा यानाः आरामं च्‍वनाच्‍वंपिन्‍त व सामरियाया डाँडाय् थःत सुरक्षित ताय्‌कीपिन्‍त धिक्‍कार। छिपिं न्‍हापांगु जातिया नांजाःपिं मनूत खः, ग्‍वाहालि फ्‍वनेत छिमिथाय् इस्राएलया मनूत वयाच्‍वनी।

इजकिएल 31:17

वयागु किचलय् च्‍वनाच्‍वंपिं अर्थात देशत मध्‍ये वनापं मिलय् जूपिं नं तरवारं स्‍याःपिंनापं पातालय् मिलय् जू वनी।

इजकिएल 20:46

“अय् सीमानिम्‍ह मनू, थःगु ख्‍वाः दच्‍छिनपाखे स्‍वय्‌काः दच्‍छिन पाखेया विरोधय् न्‍ववा! झाः दुगु दच्‍छिनया देशयागु विरोधय् अगमवाणी ल्‍हा!

इजकिएल 27:6

इमिसं बाशानया स्‍वसिमां छंगु चतंत दय्‌कल। साइप्रसया समुद्रया सिथं हःगु धूपीया सिँ जहाजया बँ दय्‌कल, अले उकियात किसिया दंनं बांलाकल।

जकरिया 11:1

हे लेबनान, खापा चाय्‌कि, गुकिं यानाः मिं छंगु देवदारुया सिमायात भस्‍म यायेमा।

जकरिया 11:3

फैजवाःतय्‌गु ख्‍वःसः न्‍यँ छाय्‌धाःसा इमिगु फै ज्‍वयेगु ख्‍यः नाश जूगु दु। सिंहत गर्जय् जूगु सः न्‍यँ, छाय्‌धाःसा यर्दन खुसिया जःखः च्‍वंगु झाः नाश जूगु दु।