जकरिया 10:2 - नेवाः बाइबल

² मूर्तितय्‌सं ध्‍वंलाइगु खँ ल्‍हाइ, तन्‍त्रमन्‍त्र याइपिन्‍सं मखुगु दर्शन खनी। म्‍हगसया अर्थ कनीपिन्‍सं सान्‍त्‍वना मबीगु मखुगु खँ ल्‍हाइ। उकिं जिमि मनूत तंपिं फैत थें उखेलाः थुखेलाः मदइ। जवाः मदयाः इमिसं दुःख सी।

जकरिया 10:2 Referans Kwoze

मत्ती 9:36

मनूतय्‌गु हुलयात खनाः वय्‌कःयात माया वन, छाय्‌धाःसा इपिं जवाः मदुपिं फैचात थें हाःनाः मदयाः उखेलाः थुखेलाः मदयाच्‍वन।

हबकूक 2:18

“मनूतय्‌सं कियाः दय्‌कातःगु मूर्तिया छु मू दु धकाः? वा मखुगु खँ ल्‍हायेगु स्‍यनीगु धातुया मूर्तिया छु मू दु धकाः? कारिगरं थःगु ल्‍हातं दय्‌कुम्‍हसिके भलसा तइ। वं ज्‍यालगे मजूगु मूर्तित दय्‌की, व मूर्तिं न्‍ववाये फइ मखु।

होशे 3:4

थुकथं इस्राएलीत यक्‍व दिं तक राजा वा राजकुमार मदय्‌क बलिदान व पुजा यायेगु ल्‍वहंया थां मदय्‌क व एपोद व छेँया द्यःत मदय्‌काः च्‍वनी।

इजकिएल 34:5

अथे जुयाः फैजवाः मदुगुलिं इपिं छ्यालब्‍याल जुल, इपिं फुक्‍क गुँपशुया आहार जुल।

यर्मिया 27:9

उकिं छिमिसं बेबिलोनयाम्‍ह जुजुया सेवा यायेमाली मखु धकाः छिमित धाःपिं छिमि अगमवक्तात, छिमि ज्‍वखना स्‍वइपिं, छिमिगु म्‍हगसया अर्थ कनीपिं छिमि धामी वा तन्‍त्रमन्‍त्र याइपिनिगु खँ न्‍यने मते।

उत्‍पत्ति 31:19

उबलय् लाबान फैतय्‌त सँ चाकःवनाच्‍वंगु खः। थः बौ मदुबलय् राहेलं थः बौया छेँय् च्‍वंगु मूर्तित खुयाहल।

इजकिएल 34:8

जि, परमप्रभु परमेश्‍वर न्‍ववानागु दु, गथे जि धात्‍थें म्‍वाःम्‍ह खः, फैजवाः मदुगुलिं जिगु बथांयात लुतय्‌ याःगु दु, गुँपशुया आहारा जूगु दु। छाय्‌धाःसा जिम्‍ह फैजवाःतय्‌सं जिगु बथांयात माःमवं, फैतय्‌त वास्‍ता मयासें थःगु हे जक वास्‍ता यात।

मीका 2:12

“हे याकूब, धात्‍थें हे जिं छिपिं फुक्‍कसित मुंके। इस्राएलयापिं ल्‍यंदुपिन्‍त जिं धात्‍थें हे मुंके। जिं इमित फैगालय् फैतय्‌त थें छथाय् हे मुंके। व थासय् ग्‍वाः ग्‍वाः मनूत दइ।

इजकिएल 21:29

छंगु बारे मखुगु दर्शन खंसां तबि, छंगु लागि मखुगु ज्‍वखना स्‍वःसां तबि उपिं स्‍याये हे माःपिं दुष्‍टत, गुपिनिगु दिं वये धुंकल, गुपिनिगु लिपांगु सजाँयया ई वये धुंकल, इमिगु ककुइ पालेत व तरवारयात छ्यलीगु जुइ।

इजकिएल 21:21

छाय्‌धाःसा बेबिलोनयाम्‍ह जुजु ज्‍वखना स्‍वयेत निपु लँ बायावनीगु थासय् दोबातय् दनी। वं वाणत चिट्ठा तइ, वं थः मूर्तितलिसें सल्‍लाह काइ, वं पशुया स्‍येँ जाँचय् याइ।

विलाप 2:14

छंगु अगमवक्तातय्‌सं खंगु दर्शनत सत्‍य मखुगु व छुं हे मूं मवंगु खः। इमिसं छंगु अधर्म क्‍यना मब्‍यू, मखुसा छन्‍त ज्‍वनाः बेबिलोनय् मयंकीगु। इमिसं छंगु निंतिं खंगु दर्शन सत्‍य मखुगु व अलमल यायेत जक खः।

यर्मिया 51:23

छपाखें जिं फैजवाः व वयागु बथांयात चुंचुं याये। छपाखें जिं बुँज्‍या याइम्‍हय्‌सित व वया द्वहंयात चुंचुं याये। छपाखें जिं बडाहाकिम व हाकिमतय्‌त चुंचुं याये।

यर्मिया 50:17

“इस्राएल ला सिंहं लिनाः छ्यालब्‍याल जूगु बथां थें खः। वयात न्‍हापा ला अश्‍शूरयाम्‍ह जुजुं नल, लिपतय् बेबिलोनयाम्‍ह जुजु नबूकदनेसरं वयागु क्‍वँय्‌त त्‍वथुलाबिल।”

यर्मिया 37:19

‘छितः व थ्‍व देशयात हमला यायेत बेबिलोनयाम्‍ह जुजु वइ मखु’ धकाः छितः अगमवाणी ल्‍हाःपिं छिकपिनि अगमवक्तात गन दु?

यर्मिया 29:8

खः, दक्‍व शक्ति दुम्‍ह परमप्रभु, इस्राएलया परमेश्‍वरं थथे धयादी, “छिपिंनापं दुपिं छिमि अगमवक्तात व ज्‍वखना स्‍वइपिन्‍सं छिमित धोखा मबीमा। इमिसं खंगु म्‍हगसय् ध्‍यान बी मते।

यर्मिया 28:15

अले यर्मिया अगमवक्तां हनन्‍याह अगमवक्तायात धाल, “अय् हनन्‍याह, न्‍यँ, छन्‍त परमप्रभुं छ्वयाहयादीगु मखु। अय्‌नं छं थुपिं मनूतय्‌त मखुगु खँय् विश्‍वास याकेब्‍यूगु दु।

यर्मिया 23:17

जितः हेला याइपिन्‍त इमिसं थथे धयाच्‍वनीगु, ‘छिमित शान्‍ति दइ धकाः परमप्रभुं धयादीगु दु,’ अले थःगु हे मनयागु बिचाःकथं जुइपिं सकसितं थुमिसं थथे धाइगु, ‘छिमित छुं जुइ मखु।’”

यर्मिया 14:22

जात जातिया द्यःत मध्‍ये सुनां वा वय्‌के फइ? अथवा आकाशं थःम्‍हं हे वा वय्‌के फइ ला? हे परमप्रभु, जिमि परमेश्‍वर, छिं हे वा वय्‌कादी। उकिं जिमित छिगु हे आशा दु, छाय्‌धाःसा थ्‍व फुक्‍क यानादीम्‍ह छि हे खः।

यर्मिया 14:13

तर जिं धया, “हाय! परमप्रभु परमेश्‍वर, अगमवक्तातय्‌सं इमित ‘छिमिसं तरवार व अनिकाल खनी मखु, जिं छिमित धात्‍थें थ्‍व थासय् न्‍ह्याबलें दयाच्‍वनीगु शान्‍ति बी धकाः धयाच्‍वनी।’”

यर्मिया 10:8

इपिं फुक्‍क ग्‍वाज्‍यः व मूर्ख खः। सिँया मूर्तितपाखें इमिसं छु सय्‌काकाये फइ?

यर्मिया 8:11

जि प्रजाया घालय् इमिसं तच्‍वःगु घाः मखु थें यानाः पट्टी चिनाब्‍यूगु दु। शान्‍ति ला द हे मदुसां इमिसं “शान्‍ति, शान्‍ति” धाइगु।

यर्मिया 6:14

जि प्रजाया घालय् इमिसं तच्‍वःगु घाः मखु थें यानाः पट्टी चिनाब्‍यूगु दु। शान्‍ति ला द हे मदुसां इमिसं ‘शान्‍ति, शान्‍ति’ धाइगु।

यशैया 46:5

“छिमिसं जितः सुनापं दाँजय् यायेगु? जि ति ग्‍यंम्‍ह सु दु?

यशैया 44:9

मूर्तित दय्‌कीपिं फुक्‍कं ज्‍यालगय् मजूपिं खः, इमिसं तसकं मू वंगु ताय्‌काच्‍वंगु थुपिं मूर्ति छति नं मू मवं। इमिगु पंलिनाः न्‍वंवाइपिं कांपिं खः, इपिं छुं हे मस्‍यूपिं जुयाः थःपिन्‍त लाजय् लाकाच्‍वंगु दु।

अय्‍यूब 21:34

उकिं छिकपिनिगु बकंफुसुलु खं जितः गय् यानाः सान्‍त्‍वना बी? छिकपिनिगु लिसलय् खःगु खँ छगू नं दइ मखु।”

अय्‍यूब 13:4

तर छिकपिन्‍सं धाःसा सत्‍ययात मखुगु खं त्‍वपुइ। छिकपिं सकलें ज्‍यालगय् मजूपिं बैद्यत खः।

१ राजा 22:17

अले मीकायां धाल, “जिं ला इस्राएलयापिं फुक्‍क मनूतय्‌त जवाः मदुपिं फैत थें उखेलाः थुखेलाः जुयाच्‍वंगु खना, अले परमप्रभुं थथे धयादिल, ‘थुपिं मनूतय् मालिक मदु। उकिं थुपिं सकलें याउँक थथःगु छेँय् लिहां वनेमा।’”

न्‍यायकर्ता 18:14

अबलय् लेश देशया चिवा काःवंपिं न्‍याम्‍ह मनूतय्‌सं थथे धकाः थः दाजुकिजापिंलिसें खँ ल्‍हात, “छु थुपिं छेँ मध्‍ये छखा छेँय् एपोद, छेँ द्यःत, छगू कियातःगु झ्‍वाता व छगू ढलौतया मूर्ति दु धकाः छिमिसं स्‍यू ला? आः छु यायेमाःगु खः व छिमिसं स्‍यू।”

गन्‍ती 27:17

व इमिगु न्‍ह्यः न्‍ह्यः पिहां वनीम्‍ह व दुहां वइम्‍ह जुइमा, वं न्‍ह्यलुवाः जुयाः इमित यंकी, अले इमित दुने हइ। थुकथं परमप्रभुया मनूत जवाः मदुपिं फै थें जुइ मखु।”

मर्कूस 6:34

वय्‌कः नांचां कुहां झाःबलय् यक्‍व मनूत मुनाच्‍वंगु खनाः वय्‌कःयात तसकं माया वन, छाय्‌धाःसा इपिं जवाः मदुपिं फैचात थें च्‍वं। अले वय्‌कलं इमित तःता खँय् स्‍यनेकने यानादिल।

यर्मिया 23:32

परमप्रभुं धयादी, स्‍व, जि मखुगु म्‍हगसयात कनाजुइपिं अगमवक्तातय्‌गु विरोधय् दु। इमित जिं छ्वयाहयागु नं मखु, ल्‍ययागु नं मखु। अय्‌नं इमिसं व म्‍हगस जि प्रजायात धयाः इमित अलमलय् यानाबी। इमिसं थुपिं मनूतय्‌त भचा नं फाइदा बी मखु,” परमप्रभुं धयादी।

जकरिया 11:17

बथां त्‍वःतावंपिं ज्‍यालगय् मजूपिं जवाःतय्‌त धिक्‍कार! वयागु ल्‍हाः व जव मिखाय् तरवार लाइ। वयागु ल्‍हाः गनावनी अले वयागु जव मिखा कां जुइ।

व्‍यवस्‍था 13:2

अले वं धाःगु चिं व अजू चायापुगु ज्‍या जुइ धुंकाः “छिमिसं म्‍हमस्‍यूपिं द्यःतय्‌गु ल्‍यू वनाः इमित पुजा याये नु” धकाः वं धाल धाःसा

यशैया 41:29

स्‍व, इपिं फुक्‍कं असत्‍य खः। इमिगु ज्‍या नं छुं मू मवं। इमिगु मूर्तित फय् व अलमल जक खः।”

यशैया 44:25

“गुम्‍हय्‌सिनं मखुपिं अगमवक्तातय्‌गु चिं स्‍यंकाबी। गुम्‍हय्‌सिनं बुद्धिमानतय्‌गु खँयात ज्‍यालगय् मजुइकाबी। अले इमिगु ज्ञानया मूर्खतायात क्‍यनादी।

यर्मिया 27:10

इमिसं मखुगु अगमवाणी ल्‍हाइ गुकिं छिमित थःगु देशं तापाक यंकीगु ज्‍या जक जुइ। जिं छिमित देशं पितिनाछ्वये अले छिपिं नाश जुइ।

यर्मिया 27:14

‘बेबिलोनया जुजुया सेवा छिमिसं यायेमाली मखु’ धकाः धाइपिं अगमवक्तातय्‌गु खँ छिमिसं न्‍यने मते, छाय्‌धाःसा इमिसं ला छिमित मखुगु अगमवाणी ल्‍हानाच्‍वंगु दु।