जकरिया 1:3 - नेवाः बाइबल

³ अथे जुयाः छं मनूतय्‌त धा– दक्‍व शक्ति दुम्‍ह परमप्रभुं थथे धयादी, ‘छिपिं जिथाय् लिहां वा, अले जि छिमिथाय् लिहां वये’ दक्‍व शक्ति दुम्‍ह परमप्रभुं घोषणा यानादी।

जकरिया 1:3 Referans Kwoze

मलाकी 3:7

छिमि पुर्खातय्‌गु इलंनिसें हे छिपिं जिगु नियम मानय् मयासें लिचिलाः फस्‍वया वंगु दु। जिथाय् लिहां वा अले जि छिमिथाय् लिहां वये,” दक्‍व शक्ति दुम्‍ह परमप्रभुं धयादी। “अय्‌सां छिमिसं धाइ, ‘जिपिं छु खँय् लिहां वयेगु?’

यर्मिया 3:22

“हे विश्‍वास याये बहःमजूपिं मनूत, छिपिं सकलें जिथाय् लिहां वा, जिं छिमित लाय्‌काबी, अले जिं छिमित विश्‍वास यायेबहःपिं यानाबी।” मनूतय्‌सं लिसः बी, “स्‍वयादिसँ, जिपिं छिथाय् लिहां वये, छाय्‌धाःसा छि परमप्रभु जिमि परमेश्‍वर खः,

योएल 2:12

परमप्रभुं धयादी, “आः नं छिपिं पूरा मन बियाः अपसं च्‍वनाः, ख्‍वयाः व दुखं च्‍वनाः जिथाय् लिहां वा।”

यर्मिया 4:1

परमप्रभुं धयादी, “हे इस्राएलयापिं मनूत, छिपिं लिहां वये मास्‍ति वःसा जिथाय् लिहां वा। छिमिसं थःगु घच्‍चाइपुगु मूर्तित जिगु न्‍ह्यःनं चीकाछ्वल धाःसा अले हाकनं मखुगु लँय् मवन धाःसा,

यर्मिया 12:15

तर इमित जिं लिनाकाये धुंकाः हाकनं जि लिहां वये अले इपिं सकसितं दया याये। जिं इमित इमि पुर्खाया देशय् लित हये।

यशैया 31:6

हे इस्राएलीत, सुयागु विरोधय् छिमिसं तःधंगु विद्रोह याःगु दु, वय्‌कःपाखे लिहां वा।

होशे 14:4

“जिमि थः मनूत मखुगु लँय् वंगुलिइ जिं इमित क्षमा यानाबी, जिं थःयत्‍थें इमित माया याये, आवंलि गुबलें इपिंनापं तंम्‍वय् मखु।

होशे 6:1

“वा! झीपिं परमप्रभुपाखे लिहां वनेनु। वय्‌कलं झीत कुचा कुचा यानादीगु दु, अय्‌नं वय्‌कलं झीत लंकादी। वय्‌कलं घाः यानादीगु दु, अय्‌नं वय्‌कलं झीगु घालय् मलमपति तयादी।

इजकिएल 33:11

उकिं छं इमित थथे धा, ‘गथे जि धात्‍थें म्‍वाःम्‍ह खः, जि, परमप्रभु परमेश्‍वर न्‍ववानागु दु, मभिंपिं मनूत सीगु खनाः जि लय्‌ताय् मखु, तर इमिसं थःगु मभिंगु पहःचहः त्‍वःताः इपिं म्‍वाःगु जितः स्‍वयेमास्‍ति वः। थःगु मभिंगु पहःचहः त्‍वःति! अय् इस्राएलया घराना छिपिं छाय् सीगु?’

यर्मिया 35:15

जिं तःकः मछि हे थः दास अगमवक्तातय्‌त छिमिथाय् छ्वयाहया। इमिसं धाल, “छिपिं सकसिनं मभिंगु ज्‍या त्‍वःतेमाः, थथःगु पहःचहः व ज्‍यायात भिंकेमाः अले मेपिं द्यःतय्‌गु ल्‍यू वनाः इमित आराधना याये मते। अले जक छिपिं जिं छिमि पुर्खातय्‌त बियागु देशय् च्‍वने दइ।” तर छिमिसं जिगु खँय् ध्‍यान मबिल वा जिगु खँ मन्‍यन।

यर्मिया 25:5

इमिसं धाल, ‘आः छिपिं सकसिनं थथःगु मभिंगु पहःचहः व मभिंगु ज्‍या त्‍वःति, अले जक छिपिं परमप्रभुं छिमि पुर्खातय्‌त शुरुंनिसें न्‍ह्याबलेंया लागि बियादीगु देशय् च्‍वने फइ।

होशे 14:1

अय् इस्राएल, परमप्रभु थः परमेश्‍वरयाथाय् लिहां वा। छंगु पापं यानाः हे छ पतन जूगु दु।

नहेम्‍याह 9:28

“अय्‌नं शान्‍ति जुइ धुंकाः इमिसं हानं पापयात, उकिं छिं इमित शत्रुतय्‌गु ल्‍हातय् त्‍वःतादिल। इमिसं इमित थःगु अधीनय् तल। अय्‌नं हाकनं इमिसं छिके ग्‍वाहालि फ्‍वन। स्‍वर्गं छिं न्‍यनादिल, अले छि तसकं नुगः क्‍यातुम्‍ह जूगुलिं इमित तःक्‍वः मछि बचय् यानादिल।

२ इतिहास 15:4

तर इमित दुःख जूबलय् इपिं हाकनं परमप्रभु इस्राएलया परमेश्‍वरपाखे लिहां वल। इमिसं वय्‌कःयात माल अले लुइकल।

अय्‍यूब 22:23

क्‍वमिलु जुयाः छि दक्‍व शक्ति दुम्‍ह परमेश्‍वरयाथाय् लिहां वल धाःसा, छितः हाकनं न्‍हापा थें हे याइगु जुइ। छिं थःगु पालं पापयात तापाक तयादिल धाःसा,

यशैया 44:22

जिं छंगु अपराधत सुपाँय् थें अले छंगु पाप सुथय्‌या खसु थें चीकाछ्वयागु दु। जिथाय् लिहां वा, छाय्‌धाःसा जिं छन्‍त उद्धार यानागु दु।”

यर्मिया 3:1

“सुं मनुखं थः कलाःयात त्‍वःतल धाःसा अले व मिसा वयाथासं वनाः मेम्‍ह मिजंया कलाः जुल धाःसा छु व मनू हाकनं वयाथाय् लिहांवनी ला? छु व देश अशुद्ध मजुइ ला? छ छम्‍ह वेश्‍या थें यक्‍वसिथाय् वंगु दु, छु छ आः जिथाय् लिहां वयेगु ला?” परमप्रभुं धयादी।

इजकिएल 18:19

“अय्‌नं छिमिसं न्‍यनीगु, ‘काय्‌नं थः बौया दोष छाय् भोगय् याये म्‍वाः?’ काय्‌नं न्‍याय व खःकथं ज्‍या याःगु दु अले जिगु विधि बांलाक पालन याःगुलिं व धात्‍थें म्‍वाइ।

२ इतिहास 15:2

अले व आसा जुजुयात नापलाः वन। वं आसायात थथे धाल, “अय् आसा, अय् यहूदा व बेन्‍यामीनयापिं सकलें मनूत! छिपिं परमप्रभुनापं दतले वय्‌कः नं छिपिंनाप दइ। छिमिसं वय्‌कःयात माल धाःसा छिमिसं वय्‌कःयात लुइकी। छिमिसं वय्‌कःयात त्‍वःतल धाःसा वय्‌कलं नं छिमित त्‍वःतादी।

इजकिएल 18:31

छिमिसं यानाच्‍वनागु फुक्‍क अपराध त्‍वःति, न्‍हूगु नुगः व न्‍हूगु आत्‍मा का, अय् इस्राएलया घराना, छिपिं छाय् सीगु?

इजकिएल 18:32

छाय्‌धाःसा जि सुं सीगु खनाः लय्‌ताइम्‍ह मखु, परमप्रभु परमेश्‍वरं धयादी, पस्‍ताय् चा, अले म्‍वाना च्‍वँ!”