तीतस 1:2 - नेवाः बाइबल

² गुबलें मखुगु खँ ल्‍हाना मदीम्‍ह परमेश्‍वरं न्‍हापांनिसें हे झीत अनन्‍त जीवन बियादी धकाः धयादीगु खः।

तीतस 1:2 Referans Kwoze

गन्‍ती 23:19

परमेश्‍वर मनू थें मखु, मखुगु खँ ल्‍हायेत, वय्‌कः मनू मखु, थःगु मन हिलेत। वय्‌कलं धयादीगु खँ गुबलें मजूगु दु ला? वय्‌कलं बचं बियाः छु व पूवंकामदी ला?

१ यूहन्‍ना 2:25

ख्रीष्‍टं झीत बी धकाः धयादीगु अनन्‍त जीवन थ्‍व हे खः।

२ तिमोथी 1:9

थ्‍व हे परमेश्‍वरं झीत बचय् यानाः वय्‌कःया मनूत यायेत सःतादिल। झीसं यानागु धर्मकर्मं यानाः मखु, बरु वय्‌कलं हे दया माया यानाः झीत बचय् यानादीगु खः। सृष्‍टि जुइ न्‍ह्यः हे ख्रीष्‍ट येशूं झीत थ्‍व दया माया बियादीगु खः।

यहूदा 1:21

परमेश्‍वरयात मानय् यायेगु गुबलें त्‍वःते मते। झी प्रभु येशू ख्रीष्‍ट झायाः छिमित दया यानाः अनन्‍त जीवन बियादीतिनि धकाः छिपिं पियाच्‍वँ।

२ तिमोथी 1:1

ख्रीष्‍ट येशूयात विश्‍वास याक्‍वसित जीवन बी धकाः धयादीगुलिं परमेश्‍वरं वय्‌कःयाम्‍ह प्रेरित यानादीम्‍ह पावलपाखें

तीतस 3:7

वय्‌कलं दया माया यानादीगुलिं झीपिं परमेश्‍वरया न्‍ह्यःने धर्मी ठहरय् जुइ फत, अले झीसं आशा यानागु अनन्‍त जीवन नं काये दत।

तीतस 2:13

झीत मुक्ति बियादीम्‍ह, झीम्‍ह तःधंम्‍ह परमेश्‍वर येशू ख्रीष्‍ट हानं झाइतिनि। झीपिं थ्‍व हे तःधंगु आशायागु लँ स्‍वयाच्‍वने।

२ तिमोथी 2:15

परमेश्‍वरयागु सत्‍य वचनयात खःकथं छ्यलेगु या। ज्‍या यायेत लज्‍या चाये म्‍वाः। अले परमेश्‍वरया विश्‍वास याये बहःम्‍ह मनू जुइत कुतः या।

२ तिमोथी 2:13

झीपिं विश्‍वासी मजूसां वय्‌कः विश्‍वासी हे जुयाच्‍वनी, छाय्‌धाःसा वय्‌कलं थःम्‍हं थःत विश्‍वास यायेगु त्‍वःते फइ मखु।”

१ शमूएल 15:29

परमप्रभु, इस्राएलया गौरव खः, वय्‌कलं मखुगु खँ ल्‍हानादी मखु, अले थःगु मन हीकादी मखु। थःगु मन हीकादीत वय्‌कः मनू मखु।”

१ यूहन्‍ना 5:20

परमेश्‍वरया काय् झायाः झीत धात्‍थेंयाम्‍ह परमेश्‍वर म्‍हसीकादिल। थ्‍व खँ झीसं स्‍यू। धात्‍थेंयाम्‍ह परमेश्‍वरया काय् येशू ख्रीष्‍टनाप झीगु जीवन नं प्‍यपुनाच्‍वंगु दु। थ्‍व हे सत्‍य परमेश्‍वर खः, अले हानं थ्‍व हे परमेश्‍वर अनन्‍त जीवन नं खः।

तीतस 2:7

छं थःम्‍हं हे भिंगु ज्‍या यानाः इमिगु न्‍ह्यःने नमूना जुयाः क्‍यँ। स्‍यनेकने यायेबलय् खःगु, दुग्‍यंगु व

१ थेसलोनिकी 5:8

झीपिं जलय् च्‍वनीपिं जूगुलिं झीसं थःत कःघाना च्‍वनेमाः। झीसं ला विश्‍वास व मायायात छातिइ चीगु नँयागु पाता थें चिना तयेमाः अले मुक्तियागु आशायात तपुलि थें पुया च्‍वनेमाः।

रोमी 6:23

पापया ज्‍याला मृत्‍यु खः। परमेश्‍वरं सितिकं बियादीगु वरदान झी प्रभु येशू ख्रीष्‍टयाके अनन्‍त जीवन खः।

मत्ती 25:46

“थुमित सदां सास्‍ती बिया तइ। अले परमेश्‍वरं धयादी थें यानाच्‍वंपिन्‍त जक अनन्‍त जीवन दइ।”

मत्ती 25:34

“अले जुजुं थःगु जवय् च्‍वंपिन्‍त थथे धाइ – ‘जिमि बाःनं आशिष बियातःपिं मनूत छिपिं हे खः। वा, संसार सृष्‍टि मजूनिबलय् निसें छिमित बी धकाः तयातःगु राज्‍यय् आः छिमिसं हे अधिकार या।

प्रकाश 17:8

व पशु न्‍हापा ला दुम्‍ह खः, आः मदु। व हे पशु तःजाःगु गालं पिहां वइतिनि। अले नाश नं जुइतिनि। संसारयात सृष्‍टि याये न्‍ह्यःनिसें जीवनयागु सफुलिइ नां च्‍वया मतःपिं मनूत व पशुयात खनाः तसकं छक्‍क जुइ, छाय्‌धाःसा व पशु न्‍हापा दु, आः मदु, अले लिपा वइतिनि।

प्रकाश 13:8

अले पृथ्‍वीइ च्‍वंपिं फुक्‍कसिनं व पशुयात पुजा याइ। संसारयागु सृष्‍टि जूसांनिसें स्‍याःम्‍ह चीधिकःम्‍ह भ्‍याःचाया जीवनयागु सफुलिइ नां च्‍वया मतःपिं फुक्‍कसिनं वयात पुजा याइ।

२ तिमोथी 2:10

अय्‌जूगुलिं परमेश्‍वरं ल्‍ययातःपिं मनूतय्‌गु निंतिं जिं न्‍ह्यागुं सह याये फु। अले इपिं ख्रीष्‍ट येशूं बियादीगु सदां दइगु मुक्ति कयाः तःधने फयेमा।

१ तिमोथी 6:19

थुकथं इमिसं लिपायात स्‍यल्‍लाःगु धनसम्‍पत्ति मुंके फइ, अले धात्‍थेंगु जीवन कायेखनी।

रोमी 5:21

थथे जूगुलिं पापं यानाः फुक्‍क मनूत सीमाः थें तुं परमेश्‍वरयागु दया मायां धर्मी ठहरय् जुयाः झी प्रभु येशू ख्रीष्‍टयापाखें मनूतय्‌त अनन्‍त जीवन दत।

प्रेरित 15:18

परमप्रभुं धयादीगु थ्‍व खँ, न्‍हापांनिसें हे धयावयाच्‍वंगु खः।’”

यूहन्‍ना 17:2

छिं काय्‌यात बियादिक्‍व मनूतय्‌त अनन्‍त जीवन बीत फुक्‍क मनूतय्‌त वयागु ल्‍हातय् तयादीगु दु।

यूहन्‍ना 10:28

इमित जिं अनन्‍त जीवन बी। इपिं गुबलें नाश जुइ मखु। जिगु ल्‍हातं इमित सुनानं लाकायंकी मखु।

यूहन्‍ना 6:68

सिमोन पत्रुसं लिसः बिल – “प्रभु, जिपिं सुयाथाय् वनेगु? अनन्‍त जीवन बीगु खँ छिके जक दु।

यूहन्‍ना 6:54

सुनां जिगु म्‍ह नइ, अले जिगु हि त्‍वनी, वयाके अनन्‍त जीवन दइ। अले वयात दकलय् लिपायागु दिनय् जिं म्‍वाका बी।

यूहन्‍ना 5:39

“अनन्‍त जीवन दइ धकाः छिमिसं धर्मशास्‍त्र ब्‍वना जुइ। व हे धर्मशास्‍त्रं जिगु साक्षी बी,

१ तिमोथी 6:12

विश्‍वासयागु लँपुइ न्‍ह्यज्‍याना तुं च्‍वँ। अले अनन्‍त जीवन काय्‌त स्‍व। थुकियागु निम्‍ति हे परमेश्‍वरं छन्‍त सःतादीगु खः, अले थुकियागु निम्‍ति हे छं यक्‍व मनूतय्‌त थःगु विश्‍वासयागु साक्षी ब्‍यूगु खः।

१ थेसलोनिकी 2:15

व हे यहूदीतय्‌सं प्रभु येशू व न्‍हापायापिं अगमवक्तातय्‌त स्‍यानाबिल। अले जिमित नं ख्‍यानाः हल। परमेश्‍वरयात मयःगु ज्‍या यानाः इपिं न्‍ह्याम्‍हय्‌सियां विरोधी जुयाच्‍वन।

रोमी 16:25

परमेश्‍वरयात तःधंकि, छाय्‌धाःसा छिमिगु विश्‍वास बल्‍लाकादी फुम्‍ह परमेश्‍वर हे खः। न्‍हापांनिसें गुप्‍त तयातःगु येशू ख्रीष्‍टयागु भिंगु खँ आः सकसितं सीके बियादीगु दु।

रोमी 5:4

थथे दुःख सह यायेफत धाःसा झीगु मन नं बल्‍लाइ। थथे झीसं परमेश्‍वरयाके आशा तयाच्‍वन धाःसा

रोमी 5:2

वय्‌कलं झीत विश्‍वासपाखें परमेश्‍वरया दया मायाय् हयादीगु दु। थौं झीपिं व हे क्षमा बीगु दया मायाय् दु। तःधंम्‍ह परमेश्‍वरया महिमाय् झीपिं नं च्‍वने दइतिनि धकाः झीसं स्‍यूगुलिं झीगु मन लय्‌ताः।

रोमी 2:7

धैर्यसाथं भिंगु ज्‍या यानाः प्रशंसा, इज्‍जत व नाश मजुइगु जीवन मालीपिन्‍त अनन्‍त जीवन बियादी।

रोमी 1:2

थ्‍व हे भिंगु खँ न्‍हापांनिसें हे परमेश्‍वरं वय्‌कःया अगमवक्तातय्‌त धर्मशास्‍त्रय् च्‍वकाः थथे यानादी धकाः धयादीगु खः।

यूहन्‍ना 17:24

“बाः, संसार मदुनिबलय् निसें छिं जितः माया यानाः तःधंकादीगु खँ इमिसं थुइके फयेमा, अले जि गन दु, इपिं नं जि लिसे हे दयेमा धयागु जिगु इच्‍छा खः।

कलस्‍सी 1:27

थथे व गुप्‍ति खँ मनूतय्‌त ध्‍वाथुइकादीगु परमेश्‍वरया ग्‍वसाः खः। अले गुप्‍ति खँ थ्‍व हे खः – “ख्रीष्‍ट छिपिं यहूदीमखुपिन्‍के नं दी। अले परमेश्‍वरलिसे छिपिं नं तःधनी।”

मर्कूस 10:30

व दुःख स्‍यूपिन्‍त आः हे सछिदुगं अप्‍वः छेँबुँ, दाजुकिजा, तताकेहेँ, मांबौ व काय्‌म्‍ह्याय् सकलें दइ। अले हानं अनन्‍त जीवन नं दइ।

मर्कूस 10:17

अनं येशू लँय् झाया च्‍वंबलय् छम्‍ह मनुखं ब्‍वाँय् ब्‍वाँय् वयाः वय्‌कःया न्‍ह्यःने पुलिं चुयाः थथे धकाः न्‍यन – “भिंम्‍ह गुरुजु, छु ज्‍या याःसा जितः अनन्‍त जीवन दइ?”

यशैया 1:20

तर छिमिसं मानय् मयात व जिगु विरोध यात धाःसा छिमित तरवारं पालाः स्‍यानाछ्वइ। परमप्रभुं हे थ्‍व खँ धाःगु खः।”