रुथया सफू 4:1 - नेवाः बाइबल

¹ बोअज शहरया ध्‍वाखाय् वनाः च्‍वनाच्‍वन। छुं ई लिपा वं धाःम्‍ह एलीमेलेकया सतिक थःलाःम्‍ह मनू थ्‍यंकः वल। अले बोअजं वयात धाल, “पासा, थन वयाः फ्‍यतु।” व बोअजया न्‍ह्यःने वनाः फ्‍यतुल।

रुथया सफू 4:1 Referans Kwoze

रुथया सफू 3:12

जि छिमि सतीम्‍ह थः खःसां जि स्‍वयाः सतीम्‍ह मेम्‍ह छम्‍ह थः दु।

व्‍यवस्‍था 25:7

अय्‌नं दरभत वा किजाभतं थः तताःजुयात तये मय्‌कूसा तताःजु शहरया ध्‍वाखाय् थकालितथाय् वनाः थथे धायेमाः, “जिमि दरभत वा किजाभतं थः दाजुया नां इस्राएलय् तयातयेत म्‍हाः धाल। अले जिलिसें दरभत वा किजाभतं यायेमाःगु ज्‍या मयाः।”

व्‍यवस्‍था 16:18

परमप्रभु छिमि परमेश्‍वरं बियादीगु छिमिगु फुक्‍क शहरय् थथःगु कुलकथं न्‍याय याइपिं व मेपिं हाकिमत ल्‍य। इमिसं मनूतय्‌गु न्‍याय खःकथं यायेमाः।

आमोस 5:15

मभिंगु फुक्‍क त्‍वःताछ्व, छु छु भिंगु खः व हे जक यय्‌की। अदालतय् न्‍याय ल्‍यंकाः तयाति, सके दक्‍व शक्ति दुम्‍ह परमप्रभु परमेश्‍वरं योसेफया ल्‍यंदनिपिं मनूतय्‌त दया यानादी ला।

अय्‍यूब 31:21

अदालतय् जितः ग्‍वाहालि याइम्‍ह दुगु खनाः जिं मांबौ मदुपिन्‍त ल्‍हाः ल्‍ह्वनागु दु ला?

अय्‍यूब 29:7

“चुकय् च्‍वनेत जि शहरया मू ध्‍वाखां जुयावनेबलय्

व्‍यवस्‍था 21:19

वया मांबौनं वयात ज्‍वनाः थकालितय्‌थाय् शहरया मू ध्‍वाखाय् यंकेमाः।

जकरिया 2:6

“वा, वा, उत्तरयागु देशं बिस्‍युं वा! छाय्‌धाःसा जिं छिमित आकाशया प्‍यंगू फय् थें छ्यालब्‍याल यानाबियागु दु,” परमप्रभुं धयादी।

यशैया 55:1

परमप्रभुं धयादी, “हे सकलें प्‍याय्‌चाःपिं, लः दुथाय् लिक्‍क वा अले लः त्‍वँ, धिबा मदुपिं नं नसा कयाः न वा! अले सित्तिकं दाखमद्य व दुरु कायेत वा!

व्‍यवस्‍था 17:5

सु मिसा वा मिजंनं थज्‍याःगु मभिंगु ज्‍या याःगु खः, व मिसा वा मिजंयात शहरया मू ध्‍वाखाय् हयाः ल्‍वहँतं कय्‌काः स्‍या।

उत्‍पत्ति 23:10

एप्रोन अन हे हित्तीतलिसे शहरया ध्‍वाखाय् च्‍वनाच्‍वंगु खः। वं अन च्‍वनाच्‍वंपिं फुक्‍कसिनं तायेक धाल,

उत्‍पत्ति 34:20

उकिं हमोर व वया काय् शकेमं शहरया मू ध्‍वाखाय् वनाः शहरय् च्‍वंपिन्‍त धाल,

यहोशू 20:4

व उपिं शहरत मध्‍ये छगुलिइ बिस्‍युं वनाः ध्‍वाखाय् दनाः अनयापिं थकालितय्‌त थःगु खँ कनेमाः। अले इमिसं शहर दुने थःपिन्‍थाय् यंकाः वयात च्‍वनेत थाय् बीमाः अले व इपिंनापं च्‍वनेमा।

रुथया सफू 3:18

अले वं धाल, “हे जिमि म्‍ह्याय्, अज्‍ज मेगु छु जुइ व छं मस्‍युतले पियाच्‍वँ। छाय्‌धाःसा थ्‍व ज्‍या सिमधःलते बोअजयात न्‍ह्यः वइ मखु।”

२ शमूएल 15:2

अले व सुथ न्‍हापां दनाः शहरया मू ध्‍वाखाय् वनेगु लँ लिक्‍क दनाच्‍वनीगु। अले सुं मनू जुजुयाथाय् वयाः निसाफ फ्‍वँ वइबलय् अब्‍शालोमं व मनूयात सःताः “छ गुगु शहरं वयाम्‍ह खः?” धकाः न्‍यनीगु। अले व मनुखं थथे धकाः लिसः बीगु, “स्‍वयादिसँ, जि इस्राएलया छगू कुलयाम्‍ह खः।”

२ इतिहास 18:9

इस्राएलयाम्‍ह जुजु व यहूदायाम्‍ह जुजु यहोशापात जुजुया वसः फिनाः सामरियाया ध्‍वाखाया लिक्‍क च्‍वंगु खलाय् थथःगु सिंहासनय् च्‍वनाच्‍वन। अले फुक्‍क अगमवक्तातय्‌सं इमिगु न्‍ह्यःने अगमवाणी धयाच्‍वन।

भजनसंग्रहया सफू 69:12

लँय् लँय् हे इमिसं जिगु खँ ल्‍हाना जुइ। अय्‌लाःगुलुतय्‌सं जितः ध्‍याचू नकाः म्‍ये हाला जुइ।

हितोपदेश 31:23

वया भाःतयात शहरया तःधंपिं मनूत मध्‍ये छम्‍ह धकाः सकसिनं म्‍हसीकी।

यर्मिया 32:10

अले जिं भ्‍वँतय् सही यानाः उकी छाप तयाबिया। अले साक्षीत सःताः ताल्‍जुइ वहः लनाबिया।

उत्‍पत्ति 19:1

उखुन्‍हु हे बहनिइ लोत सदोम शहरया ध्‍वाखाय् फ्‍यतुनाच्‍वंबलय् उपिं हे निम्‍ह स्‍वर्गदूतत सदोमय् वल। इमित खनाः लोतं दना वनाः बँय् थ्‍यंक क्‍वछुनाः धाल –