रुथया सफू 3:11 - नेवाः बाइबल

¹¹ उकिं, हे मइं, छ ग्‍याये मते। छं छु धाल व जिं याये, छाय्‌धाःसा शहरयापिं जिमि फुक्‍क मनूतय्‌सं छ भिंम्‍ह मिसा खः धकाः स्‍यू।

रुथया सफू 3:11 Referans Kwoze

हितोपदेश 31:10

धात्‍थें भिंम्‍ह कलाः सुयात दइ? व ला हिरामोती स्‍वयाः मू वं।

हितोपदेश 12:4

भिंम्‍ह कलाः वया भाःतया मुकुट खः, तर भाःतयात मछालापुकीम्‍ह मिसा ध्‍वगीगु क्‍वँय् थें खः।

रुथया सफू 3:12

जि छिमि सतीम्‍ह थः खःसां जि स्‍वयाः सतीम्‍ह मेम्‍ह छम्‍ह थः दु।

उत्‍पत्ति 26:24

उखुन्‍हु हे चान्‍हय् परमप्रभुं वयाथाय् खनेदय्‌कः झायाः वयात धयादिल, “जि छिमि बौ अब्राहामया परमेश्‍वर खः। ग्‍याये मते, छाय्‌धाःसा जि छलिसें दु। जिं जिमि च्‍यः अब्राहामलिसे बाचा चिना थें छन्‍त आशिष बी, अले छं यक्‍व सन्‍तान दइ।”