रुथया सफू 1:12 - नेवाः बाइबल

¹² हे जिमि म्‍ह्याय्‌पिं, छेँय् लिहां हुँ। छाय्‌धाःसा हाकनं ब्‍याहा यायेत जि बुरी जुइ धुंकल। अज्‍याःगु छुं आशा दुसां अले थौं चान्‍हय् हे ब्‍याहा यानाः काय् बुके फुसां

रुथया सफू 1:12 Referans Kwoze

उत्‍पत्ति 17:17

अब्राहाम बँय् भ्‍वपुल। अले मनं मनं थथे धयाः न्‍हिल, “सच्‍छिदँ (१००) दुम्‍ह मनूपाखें नं सन्‍तान दइ ला? गुइदँ दये धुंकाः नं सारां मचा बुइकी ला?”

१ तिमोथी 5:9

छम्‍ह जक मिजंनाप ब्‍याहा याःम्‍ह, खुइदँ दये धुंकूम्‍ह भाःत मदय्‌ धुंकूपिं मिसायात

उत्‍पत्ति 38:11

थः मेम्‍ह काय् शेलह नं वया दाजुपिं थें सी ला धकाः ग्‍यानाः यहूदां थः भौ तामारयात धाल, “जिमि काय् शेलह तःधि मजुतले छ ब्‍याहा मयासें थःछेँय् हे वनाः च्‍वंहुँ।” उकिं तामार थःछेँय् हे वनाः च्‍वन।

रुथया सफू 1:11

नाओमीं धाल, “हे जिमि म्‍ह्याय्‌पिं लिहां हुँ, छिपिं छाय् जिलिसें वयेगु? छिमि भाःत जुइत छु जिगु प्‍वाथय् मेपिं काय्‌पिं दु धकाः ला?

रुथया सफू 1:13

इपिं तःधिक मजुतले छिपिं पियाच्‍वने फइ ला? छु छिपिं ब्‍याहा मयासें च्‍वनेगु ला? मखु, जिमि म्‍ह्याय्‌पिं, जिगु हालत छिमिगु स्‍वयाः बांमलाः, छाय्‌धाःसा परमप्रभुं जिगु विरोधय् ल्‍हाः ल्‍ह्वनादीगु दु।”