रोमी 8:3 - नेवाः बाइबल

³ झीपिं बमलाःबलय् व्‍यवस्‍थां यायेमाःगु ज्‍या याये मफुगुलिं परमेश्‍वरं थःकाय्‌यात छ्वयाहयादिल। वय्‌कः झीपिं थें तुं मनू जुयाः झीगु पाप सिला छ्वयेत बलिदान जुयादिल। थथे यानाः वय्‌कलं झीगु शरीरय् पापयागु दोष क्‍यनादिल।

रोमी 8:3 Referans Kwoze

प्रेरित 13:39

वय्‌कःयात विश्‍वास याःपिनिगु न्‍ह्याथें ज्‍याःगु पाप नं क्षमा यानाबी। थ्‍व ज्‍या मोशां ब्‍यूगु व्‍यवस्‍थां याये मफुत।

गलाती 3:13

येशू ख्रीष्‍टं व्‍यवस्‍थाया सरापं झीत मू पुलाः त्‍वःतकादिल। वय्‌कलं क्रूसय् यग्‍गानाः झीगु सराः थःम्‍हं फयादीगु दु। व्‍यवस्‍थाय् धयातःगु दु “सिँयागु थामय् यख्‍खाइम्‍हय्‌सित सराः लाइ।”

२ कोरिन्‍थी 5:21

ख्रीष्‍टयाके पाप धयागु हे मदु। अय्‌नं परमेश्‍वरं झीगु पाप ख्रीष्‍टयात क्‍वबिकादिल। ख्रीष्‍टं थथे यानादीगुलिं हे झीपिं परमेश्‍वर नाप मिलय् जुइ फइ, अले परमेश्‍वरया न्‍ह्यःने धर्मी ठहरय् जुइ।

हिब्रू 10:14

पापं शुद्ध जूपिन्‍त वय्‌कलं छगू हे बलिदानं सदांया लागि सिद्ध यानादिल।

१ पत्रुस 2:24

वय्‌कः थःम्‍हय्‌सिनं हे झीगु पाप क्‍वबिया क्रूसय् सिनादिल। अय्‌जूगुलिं झीसं पाप यायेगु मतिइ तकं मतसे परमेश्‍वरयात यय्‌क भिंगु बांलाःगु जक यानाच्‍वनेमाः। छिमित मुक्ति बीत ख्रीष्‍ट सिनादीगु खः।

रोमी 6:6

झीगु पापी जीवन नाश जुयावनेमा धकाः झीगु पुलांगु जीवन वय्‌कःलिसें क्रूसय् यख्‍खाना बी धुन धकाः झीसं स्‍यू। अय्‌जूगुलिं आः झीसं पापी ज्‍याखँ याना जुइ जि हे मज्‍यू।

गलाती 3:21

अय्‌सा छु व्‍यवस्‍था परमेश्‍वरयागु बाचाया अःखः जुल ला? मखु, व्‍यवस्‍था परमेश्‍वरयागु बाचाया अःखः मजू। मनूतय्‌त जीवन दयेमा धकाः व्‍यवस्‍था बियादीगु जूसा व्‍यवस्‍थां हे मनूत परमेश्‍वरया न्‍ह्यःने धर्मी ठहरय् जुइगु खः।

रोमी 8:32

सुनां थःकाय्‌यात हे ल्‍यंका मतसे झी सकसिगु निंतिं स्‍याकेत बियादीम्‍ह परमेश्‍वरं वय्‌कःया काय्‌पाखें झीत माःगु फुक्‍कं गथे बियामदी?

रोमी 3:20

व्‍यवस्‍थाय् च्‍वयातःगु नियम पालन यानाः सुं हे मनू धर्मी जुइ फइ मखु। व्‍यवस्‍थां ला पाप छु खः धकाः क्‍यनाबी।

हिब्रू 2:14

उपिं काय्‌म्‍ह्याय्‌पिं ला व हिया शरीर जूगुलिं येशू नं उपिं थें हे ला व हि दुम्‍ह मनू जुयादिल। थुकथं वय्‌कलं मनू जुयाः सिनाः मृत्‍युयागु शक्ति दुम्‍ह शैतानयात बुकादिल।

फिलिप्‍पी 2:7

थःयसें फुक्‍कं त्‍वःताः दास थें जुयादिल, अले झीपिं थें मनू जन्‍म कयादिल।

हिब्रू 10:12

ख्रीष्‍टं धाःसा पापयागु निंतिं सदांयात गाक्‍क छता हे जक बलि बियादिल। अले वय्‌कः परमेश्‍वरयागु जवय् च्‍वनादीगु दु।

हिब्रू 4:15

झी दकलय् तःधंम्‍ह पुजाहारी झी बमलाइबलय् छुं याये मफुम्‍ह मखु, बरु झीत थें वय्‌कःयात नं फुक्‍क खँय् शैतानं जाँचय् यात, अय्‌सां वय्‌कलं पाप यानामदी।

हिब्रू 2:17

दक्‍व खँय् वय्‌कः थः हे दाजुकिजा थें जुयादी माल। थुकथं परमेश्‍वर व झीगु दथुइ च्‍वनाः झीगु पापया प्रायश्‍चित यायेत दयादुम्‍ह व विश्‍वास याये बहःम्‍ह दकलय् तःधंम्‍ह पुजाहारी थें जुयादिल।

रोमी 9:3

इमिगु निंतिं परमेश्‍वरयागु सराः फयेमाःसां, अले ख्रीष्‍टलिसे बाय्‌माःसां बाय्,

यूहन्‍ना 1:14

वचन मनू जुयाः झीपिं नाप च्‍वं झाल। वय्‌कः दया माया, अले सत्‍यं जाःम्‍ह खः। जिमिसं वय्‌कःया महिमा खना, गुगु महिमा बाःया याकः काय्‌या थें च्‍वं।

यूहन्‍ना 9:24

इमिसं व कांम्‍ह मनूयात सःताः हानं धाल – “परमेश्‍वरया न्‍ह्यःने छं खःगु खँ ल्‍हाय् धकाः पाफ। छन्‍त लय्‌कूम्‍ह मनू पापी खः धकाः जिमिसं स्‍यू।”

मर्कूस 15:27

उबलय् हे इमिसं वय्‌कःयागु जवंखवं निम्‍ह दाखुँतय्‌त नं यख्‍खायाबिल।

गन्‍ती 28:22

नापं छिमिगु प्रायश्‍चित यायेत छम्‍ह दुगुचा नं पापबलि यानाः छायेमाः।

रोमी 7:18

जिगु मनय् छुं नं भिंगु खं थाय् मकाः धकाः जिं सिल। मनं भिंगु याये मास्‍ति वःसां जिं याये मफु।

गन्‍ती 21:9

थथे मोशां कँय्‌याम्‍ह छम्‍ह सर्प दय्‌काः उकियात छगू थामय् यख्‍खानाबिल। अले सर्पं न्‍याःपिं मध्‍ये सुनां सुनां व कँय्‌याम्‍ह सर्पयात स्‍वल व मनू म्‍वात।