प्रकाश 6:9 - नेवाः बाइबल

⁹ न्‍यागूगु छाप प्‍वःबलय् जिं परमेश्‍वरयात मत्‍वःतुसे वय्‌कःयागु वचन न्‍यंकूगुलिं स्‍याःपिनिगु आत्‍मातय्‌त होम यायेगु थाय्‌यागु तःले खना।

प्रकाश 6:9 Referans Kwoze

प्रकाश 20:4

अले जिं यक्‍व सिंहासन व उकी न्‍याय यायेगु अधिकार दुपिं फ्‍यतुनाच्‍वंगु खना। येशूयागु साक्षीया निंतिं, परमेश्‍वरयागु वचनया निंतिं छ्यं ध्‍यंकूपिं नं जिं खना। इमिसं व पशुयात व पशुयागु मूर्तियात पुजा मयाः, अले कपालय् नं, ल्‍हातिइ नं पशुयागु चिं तया मतः। इमिसं म्‍वाना वयाः ख्रीष्‍टनापं द्वःछि दँ तक राज्‍य यात।

यूहन्‍ना 16:2

इमिसं छिमित धर्मशास्‍त्र स्‍यनीगु छेँनं पितिनाहइ। अले मनूतय्‌सं छिमित स्‍यानाः परमेश्‍वरयागु सेवा याना धकाः मतिइ तया जुइगु ई नं वइतिनि।

प्रकाश 1:9

छिपिंलिसे येशूयागु निंतिं दुःखकष्‍ट सिया च्‍वनाम्‍ह छिमि दाजु जि यूहन्‍ना खः। छिपिंलिसे तुं वय्‌कःयागु राज्‍यय् च्‍वनाः सकतां सह यानाच्‍वनागु दु। जिं परमेश्‍वरयागु वचन व येशूं धयादीगु सत्‍य खः धकाः न्‍यंकाच्‍वनागुलिं जितः पत्‍मोस टापुइ यंकाः कुनातल।

प्रकाश 2:13

“शैतानयागु सिंहासन दुथाय् छिपिं च्‍वनाच्‍वंगु दु धकाः जिं स्‍यू। छिमिसं शैतान दुगु थासय् नं जितः क्‍वात्तुक भक्ति व विश्‍वास यानाच्‍वंगु दु धकाः, अले जिगु साक्षी बिया जूम्‍ह एन्‍टिपासयात स्‍याःबलय् नं छिमिसं जितः विश्‍वास यायेगु मत्‍वःतू।

२ तिमोथी 1:8

उकिं झी प्रभुयागु भिंगु खँ न्‍यंका जुइत लज्‍या चाये मते, अले जितः कुनातःगुलिइ नं लज्‍या चाये मते, बरु परमेश्‍वरयागु शक्तिइ भरोसा तयाः छं नं जिं थें तुं भिंगु खँयागु निंतिं दुःखसिया जु।

प्रकाश 16:7

अनं लिपा वेदीं थथे धयाहःगु सः जिं ताल, “दक्‍वसिबय् तःधंम्‍ह व शक्ति दुम्‍ह परमप्रभु परमेश्‍वर, छिं यानादीगु न्‍याय सत्‍य व पाय्‌छि जू।”

प्रकाश 14:18

मेम्‍ह छम्‍ह स्‍वर्गदूत होम यायेगु थासं पिहां वल। थ्‍वयाके मियागु अधिकार दु। अले ज्‍वःगु ईंचा दुम्‍हय्‌सित थ्‍वं ततसलं धाल – “पृथ्‍वीइ च्‍वंगु दाख ईंचां लया का, दाख पाकय् जुइ धुंकल।”

प्रकाश 1:2

व हे यूहन्‍नां खंगु परमेश्‍वरं धयादीगु वचन, अले येशू ख्रीष्‍टं धयादीगु खँ फुक्‍क सत्‍य खः धकाः साक्षी बियाच्‍वनागु दु।

फिलिप्‍पी 1:23

जि ला बाम्‍हय् कानाच्‍वंगु दु। थ्‍व संसार त्‍वःताः ख्रीष्‍टनाप च्‍वंवनेगु जिगु तःधंगु इच्‍छा खः।

२ कोरिन्‍थी 5:8

जिमित पक्‍का विश्‍वास दु, अले थ्‍व म्‍हयात त्‍वःताः प्रभुलिसे च्‍वंवनेत जिपिं न्‍ह्याबलें न्‍ह्यचिलाच्‍वनागु दु।

लेवी 4:7

अले पुजाहारीं हि भतिचा कयाः पवित्र थासय् दुने परमप्रभुया न्‍ह्यःने च्‍वंगु गुँगू थनेगु वेदीया नेकुलिइ तिकेमाः। अले द्वहंया ल्‍यं दुगु हि नापलायेगु पालया ध्‍वाखाय् होमबलिया वेदीया तःलय् प्‍वंकेमाः।

प्रकाश 19:10

अथे धाःगुलिं वयात हनाबना यायेत जि वयागु तुतिइ भ्‍वपुला। अय्‌नं वं धाल – “छं थथे याये मते। येशूयागु वचन न्‍यनाकाःपिं छ व छिमि दाजुकिजापिं थें जि नं परमेश्‍वरया छम्‍ह दास खः। परमेश्‍वरयात आराधना या।” येशूयागु साक्षी अगमवक्तातय्‌गु आत्‍मा खः।

प्रकाश 8:3

मेम्‍ह छम्‍ह स्‍वर्गदूत ल्‍हातिइ लुँयागु गुँगू थनीगु मकः ज्‍वनाः वेदीया लिक्‍क दं वल। विश्‍वासीतय्‌गु प्रार्थनालिसें सिंहासनया न्‍ह्यःने च्‍वंगु लुँयागु वेदीइ च्‍याकेत धकाः वयात यक्‍व गुँगू बिल।

२ तिमोथी 4:6

छाय्‌धाःसा जिं ला थःत हे पाये धुन। जिगु ला सीगु ई नं वये धुंकल।

प्रकाश 9:13

अले खुम्‍हम्‍ह स्‍वर्गदूतं थःगु तुरही पुल। परमेश्‍वरयागु न्‍ह्यःने च्‍वंगु लुँयागु गुँगू थनेगु वेदीया प्‍यंगू नेकुतिं थुकथं तुरही पूम्‍ह खुम्‍हम्‍ह स्‍वर्गदूतयात धयाहःगु सः जिं ताल –

फिलिप्‍पी 2:17

छिमिगु विश्‍वासयागु बलिदान व सेवाय् थःगु हि तकं हाय्‌के माःसां जि लय्‌ताः। अले जि छिपिंनापं लय्‌ताये।

उत्‍पत्ति 4:10

परमप्रभुं धयादिल, “छं थ्‍व छु यानागु? छिमि किजायागु हिं जितः बँ दुनें सः बियाच्‍वंगु दु।

प्रस्‍थान 29:12

द्वहंचाया हि भतिचा थःगु पतिंचां कयाः वेदीया नेकुलिइ तिकाब्‍यु। ल्‍यं दुगु हि धाःसा वेदीया तःलय् प्‍वंकाब्‍यु।

हिब्रू 12:23

अन स्‍वर्गय् नां च्‍वयातःपिं, परमेश्‍वरया दकलय् तःधिकःम्‍ह काय्‌यात विश्‍वास याना च्‍वंपिनिगु पुचलय् छिपिं दुथ्‍याःगु दु। फुक्‍क मनूतय्‌त न्‍याय यानादीम्‍ह परमेश्‍वर दीथाय् छिपिं वःगु दु। अन धर्मी मनूया सिद्ध जुइ धुंकूपिं आत्‍मात नं दु।