प्रकाश 21:5 - नेवाः बाइबल

⁵ अले सिंहासनय् फ्‍यतुनादीम्‍हय्‌सिनं धयादिल – “स्‍व, जिं फुक्‍कं न्‍हूगु यानाबी।” वय्‌कलं हानं धयादिल – “थ्‍व च्‍वयाति, छाय्‌धाःसा थ्‍व फुक्‍क वचन विश्‍वास याये बहःगु खः, अले सत्‍य नं खः।”

प्रकाश 21:5 Referans Kwoze

२ कोरिन्‍थी 5:17

अथे जुयाः सुं मनू ख्रीष्‍टनाप दु धाःसा व न्‍हूम्‍ह मनू जुइ। पुलांगु मदयावन, फुक्‍क न्‍हूगु जुल।

यशैया 42:9

स्‍व, न्‍हापायागु खँ ला जुइ धुंकल, आः न्‍हूगु खँ जिं कने। व जुइ न्‍ह्यः हे उकिया बारे जिं छिमित घोषणा याये।”

यशैया 43:19

स्‍व, जिं छगू न्‍हूगु ज्‍या यानाच्‍वनागु दु, व आः जुया वइतिनि, छु छिमिसं व मखं ला? जिं मरुभूमिइ छपु लँपु दय्‌का च्‍वनागु दु, अले गंगु बँय् खुसिचात न्‍ह्याकाः च्‍वनागु दु।

प्रकाश 19:9

अले व स्‍वर्गदूतं जितः धाल – “थ्‍व च्‍वयाति, चीधिकःम्‍ह भ्‍याःचायागु ब्‍याहायागु भ्‍वजय् सःतूपिं मनूत तसकं हे धन्‍यपिं खः।” वं हानं धाल – “थ्‍व फुक्‍क परमेश्‍वरयागु सत्‍य वचन खः।”

प्रकाश 22:6

अले स्‍वर्गदूतं जितः धाल – “थ्‍व वचन फुक्‍कं सत्‍य व विश्‍वास याये बहःगु खः। अगमवक्तातय्‌त आत्‍मा बियादीम्‍ह परमप्रभु परमेश्‍वरं थः दासतय्‌त याकनं जू वइगु खँ क्‍यनेत थः दूत छ्वयाहयादीगु दु।”

प्रकाश 20:11

अनं लिपा जिं तःधंगु तुयुगु सिंहासन व उकी फ्‍यतुना च्‍वंम्‍हय्‌सित खना। वय्‌कःयात खनाः आकाश व पृथ्‍वी मदयावन। अले इमित च्‍वनेत गनं हे थाय् मन्‍त।

प्रकाश 4:2

अले जि छक्‍कलं आत्‍मां जाल। जिं स्‍वर्गय् छगू सिंहासन तयातःगु व उकी सुं छम्‍ह फ्‍यतुनाच्‍वंगु खना।

प्रकाश 4:9

सिंहासनय् फ्‍यतुनादीम्‍ह न्‍ह्याबलें म्‍वाना च्‍वनीम्‍हय्‌सिगु महिमा, हनाबना व सुभाय्‌या म्‍ये इपिं जीवात्‍मातय्‌सं हालाच्‍वन।

प्रकाश 1:19

“आः छं खंगु, जुयाच्‍वंगु खँ, अले लिपा जुइतिनिगु खँ फुक्‍कं च्‍व।

प्रकाश 1:11

“छं खंगु फुक्‍कं सफुलिइ च्‍वयाः न्‍हय्‌गू मण्‍डलीतय्‌त छ्व – एफिसस, स्‍मुर्ना, पर्गामम, थिआटीरा, सार्डिस, फिलाडेल्‍फिया व लाउडिकिया।”

प्रकाश 5:1

सिंहासनय् फ्‍यतुना च्‍वंम्‍हय्‌सिगु जव ल्‍हातय् दुने नं पिने नं च्‍वयातःगु भ्‍वं छथू खना। उकी न्‍हय्‌थाय् छाप तयातःगु दु।

हिब्रू 12:27

थन “आः छकः हानं” धयागु सृष्‍टि याना तःगुयात संकेगु व मदय्‌केगु धकाः धाःगु खः। अथे खःसा मसनिगु जक ल्‍यनी।

प्रकाश 22:19

सुनानं थ्‍व अगमवाणीयागु सफुलिइ च्‍वंगु छुं वचन लिकाल धाःसा परमेश्‍वरं वयागु जीवनयागु सिमायागु फलया भाग नं मदय्‌कादी। अले वयात पवित्र शहरं पितिनी।

लूका 5:38

थथे मयासें, दाखमद्य न्‍हूगु म्‍हिचाय् तयेमाः।