प्रकाश 21:12 - नेवाः बाइबल

¹² थ्‍व शहरय् तब्‍यागु व तःजाःगु पःखाः दनातःगु दु। थ्‍व पखालय् झिंनिद्वाः ध्‍वाखा तयातःगु दु। ध्‍वाखाय् झिंनिम्‍ह स्‍वर्गदूतत च्‍वनाच्‍वन। इस्राएलीतय् झिंनिगू कुलयागु नां उपिं ध्‍वाखाय् च्‍वयातःगु दु।

प्रकाश 21:12 Referans Kwoze

प्रकाश 21:25

अनयागु ध्‍वाखा गुबलें हे ति मखु। अन चा धयागु द हे मदु।

यशैया 54:12

थीथी ह्यांउगु मणीं छन्‍त सुरक्षा याइगु पःखाः, तसकं थीगु रत्‍नं छंगु मू ध्‍वाखात व तसकं मू मू वंगु थीनं छंगु निंतिं फुक्‍क पःखाःत दय्‌की।

भजनसंग्रहया सफू 122:7

छंगु पःखाः दुने नं शान्‍ति दयेमा, अले छंगु लाय्‌कू दुने नं सुरक्षा दयेमा।”

यशैया 60:18

छंगु देशय् हाकनं गुबलें ल्‍वापुख्‍यापु न्‍यनेमाली मखु, छंगु सिमानाया दुने गुबलें स्‍यंगु व नाश जूगु न्‍यनेमाली मखु। तर छंगु पःखाःयात मुक्ति धकाः धाइ, अले छंगु मू ध्‍वाखायात प्रशंसा धकाः धाइ।

भजनसंग्रहया सफू 51:18

हे परमेश्‍वर, सियोनयात भिं यानादिसँ, उकियात ग्‍वाहालि बियादिसँ। यरूशलेमया पःखाः हाकनं दय्‌कादिसँ।

नहेम्‍याह 12:27

यरूशलेम शहरया पखाः देछाःगु इलय् भुस्‍याः, वीणा व सारंगी थानाः लय्‌लय्‌तातां नखः हनेत सुभाय्‌या भजन हालेत थाय् थासय् च्‍वंपिं लेवीतय्‌त इपिं च्‍वनाच्‍वंगु थासं मालाः यरूशलेमय् हल।

प्रेरित 26:7

थ्‍व हे खँ झी झिंनिगू कुलं नं जुइतिनि धकाः आशा यानाः दुनुगलंनिसें चां न्‍हिं परमेश्‍वरयागु आराधना याना जुल। थ्‍व हे आशां यानाः जितः थौं ज्‍वना हल, महाराज।

एज्रा 9:9

जिपिं दासत जूसां झी परमेश्‍वरं जिमित व हे अवस्‍थाय् त्‍वःतामदी। छिगु कारणं फारसयाम्‍ह जुजुं जिमित ग्‍वाहालि याःगु दु। थ्‍व छिं जिमित न्‍हूगु जीवन बियादीगु थें खः। छिं जिमित छिगु देगः दय्‌केबिल अले जिमित यहूदा व यरूशलेमय् आराम बियादिल।

हिब्रू 1:14

अय्‌सा स्‍वर्गदूतत धयापिं सु खः लय्? इपिं परमेश्‍वरयात सेवा याइपिं आत्‍मात खः। अले मुक्ति काइपिं मनूतय्‌त ग्‍वाहालि यायेत छ्वयाहःपिं खः।

लूका 16:22

“छन्‍हु व फ्‍वगिं सित, अले स्‍वर्गदूततय्‌सं वयात ब्‍वना यंकाः अब्राहाम दुथाय् तये यंकल। छन्‍हु व तःमिम्‍ह मनू नं सित, अले वयात थुनाबिल।

लूका 15:10

जिं छिकपिन्‍त धाये – अथे हे परमेश्‍वरयापिं स्‍वर्गदूतत नं पश्‍चाताप याःम्‍ह छम्‍ह पापी खनाः लय्‌लय्‌ताइ।”

मत्ती 18:10

“उकिं जिमि मस्‍त सुं छम्‍हय्‌सित नं क्‍वह्यंके मते, छाय्‌धाःसा जिं छिमित धयाच्‍वना – मस्‍तय्‌त सुसाःकुसाः याइपिं स्‍वर्गदूतत स्‍वर्गय् च्‍वनादीम्‍ह जिमि बाःयागु न्‍ह्यःने हे दु।

प्रस्‍थान 28:21

इस्राएलया झिंनिम्‍ह काय्‌पिनिगु नांकथं झिंनिगः मणिया थी दयेमाः। झिंनिगलय् हे झिंनिगू कुलयागु नां कियातयेमाः।

प्रकाश 21:13

पुर्ब पती स्‍वद्वाः ध्‍वाखा, उत्तर पती स्‍वद्वाः ध्‍वाखा, दच्‍छिन पती स्‍वद्वाः ध्‍वाखा व पच्‍छिम पती स्‍वद्वाः ध्‍वाखा।

प्रकाश 21:15

जि नाप खँ ल्‍हाःम्‍हय्‌सिके शहर, ध्‍वाखा व पःखाः नापय् यायेत लुँयागु गज दु।

प्रकाश 22:14

थथःगु वसः हियाः यचुसे च्‍वंक च्‍वना च्‍वनीपिं धन्‍यपिं खः। जीवनयागु सिमाय् सःगु फल इमिसं नयेखनी, अले इपिं ध्‍वाखां दुने शहरय् नं वने खनी।

२ इतिहास 9:19

खुगुलिं त्‍वाथःया निखेंपाखे छम्‍ह छम्‍ह यानाः झिंनिम्‍ह सिंह नं दु। सोलोमनया सिंहासन थें ज्‍याःगु सिंहासन संसारय् मेगु मदु।