प्रकाश 20:1 - नेवाः बाइबल

¹ अले जिं तसकं तःजाःगु गाःयागु ताःचा व तःपुगु सिखः छपु ल्‍हातिइ ज्‍वनाः स्‍वर्गं क्‍वहां वयाच्‍वंम्‍ह छम्‍ह स्‍वर्गदूतयात खना।

प्रकाश 20:1 Referans Kwoze

प्रकाश 1:18

जि म्‍वाःम्‍ह खः। जि सी धुनाम्‍ह जूसां आः जि न्‍ह्याबलें म्‍वाना च्‍वनीम्‍ह खः। मृत्‍यु व नरकया ताःचा जिके दु।

२ पत्रुस 2:4

पाप याःपिं स्‍वर्गदूततय्‌त हे नं परमेश्‍वरं ल्‍यंका मदिसे नरकय् छ्वयादिल। न्‍याय याइगु दिं मवतले इमित नरकया खिउँथासय् चिनाः तया तल।

यहूदा 1:6

थःगु ज्‍या मयासें छेँ त्‍वःतावःपिं स्‍वर्गदूततय्‌त दकलय् लिपा न्‍याय यानादीत वय्‌कलं गुब्‍सं मब्‍यनिकथं चिनाः खिउँथाय् कुनादिल।

प्रकाश 18:1

थुलि जुइ धुंकाः जिं स्‍वर्गं क्‍वहां वयाच्‍वंम्‍ह मेम्‍ह स्‍वर्गदूतयात खना। व स्‍वर्गदूतयाके तःधंगु अधिकार दु। वयागु जलं पृथ्‍वी हे झल्‍लल थित।

प्रकाश 10:1

अले हानं सुपाँचं हिनातःम्‍ह, छेनय् इन्‍द्रेणी दुम्‍ह, सूर्ययागु थें ख्‍वाः दुम्‍ह, मियागु थां थें च्‍वंगु तुति दुम्‍ह तसकं बल्‍लाःम्‍ह छम्‍ह स्‍वर्गदूत स्‍वर्गं क्‍वहां वयाच्‍वंगु जिं खना।

लूका 8:31

अले भूत आत्‍मातय्‌सं “जिमित तःजाःगु गालय् छ्वयादी मते” धकाः वय्‌कःयात बिन्‍ति यात।

प्रकाश 20:3

अले गालय् वान्‍छ्वयाः पुसा तिनाः छाप तयाबिल। द्वःछि दँ मफुतले वं जात जातियापिं मनूतय्‌त थगय् मयायेमा धकाः थथे याःगु खः। द्वःछि दँ दये धुंकाः वयात पलख त्‍वःती।