प्रकाश 19:4 - नेवाः बाइबल

⁴ अले नीप्‍यम्‍ह थकालिपिं व प्‍यम्‍ह जीवात्‍मा फुक्‍कसिनं भ्‍वसुलाः सिंहासनय् फ्‍यतुनादीम्‍ह परमेश्‍वरयात थथे धकाः आराधना यात – “आमेन, हल्‍लेलूयाह। प्रभुयागु नां तःधं जुयाच्‍वनेमा।”

प्रकाश 19:4 Referans Kwoze

प्रकाश 5:14

प्‍यम्‍ह जीवात्‍मां धाल – “आमेन!” अले थकालिपिन्‍सं क्‍वछुनाः भागि यात।

भजनसंग्रहया सफू 106:48

परमप्रभु इस्राएलयाम्‍ह परमेश्‍वरया प्रशंसा न्‍ह्याबलें जुयाच्‍वनेमा! सकसिनं “आमेन” धायेमा। हल्‍लेलूया!

नहेम्‍याह 8:6

एज्रां परमप्रभु दकलय् तःधंम्‍ह परमेश्‍वयात प्रशंसा यात। अले सकल मनूतय्‌सं थथःगु ल्‍हाः ल्‍ह्वनाः थथे धकाः लिसः बिल, “आमेन, आमेन!” अले बँय् तक छ्यं क्‍वछुकाः इमिसं परमप्रभुयात आराधना यात।

प्रकाश 19:1

अनं लिपा जिं स्‍वर्गं यक्‍व मनूत हाला हःथेंज्‍याःगु सः ताल, “हल्‍लेलूयाह, उद्धार, मान व शक्ति झी परमेश्‍वरयागु हे खः।

प्रकाश 15:7

अले व प्‍यम्‍ह मध्‍ये छम्‍ह जीवात्‍मां न्‍ह्याबलें म्‍वाना च्‍वनीम्‍ह परमेश्‍वरयागु तं जाय्‌क दुगु न्‍हय्‌गः लुँयागु ख्‍वल्‍चा न्‍हय्‌म्‍ह स्‍वर्गदूततय्‌त बिल।

यर्मिया 28:6

वं धाल, “आमेन, परमप्रभुं अथे हे यानादीमा! परमप्रभुया देगःया मालसामान व ज्‍वनाः बेबिलोनय् यंकूपिं मनूतय्‌त बेबिलोनं थ्‍व थासय् लित हयाः छं अगमवाणी ल्‍हाःगु खँ परमप्रभुं पूवंकादीमा।

भजनसंग्रहया सफू 89:52

न्‍ह्याबलें परमप्रभुया प्रशंसा या! आमेन! आमेन!

भजनसंग्रहया सफू 72:19

वय्‌कःयागु महिमां जाःगु नांया सदां प्रशंसा जुयाच्‍वनेमा। पृथ्‍वी न्‍यंक वय्‌कःयागु महिमां जायेमा। आमेन! आमेन!

भजनसंग्रहया सफू 41:13

परमप्रभु, इस्राएलया परमेश्‍वरया प्रशंसा या। आः, अले न्‍ह्याबलें। आमेन! आमेन!

नहेम्‍याह 5:13

जिं थःगु वसःया गुजि दुथाय् थाथा यानाः धया, “थःगु बचं पूमवंकीपिं सकलें मनूतय्‌त परमेश्‍वरं इमिगु छेँ व धन सम्‍पत्तिं थुकथं हे थाथा यानाः लिकया दीमा।” थ्‍व जुइ धुंकाः सभाय् मूंपिं सकल मनूतय्‌सं धाल, “अथे हे जुइमा!” इमिसं परमप्रभुयात तःधंकल। अले मनूतय्‌सं थःगु थ्‍व बचंकथं ज्‍या यात।

१ इतिहास 16:36

परमप्रभु इस्राएलयाम्‍ह परमेश्‍वरया न्‍ह्याबलें प्रशंसा जुइमा। अले सकल मनूतय्‌सं धाल, “आमेन! परमप्रभुया प्रशंसा जुइमा।”

१ कोरिन्‍थी 14:16

परमेश्‍वरयात सुभाय् बीत छंगु आत्‍मां जक प्रार्थना याःसा मेपिं न्‍यना च्‍वंपिन्‍सं मथुइकं गथे यानाः “आमेन” धकाः धायेगु?

मत्ती 28:20

अले जिं स्‍यना थें छिमिसं इमित स्‍यनेकने यानाः फुक्‍कं खँ मानय् याकि। न्‍यँ, संसार फुना मवंतले जि छिपिंनाप हे दइ।”

मत्ती 6:13

जिमित परिक्षाय् लाकादी मते, बरु दुष्‍टपाखें बचय् यानादिसँ छाय्‌धाःसा राज्‍य व पराक्रम व महिमा सदां सर्वदां छिगु हे खः, आमेन।’

भजनसंग्रहया सफू 104:35

पापी मनूत पृथ्‍वीं नाश जुयावनेमा। हे जिगु मन, परमप्रभुया प्रशंसा या! हल्‍लेलूयाह!

प्रकाश 19:3

इमिसं हानं छकः तसलं थथे धाल – “हल्‍लेलूयाह, व वेश्‍यायात उनातःगु कुँ न्‍ह्याबलें थाहां वनाच्‍वनी।”

प्रकाश 19:6

अनं लिपा हुल हुल मनूतय्‌गु सः थें, यक्‍व लःयागु सः थें, ग्राङ्‌गग्रुङ्‌ग मिंक न न्‍याःगु सः थें थथे धकाः हाला हःगु जिं ताल – “हल्‍लेलूयाह, दक्‍व शक्ति दुम्‍ह झी परमप्रभु परमेश्‍वरं राज्‍य यानादी।