प्रकाश 16:7 - नेवाः बाइबल

⁷ अनं लिपा वेदीं थथे धयाहःगु सः जिं ताल, “दक्‍वसिबय् तःधंम्‍ह व शक्ति दुम्‍ह परमप्रभु परमेश्‍वर, छिं यानादीगु न्‍याय सत्‍य व पाय्‌छि जू।”

प्रकाश 16:7 Referans Kwoze

प्रकाश 19:2

वय्‌कलं बांलाक व खःकथं न्‍याय यानादी। पृथ्‍वीयापिं फुक्‍क मनूतय्‌त थःनाप व्‍यभिचार याकाः स्‍यंकूम्‍ह व तःधंम्‍ह वेश्‍यायात वय्‌कलं सजाँय बियादीगु दु। वय्‌कलं थः दासतय्‌गु हियागु पलेसा कयादीगु दु।”

प्रकाश 6:9

न्‍यागूगु छाप प्‍वःबलय् जिं परमेश्‍वरयात मत्‍वःतुसे वय्‌कःयागु वचन न्‍यंकूगुलिं स्‍याःपिनिगु आत्‍मातय्‌त होम यायेगु थाय्‌यागु तःले खना।

यशैया 6:6

अनंलि छम्‍ह सराफ चिम्‍तां वेदीया च्‍यानाच्‍वंगु हेंग्‍वामि कयाः ब्‍वयाः जिथाय् वल।

प्रकाश 14:18

मेम्‍ह छम्‍ह स्‍वर्गदूत होम यायेगु थासं पिहां वल। थ्‍वयाके मियागु अधिकार दु। अले ज्‍वःगु ईंचा दुम्‍हय्‌सित थ्‍वं ततसलं धाल – “पृथ्‍वीइ च्‍वंगु दाख ईंचां लया का, दाख पाकय् जुइ धुंकल।”

प्रकाश 14:10

अज्‍याःपिन्‍सं परमेश्‍वरयागु तःधंगु तं छुनं ल्‍वाकछ्याना मतःगु ख्‍वल्‍चां त्‍वने माली। अज्‍याःपिन्‍सं मि व गन्‍धक दुथाय् पवित्रपिं स्‍वर्गदूततय्‌गु व चीधिकःम्‍ह भ्‍याःचायागु न्‍ह्यःने च्‍वनाः सास्‍ती नया च्‍वनेमाली।

प्रकाश 13:10

ज्‍वना यंके माःपिन्‍त ज्‍वना हे यंकी। तरवारं सीमाःपिं तरवारं हे सी। थुबलय् हे खः सकल विश्‍वासीतय्‌सं विश्‍वास मत्‍वःतुसे सह यानाच्‍वनेमाःगु।

इजकिएल 10:7

अले छम्‍ह करूबं थःगु ल्‍हाः मेपिं करूबतय्‌गु दथुइ दुगु मिइ न्‍ह्यःज्‍याकल, अले अनं भचा हेंग्‍वाः कयाः सुतिया वसः पुनातःम्‍ह मनूया ल्‍हातय् व तयाबिल। व मनू हेंग्‍वाः ज्‍वनाः पिहां वल।

इजकिएल 10:2

परमप्रभुं सुतिया वसः फिनातःम्‍ह मनूयात धयादिल, “करूबतय्‌गु क्‍वय् दुगु घःचाःया दथुइ हुँ। उपिं करूबतय्‌गु दथुइ दुगु च्‍यानाच्‍वंगु हेंग्‍वाः छम्‍हु ल्‍हातय् कयाः शहरय् ह्वलाब्‍यु!” अले जिं स्‍वयाच्‍वनाबलय् हे व दुहां वन।

प्रकाश 1:8

दक्‍वसिबय् तःधंम्‍ह व शक्ति दुम्‍ह, आः नं दीम्‍ह व न्‍हापा नं दीम्‍ह, अले झायादीम्‍ह परमप्रभु परमेश्‍वरं धयादिल – “अल्‍फा व ओमेगा जि हे खः।”