प्रकाश 15:8 - नेवाः बाइबल

⁸ परमेश्‍वरयागु महिमा, हनाबना व शक्तिं पिहां वयाच्‍वंगु कुं देगः छगलं जाल। न्‍हय्‌म्‍ह स्‍वर्गदूततय्‌सं छ्वयाहःगु न्‍हय्‌गू महामारी सिमधःतले अन सुं नं दुहां वनेमफु।

प्रकाश 15:8 Referans Kwoze

यशैया 6:4

इमिगु सलं लुखात व जगत सनाच्‍वंगु दु। अले देगः कुँ जायाच्‍वंगु दु।

प्रकाश 15:1

जिं हानं स्‍वर्गय् तसकं हे तःधंगु अजू चायापुगु छगू चिं खना। न्‍हय्‌म्‍ह स्‍वर्गदूततय्‌सं दकलय् लिपायागु न्‍हय्‌गू महामारी कयातल। परमेश्‍वरयागु तं थुमिगुपाखें हे क्‍वचाइ।

२ थेसलोनिकी 1:9

थुपिं प्रभुयागु तसकं बल्‍लाःगु जलं तापाक व प्रभुयागु ख्‍वाः तकं स्‍वये मखंक च्‍वनाच्‍वने माली। अले थुपिं सदांयात नाश जुयावनी।

भजनसंग्रहया सफू 29:9

परमप्रभुया सलं स्‍वंसिमायात संकाबी फु, उकिया हः हाय्‌काबी फु। अले वय्‌कःया देगलय् सकसिनं वय्‌कःया प्रशंसा याइ।

रोमी 11:33

अहो! परमेश्‍वरया धन, ज्ञान व बुद्धि गुलि तःधं! वय्‌कलं यानादीगु न्‍याय थुइकां थुइके मफु। अले वय्‌कःयागु लँपु सीकेत तसकं थाकु।

विलाप 3:44

जिमिगु प्रार्थना छिथाय् मथ्‍यनेमा धकाः छिं थःत सुपाचं त्‍वपुयादिल।

यर्मिया 15:1

अले परमप्रभुं जितः धयादिल, “मोशा व शमूएल जिगु न्‍ह्यःने दंसां थ्‍व जातिपाखे जिगु मन वनी मखु। इमित जिगु न्‍ह्यःनं पितिनाछ्व! इमित वनेब्‍यु!

प्रस्‍थान 19:18

परमप्रभु मिनापं पर्वतय् कुहां झाःगुलिं पर्वत छगुलिं कुँया कुं जाल। अगलं कुँत्‍याः पिहां वः थें पर्वतं पिहां वल। पर्वत छधिकं खात।

लेवी 16:2

परमप्रभुं मोशायात धयादिल, “छिमि दाजु हारूनयात बाचा चिनादीगु सनूया द्यःने च्‍वंगु प्रायश्‍चितया कृपा-आसनया न्‍ह्यःने पर्दा दुने च्‍वंगु महा-पवित्र थासय् मंदुबलय् वये मते धा। मखुसा व सी। छाय्‌धाःसा जि अन सनूया च्‍वय् सुपाँचय् खनेदय्‌कः वयेगु खः।

प्रकाश 21:11

व शहर परमेश्‍वरयागु जलं झल्‍लल थिनाच्‍वन, अले तसकं थिकेगु मणि थी थें फुक्‍कं खनेदय्‌कः झल्‍लल थिनाच्‍वन।