प्रकाश 11:4 - नेवाः बाइबल

⁴ इपिं जैतूनयागु निमा सिमा व पृथ्‍वीयाम्‍ह प्रभुयागु न्‍ह्यःने थनातःगु निपु त्‍वाःदेवा खः।

प्रकाश 11:4 Referans Kwoze

यर्मिया 11:16

छगू इलय् परमप्रभुं छिमित भिंगु फल दुगु वाउँगु जैतूनया सिमा धकाः नां बियादीगु खः। तर वाफय्‌या थ्‍वःसःनापं वय्‌कलं उकियात मि नकाबी। अले उकिया कचात त्‍वथुलाबी।

भजनसंग्रहया सफू 52:8

जि ला परमेश्‍वरया छेँय् च्‍वंगु जैतूनया सिमा थें खः। परमेश्‍वरयागु दया मायाय् न्‍ह्याबलें विश्‍वास याना।

यशैया 54:5

छाय्‌धाःसा छन्‍त सृष्‍टि यानादीम्‍ह छिमि भाःत खः, वय्‌कःया नां दक्‍व शक्ति दुम्‍ह परमप्रभु खः। इस्राएलया पवित्र परमेश्‍वर छन्‍त उद्धार यानादीम्‍ह खः। वय्‌कःयात फुक्‍क पृथ्‍वीया परमेश्‍वर धकाः धाइ।

प्रकाश 1:20

छं खंगु जिगु जव ल्‍हातय् दुगु न्‍हय्‌गः नगुयागु व न्‍हय्‌गू लुँयागु त्‍वाःदेवाया गुप्‍ति खँ थ्‍व हे खः। न्‍हय्‌गः नगुयागु अर्थ न्‍हय्‌गू मण्‍डलीयापिं दूतत खः। अथे हे न्‍हय्‌गू लुँयागु त्‍वाःदेवायागु अर्थ न्‍हय्‌गू मण्‍डली खः।”

रोमी 11:17

अथे हे गुलि कचात त्‍वधुला वं थें यहूदीत नं गुम्‍हं गुम्‍हं परमेश्‍वरयात त्‍वःताः वन। छिपिं यहूदीमखुपिं धाःसा जंगली जैतूनमा लिसे कचा स्‍वाःथें स्‍वाये धुंकल। उकिं जैतूनमायागु हा व रस छिमिसं नं काये खन।

लूका 11:33

“मत च्‍याकाः सुनानं सुचुका तइ मखु, फं त्‍वपुया नं तइ मखु, बरु छेँय् वःपिन्‍त जः खयेमा धकाः तज्‍जाःगु थासय् तया तइ।

प्रस्‍थान 8:22

“‘जिं जिमि मनूत च्‍वनीगु गोशेन लागायात धाःसा अलग्‍ग तये, अन भुजिं दइ मखु। अले जि परमप्रभु थ्‍व देशय् दु धकाः छं सी।

मीका 4:13

“हे सियोनया म्‍ह्याय्, दनाः अन्‍नयात दा, छाय्‌धाःसा जिं छन्‍त नँयागु नेकूत बी, जिं छन्‍त कँय्‌यागु ख्‍वः बी, अले छं यक्‍व हे जातितय्‌त कुचा कुचा याये फइ।” इमिगु अधर्मयागु कमाइ अले इमिगु सम्‍पत्ति सारा पृथ्‍वीयाम्‍ह परमप्रभुयात देछाइ।

१ राजा 17:1

गिलादया तिश्‍बेयाम्‍ह तिश्‍बी एलियां आहाबयात धाल, “जिं सेवा याना वयाच्‍वनाम्‍ह परमप्रभु, इस्राएलया परमेश्‍वर म्‍वाःम्‍ह खः थें, जिं पाफयाः धाये जिं मधायेकं आः वइगु छुं दँ तक सुतिलः नं गाइ मखु, वा नं वइ मखु।”

व्‍यवस्‍था 10:8

थौं तक जुया वयाच्‍वंगु थें परमप्रभुयागु बाचाया सनू क्‍वबीत परमप्रभुया न्‍ह्यःने च्‍वनाः वय्‌कःयागु सेवा यायेत अले वय्‌कःया नामय् सुवाः बीत उबलय् परमप्रभुं लेवी कुलयात ल्‍ययादिल।

लूका 21:36

अय्‌जूगुलिं होश‍ यानाच्‍वँ। व दिनय् जू वइगु फुक्‍क खं बचय् जुइत व मनूया काय्‌या न्‍ह्यःने दने फय्‌केत छिमिसं न्‍ह्याबलें प्रार्थना याना च्‍वँ।”