प्रकाश 11:11 - नेवाः बाइबल

¹¹ स्‍वन्‍हु व बान्‍हु दये धुंकाः परमेश्‍वरं छ्वयाहयादीगु हंस इमिके दुहां वन। अले इपिं तुतिं चुयाः जुरुक्‍क दन। इमित खंपिं फुक्‍कं तसकं ग्‍यात।

प्रकाश 11:11 Referans Kwoze

उत्‍पत्ति 2:7

अले परमप्रभु परमेश्‍वरं बँय् च्‍वंगु चा कयाः मनू दय्‌कादिल, अले वयागु न्‍हासय् जीवनया सासः थनादिल। थुकथं मनू जीवन दुम्‍ह जुल।

रोमी 8:11

सी धुंकूम्‍ह येशूयात म्‍वाकादीम्‍ह परमेश्‍वरया आत्‍मा छिमिके दुसा ख्रीष्‍ट येशूयात सीगुपाखें म्‍वाकादीम्‍हय्‌सिनं छिमिगु सीमाःगु शरीरयात नं म्‍वाकादी।

रोमी 8:2

आः ला झीत येशू ख्रीष्‍टपाखें न्‍हूगु जीवन बियादीम्‍ह परमेश्‍वरया आत्‍मां पाप व मृत्‍युयागु व्‍यवस्‍थां मुक्त यानादीगु दु।

प्रकाश 11:9

देश देशयापिं मनूतय्‌सं, कुल कुलयापिं मनूतय्‌सं, थीथी भाषां नवाइपिं मनूतय्‌सं व जात जातियापिं मनूतय्‌सं इमिगु सीम्‍ह स्‍वन्‍हु व बान्‍हु तक स्‍वयाच्‍वनी। इमिसं सीम्‍ह थुंके बी मखु।

प्रेरित 5:5

थ्‍व खँ न्‍यनेवं हननिया क्‍वदयाः सित। थ्‍व खँ न्‍यंपिं फुक्‍कं ग्‍यानाः थरथर खात।

प्रेरित 5:11

फुक्‍क मण्‍डली व थ्‍व खँ न्‍यंपिं मनूत सकलें तसकं ग्‍यात।

होशे 3:5

अनंलि इस्राएलीत लिहां वइ, इमिसं परमप्रभु थः परमेश्‍वरयात व जुजु दाऊदया सन्‍तानयात माली। लिपांगु दिनय् इमिसं परमप्रभुया भय काइ अले वय्‌कःपाखे वयाः सुवाः काइ।

यर्मिया 33:9

अले थुकिया निंतिं जिं यानागु फुक्‍क भिंगु भिंगु ज्‍याया बारे न्‍यनीपिं थ्‍व संसारया फुक्‍क जातितय्‌गु न्‍ह्यःने थ्‍व शहरं जितः नां, लसता व हनाबना हयाबी। जिं थुकिया लागि यानागु फुक्‍क भिंगु ज्‍याया बारे उपिं जातितय्‌सं न्‍यनी, अले जिं थुकियात बियागु गाक्‍क सुख शान्‍तिया कारणं इपिं ग्‍यानाः थुरथुर खाइ।’

प्रकाश 11:13

अबलय् हे तसकं भ्‍वखाय् ब्‍वल। झिब्‍वय् छब्‍व शहर दुनावन। भ्‍वखाय् ब्‍वःबलय् न्‍हय्‌द्वः मनूत सित। ल्‍यंदनिपिं मनूत फुक्‍क ग्‍यानाः स्‍वर्गय् च्‍वंम्‍ह परमेश्‍वरयात तःधंकल।

यहोशू 2:9

अले वं इमित धाल, “परमप्रभुं थ्‍व देश छिकपिन्‍त बियादीगु दु धकाः जिं स्‍यू। छिपिं खनाः थ्‍व देशयापिं सकलें मनूत तसकं ग्‍यानाच्‍वंगु दु, छिकपिन्‍सं यानाः इपिं ग्‍यानाः थुरथुर खानाच्‍वंगु दु।