भजनसंग्रहया सफू 127:2 - नेवाः बाइबल

² नसाया निंतिं ज्‍या यायेत छ सुथ न्‍हापां दनेगु व चान्‍हय् लिबाक्‍क द्यंवनेगु सितिं खः। छाय्‌धाःसा वय्‌कलं थःत यःपिन्‍त न्‍ह्यः बियादीगु दु।

भजनसंग्रहया सफू 127:2 Referans Kwoze

उपदेशक 5:12

ज्‍या याइम्‍हय्‌सिनं कम नःसां यक्‍व नःसां स्‍याक्‍क न्‍ह्यः वइ। तर धनीम्‍ह अप्‍वः धन-सम्‍पत्ति दुगुलिं न्‍ह्यवइ मखु।

भजनसंग्रहया सफू 4:8

जि याउँक ग्‍वारातुले, अले द्यने। छाय्‌धाःसा छि हे छम्‍ह जक दु, हे परमप्रभु, जितः रक्षा यानादीम्‍ह।

अय्‍यूब 11:18

आशा दुगु जुयाः छि सुरक्षित जुयादी। छिं प्‍यखेरं स्‍वयादी, अले ढुक्‍क जुयाः द्यनादी।

भजनसंग्रहया सफू 3:5

जि ग्‍वारातुलाः द्यने अले हानं दने, छाय्‌धाःसा परमप्रभुं जितः रक्षा यानादीगु खः।

यर्मिया 31:26

थुबलय् हे जि न्‍ह्यलं चाल अले जिं प्‍यखेरं स्‍वयाः। जिगु म्‍हगस जितः न्‍ह्यइपुसे च्‍वन।

इजकिएल 34:25

“‘जिं इपिंलिसें शान्‍ति व सुरक्षाया बाचा ची, अले इपिं ढुक्‍क जुयाः मरुभूमिइ च्‍वनेदयेमा व गुँइ द्येने दयेमा धकाः गुँपशुतय्‌त देशं पितिना छ्वयाबी।

उपदेशक 1:14

थ्‍व संसारय् याःगु फुक्‍क ज्‍याखँ जिं खनागु दु। व फुक्‍कया छुं अर्थ मदु, फय्‌यात लिइगु थें जक खः।

उपदेशक 6:7

मनूतय्‌सं दुःखसिया याइगु फुक्‍क ज्‍या प्‍वाः जाय्‌केत जक खः, अय्‌नं वयात गुबलें नये पित्‍याःगु तनी मखु।

उपदेशक 4:8

छम्‍ह याकःचाम्‍ह मनू दु, वया सुं काय् व दाजुकिजापिं मदु। अले वं थाकुक ज्‍या यायेगु गुबलें त्‍वःती मखु। अय्‌नं व थःगु धनसम्‍पत्तिइ गुबलें नं लुधंका च्‍वनी मखु। अय्‌नं वं थथे धकाः न्‍यन, “जिं सुयागु निंतिं थपाय्‌सकं दुःखसिया च्‍वनागु? जिं छाय् जीवनया सुख त्‍वःताछ्वया?” थ्‍व नं सितिं वंगु खँ खः, थ्‍व तसकं दुःख लगय् जूगु खँ खः।

भजनसंग्रहया सफू 60:5

छिं बल्‍लाःगु जव ल्‍हातं जिमित बचय् यानादिसँ, जिमिगु प्रार्थनाया लिसः बियादिसँ। छिं माया यानातःपिं मनूत बचय् जुइमा।

हितोपदेश 10:22

परमप्रभुया आशिषं मनूतय्‌त तःमि याइ, वय्‌कलं इमित दुःख तनादी मखु।