भजनसंग्रहया सफू 102:2 - नेवाः बाइबल

² जितः आपत जूबलय् थःगु ख्‍वाः जिपाखें फस्‍वय्‌कादी मते, जिं इनाप यायेबलय् न्‍यनादिसँ, अले याकनं लिसः बियादिसँ।

भजनसंग्रहया सफू 102:2 Referans Kwoze

भजनसंग्रहया सफू 69:17

जिपाखे स्‍वयादिसँ। जि तःधंगु दुःखय् लानाच्‍वंगु दु, जितः आः हे लिसः बियादिसँ।

यशैया 8:17

याकूबया घरानापाखें थःगु ख्‍वाः फहिकादीम्‍ह परमप्रभुयाके हे जिं भरोसा तयाच्‍वने।

भजनसंग्रहया सफू 27:9

जिपाखें थःगु ख्‍वाः फहिकादी मते, परमप्रभु। तमय् थः दासयात थःपाखें तापाकादी मते, छि जितः ग्‍वाहालि यानादीम्‍ह खः। जितः मुक्ति बियादीम्‍ह प्रभु, जितः त्‍वःतादी मते! जितः गुबलें त्‍यागय् यानादी मते!

भजनसंग्रहया सफू 104:29

छिं थःगु ख्‍वाः फस्‍वय्‌कादीबलय् इपिं ग्‍याइ, छिं इमिगु सासः कयादीबलय् इपिं सी अले धुलय् लिहांवनी।

भजनसंग्रहया सफू 70:1

हे परमेश्‍वर! जितः बचय् यानादिसँ। हे परमप्रभु, जितः ग्‍वाहालि यायेत याकनं झासँ।

१ कोरिन्‍थी 10:13

मनूतय्‌सं सह याये मफइगु जाँचय् छिपिं लाःगु मदु। परमेश्‍वर विश्‍वास याये बहःम्‍ह खः। सह याये हे मफय्‌क छिमित वय्‌कलं जाँचय् लाकादी मखु। तर छिमिसं सह याये फयेमा धकाः जाँच नापनापं बचय् जुइगु लँ नं बियादी। थुकथं छिमिसं उकियात सह याये फइ।

भजनसंग्रहया सफू 143:7

हे परमप्रभु, याकनं लिसः बियादिसँ, जिगु नुगः हे क्‍वतुने धुंकल। थःगु ख्‍वाः जिपाखें फस्‍वय्‌कादी मते, मखुसा जि सीपिं थें जुइ।

भजनसंग्रहया सफू 71:2

छिगु धार्मिकतां यानाः जितः बचय् यानाः उद्धार यानादिसँ! जिगु प्रार्थना न्‍यनादिसँ अले जितः बचय् यानादिसँ।

यशैया 43:2

छ तःजाःगु लखं जुयाः वनीबलय् जि छनापं हे दइ। छ खुसि जुयाः वनीबलय् उकिं छन्‍त त्‍वपुइ मखु। छ मिं जुयाः वनीबलय् उकिं छन्‍त थिइ मखु। उकिया मि जलं छन्‍त छ्वय्‌की मखु।

भजनसंग्रहया सफू 40:13

हे परमेश्‍वर! जितः बचय् यानादिसँ। हे परमप्रभु! जितः ग्‍वाहालि यायेत याकनं झासँ

भजनसंग्रहया सफू 31:2

जिगु प्रार्थना न्‍यनादिसँ। अले जितः याकनं बचय् यानादिसँ। जिगु निंतिं ल्‍वहंधी जुयादिसँ अले किल्‍ला जुयाः जितः बचय् यानादिसँ।

भजनसंग्रहया सफू 22:19

हे परमप्रभु! जिपाखें तापानादी मते। छि हे जिगु तागत खः। जितः ग्‍वाहालि याः झासँ।

भजनसंग्रहया सफू 13:1

हे परमप्रभु! छिं जितः गुबलय् तक ल्‍वःमंकाच्‍वनादी? सदां ल्‍वःमंकाच्‍वनेगु ला? छि गुबलय् तक जिपाखें फस्‍वयाच्‍वनादी?

अय्‍यूब 34:29

तर वय्‌कः सुम्‍क च्‍वनादिल धाःसा सुनां वय्‌कःयात दोष बी फइ? वय्‌कलं थःगु ख्‍वाः सुचुकादिल धाःसा छु जातिं वा सु मनुखं वा सुनां वय्‌कःयात खंके फइ?

अय्‍यूब 7:21

छिं छाय् जिगु अपराध माफ यानामदियागु अले जिगु पाप क्षमा यानामदियागु? आः जि याकनं हे चिहानय् थ्‍यनी। छिं जितः मालादीबलय् जि दइ हे मखु।”

यशैया 65:24

इमिसं प्रार्थना याये न्‍ह्यः हे जिं लिसः बी। इमिसं धया च्‍वँच्‍वं हे जिं इमिगु खँ न्‍यने।

प्रस्‍थान 2:23

यक्‍व ई लिपा मिश्रयाम्‍ह जुजु सित। दास जुयाः च्‍वनेमाःगुलिं इस्राएलीतय्‌सं झसुकाः तयाः ग्‍वाहालि फ्‍वन। इमिगु सः परमेश्‍वरयाथाय् थ्‍यन।

प्रस्‍थान 2:24

थथे इपिं पिच्‍यानाः हाःगु सः न्‍यनाः परमेश्‍वरं अब्राहाम, इसहाक व याकूबनापं थःम्‍हं यानागु बाचायात लुमंकादिल।

भजनसंग्रहया सफू 17:1

हे परमप्रभु! न्‍यायया निंतिं यानागु जिगु इनापयात न्‍यनादिसँ। जिगु प्रार्थनायात ध्‍यान बियादिसँ। जिं भिं नुगलं यानागु प्रार्थनायात न्‍यनादिसँ!