भजनसंग्रहया सफू 102:1 - नेवाः बाइबल

¹ हे परमप्रभु, जिगु प्रार्थना न्‍यनादिसँ, ग्‍वाहालिया निंतिं यानागु जिगु इनाप न्‍यनादिसँ।

भजनसंग्रहया सफू 102:1 Referans Kwoze

भजनसंग्रहया सफू 18:6

दुःख जूबलय् जिं परमप्रभुयात लुमंका, जिं ग्‍वाहालिया लागि परमेश्‍वरयात प्रार्थना याना। जिगु प्रार्थना वय्‌कःया देगलय् थ्‍यन वय्‌कलं न्‍हाय्‌पं बियाः जिगु सः न्‍यनादिल।

भजनसंग्रहया सफू 61:2

जि नुगः मछिन कि पृथ्‍वीया ताताःपाःगु थासं जिं छितः ग्‍वाहालिया निंतिं बिन्‍ति याये। जितः सदां सुरक्षित जुइगु ल्‍वहंधिकय् यंकादिसँ।

भजनसंग्रहया सफू 39:12

हे परमप्रभु, जिगु ख्‍वःसः न्‍यनादिसँ। जिं ग्‍वाहालिया निंतिं यानागु प्रार्थना न्‍यनादिसँ। छाय्‌धाःसा छिगु निंतिं जि नं जिमि तापाःबाज्‍यापिं थें निन्‍हुप्‍यन्‍हुया पाहां जक खः।

प्रस्‍थान 2:23

यक्‍व ई लिपा मिश्रयाम्‍ह जुजु सित। दास जुयाः च्‍वनेमाःगुलिं इस्राएलीतय्‌सं झसुकाः तयाः ग्‍वाहालि फ्‍वन। इमिगु सः परमेश्‍वरयाथाय् थ्‍यन।

हिब्रू 5:7

संसारय् दीबलय् हे येशूं मिखाय् ख्‍वबि हाय्‌काः थःत हानं म्‍वाका दीम्‍हय्‌सित बिन्‍ति व प्रार्थना यानादिल। वय्‌कः क्‍वमिलुम्‍ह जूगुलिं व बाःयात दुनुगलंनिसें मानय् यानादीम्‍ह जूगुलिं वय्‌कःयागु बिन्‍ति व प्रार्थना परमेश्‍वरं न्‍यनादिल।

लूका 22:44

अले नुगलय् तसकं हीसे च्‍वनाः नुगः हे ह्वगनि थें च्‍वंगुलिं वय्‌कलं झन तसकं मन बियाः प्रार्थना यानादिल। वय्‌कःयागु चःति हि थें ततःफुति जुयाः बँय् तिकि ननाच्‍वन।

विलाप 3:44

जिमिगु प्रार्थना छिथाय् मथ्‍यनेमा धकाः छिं थःत सुपाचं त्‍वपुयादिल।

विलाप 3:8

ग्‍वाहालिया निंतिं जि तसकं हाःसां, वय्‌कलं जिगु प्रार्थना न्‍यनेगु हे त्‍वतादिल।

भजनसंग्रहया सफू 143:7

हे परमप्रभु, याकनं लिसः बियादिसँ, जिगु नुगः हे क्‍वतुने धुंकल। थःगु ख्‍वाः जिपाखें फस्‍वय्‌कादी मते, मखुसा जि सीपिं थें जुइ।

भजनसंग्रहया सफू 143:4

उकिं जि निराश जुयागु दु, जिगु नुगः ख्‍वःगु दु।

भजनसंग्रहया सफू 5:2

जिगु नुगःया खँ न्‍यनादिसँ, हे जिमि जुजु, जिमि परमेश्‍वर। छाय्‌धाःसा जिं छि हे छम्‍हसित जक प्रार्थना यानाच्‍वना।

२ इतिहास 30:27

अले पुजाहारीत व लेवीत दनाः मनूतय्‌त सुवाः बिल, परमेश्‍वरं इमिगु खँ न्‍यनादिल छाय्‌धाःसा इमिगु प्रार्थना स्‍वर्गय् वय्‌कः च्‍वनादीगु पवित्र थासय् थ्‍यन।

१ शमूएल 9:16

“जिं कन्‍हय् थ्‍व हे इलय् बेन्‍यामीनया लागां छम्‍ह मनू छ्वयाहये। वयात हे छं जिमि प्रजा इस्राएलया निंतिं जुजु अभिषेक या। वं जिमि प्रजातय्‌त पलिश्‍तीतय्‌गु ल्‍हातं त्‍वःतका हइ। जिं जिमि प्रजायागु दुःख खनागु दु छाय्‌धाःसा इमिगु ख्‍वःसः जिथाय् थ्‍यंगु दु।”

न्‍यायकर्ता 10:16

अले इमिसं मेपिं द्यःतय्‌त त्‍वःताः परमप्रभुयागु आराधना यात। अले परमप्रभुं इस्राएलीतय्‌गु अप्‍वः दुःख जूगु स्‍वयादी मफुत।

भजनसंग्रहया सफू 145:19

वय्‌कःया ग्‍याःभय काःपिनिगु इच्‍छा वय्‌कलं पूवंकादी, अले इमिगु बिन्‍ति न्‍यनाः इमित उद्धार यानादी।

भजनसंग्रहया सफू 77:3

परमेश्‍वरयागु बिचाः यायेबलय् जिं झसुकाः तये। ध्‍यान यायेबलय् नं जिगु नुगः क्‍वतुनावनी। सेला

भजनसंग्रहया सफू 62:8

हे मनूत! वय्‌कःयात न्‍ह्याबलें विश्‍वास या। थःगु नुगः वय्‌कःयात चाय्‌काः क्‍यँ। छाय्‌धाःसा परमेश्‍वर झीगु शरण कायेगु थाय् खः। सेला

भजनसंग्रहया सफू 42:4

न्‍हापाया खँ लुमंकीबलय् जिगु नुगः तज्‍यानावइ। उबलय् जि मनूतय्‌गु पुचःलिसे जुइगु खः। मनूतय् न्‍ह्यलुवाः जुयाः प्रशंसाया म्‍ये हा हां, लय्‌तातां परमेश्‍वरया देगलय् वनेगु।

भजनसंग्रहया सफू 12:5

परमप्रभुं धयादी, “आः जि वये। छाय्‌धाःसा चीमिपिन्‍सं क्‍वत्‍यय्‌काः च्‍वनेमाःगु दु, दुःखय् लानाच्‍वंपिन्‍सं झसुकाः तयाच्‍वंगु दु। जिं इपिं फुक्‍कसित इमित दुःख बियाच्‍वंपिनिपाखें बचय् याये।”