भजनसंग्रहया सफू 101:3 - नेवाः बाइबल

³ जिं मभिंयात गुबलें सह याये मखु, परमेश्‍वरपाखें फहिला वनिपिनिगु ज्‍या जितः तसकं मयः। इपिं जिलिसें प्‍यपुनी मखु।

भजनसंग्रहया सफू 101:3 Referans Kwoze

भजनसंग्रहया सफू 119:37

ज्‍यालगय् मजूगु खँ स्‍वयेगुपाखें जिगु मिखायात हीकादिसँ, छिगु वचनकथं जिगु प्राणयात रक्षा यानादिसँ।

अय्‍यूब 31:1

“सुं मिसायात बांमलाःगु मिखां स्‍वये मखु धकाः जिं थःगु मिखालिसें बाचा चिनागु दु।

हितोपदेश 6:25

इमिगु हिसिइ थःत तंके मते, अले इमिगु मिखाय् झुमिं वने मते।

मत्ती 5:28

तर जिं छिमित धाये – सुनानं सुं मिसायात बांमलाःगु मिखां स्‍वल धाःसा वं मनं मनं व्‍यभिचार याये धुंकी।

भजनसंग्रहया सफू 40:4

धन्‍य खः व मनू, गुम्‍हय्‌सिनं परमप्रभुयाके भलसा तइ, गुम्‍हय्‌सिनं मूर्ति पुजा याइ मखु, अले गुम्‍ह मखुपिं द्यःतय्‌त पुजा यानाजुइपिंलिसे जुइ मखु।

प्रस्‍थान 20:17

“थः जःलाखःलाया छेँय्, कलाः, च्‍यःभ्‍वातिं, द्वहं, गधा व छुं खँय् नं ल्‍वःवंके मते।”

व्‍यवस्‍था 15:9

होश या! सुं मनुखं त्‍यासा त्‍वःतेगु न्‍हय्‌गूगु दँ वइन धकाः मभिंगु बिचाः नुगलय् तयाः थः गरीब दाजुकिजायात छुं मबिल धाःसा व गरीबम्‍हय्‌सिनं परमप्रभुयाथाय् छंगु विरोधय् इनाप याइ, अले छन्‍त पापया द्वपं लाइ।

२ पत्रुस 2:21

थज्‍याःपिं मनूतय्‌सं थःपिन्‍त बियातःगु पवित्र आज्ञायात सीक सीकं त्‍वःताछ्वयेगु स्‍वयाः ला गुब्‍सं हे मन्‍यंगु जूसा तसकं बांलाइगु खः।

गलाती 4:9

आः छिमिसं परमेश्‍वरयात म्‍हसी धुंकल। वय्‌कलं नं छिमित म्‍हसीकादिल। आः हानं छिपिं गथे यानाः व हे ज्‍यालगय् मजूपिं व पुलांपिं द्यःतय्‌थाय् लिहां वनेफुगु? छु छिपिं हानं इमि दास जूवनेगु ला?

रोमी 12:9

दुनुगलंनिसें छिमिसं धात्‍थेंगु माया या। मभिंगु फुक्‍कं त्‍वःताछ्व। छु छु भिंगु खः व हे जक क्‍वात्तुक ज्‍वनाति।

यर्मिया 22:17

“तर छंगु मिखा व नुगः ला बेइमान यानाः कमय् यायेगुपाखे, व दोष मदुपिनिगु हिबाः वय्‌केगु, अत्‍याचारया ज्‍या यायेगु व लुतय् यायेगुपाखे हे वनाच्‍वंगु दु।”

उपदेशक 6:9

थःके दुगुलिइ लुधंकाच्‍वनेगु थःके मदुगुलिइ लोभ यायेगु स्‍वयाः बांला। थ्‍व नं सितिं वंगु खँ खः, अले थ्‍व ला फय्‌यात लिइगु थें जक खः।

यहोशू 23:6

“तसकं बल्‍ला जु। मोशायागु व्‍यवस्‍थाया सफुलिइ च्‍वयातःगु फुक्‍क खँ बांलाक मानय् या। उकिं छिपिं जव खवय् वने मते।

हिब्रू 10:39

झीपिं अथे विश्‍वासं लिचिलाः स्‍यना वनीपिं मनूत मखु, बरु विश्‍वासं म्‍वाका तःपिं खः।

भजनसंग्रहया सफू 119:113

दोमन दुपिं मनूत जितः तसकं मयः, अय्‌नं छिं स्‍यनातःगु खँयात जिं माया याना।

भजनसंग्रहया सफू 78:41

इमिसं तःकः हे परमेश्‍वरयागु मन स्‍वये धुंकल, अले इस्राएलया पवित्रम्‍हय्‌सित तं पिकाय्‌के बी धुंकल!

भजनसंग्रहया सफू 14:3

इपिं मखुगु लँय् वने धुंकल। इपिं स्‍यनावने धुंकल। भिंगु याइपिं छम्‍ह हे मदये धुंकल।

प्रस्‍थान 32:8

इपिं जिं उजं बियागु लँपुपाखें याकनं हे फहिलाः मेखेपाखे वंगु दु। आः ला इमिसं थःगु निंतिं छम्‍ह द्वहंचाया मूर्ति दय्‌काः वयागु पुजायात, अले बलि छानाः थथे धाल, ‘हे इस्राएलीत, छिमित मिश्रपाखें पितहःम्‍ह द्यः थ्‍व हे खः।’”

मीका 2:2

इमिसं मनूतय्‌गु छेँबुँ लोभ यानाः लाका काइ। इमिसं मनूतय्‌गु छेँ व सर्बय ठगय् यानाः काइ।

यशैया 33:15

व हे खः, सु धार्मिकतानापं जुइ, अले खःगु खँ नवाना जुइ, करं काकाः काःगु लबःयात यय्‌की मखु, सुनां घुस कायेत थःगु ल्‍हाः न्‍ह्यज्‍याकि मखु, सुनां स्‍यायेगु निंतिं मभिंगु ग्‍वसाः न्‍यनेत थःगु न्‍हाय्‌पं ति, मभिंपिनिगु खँय् ध्‍यान बीगु स्‍वयाः थःगु मिखा तिसी।

यशैया 30:11

थ्‍व लँपु त्‍वःति! थ्‍व लँपुं लिहां वा! अले इस्राएलया पवित्र परमेश्‍वरनापं जिमिगु सामना यायेगु दिकी!”

भजनसंग्रहया सफू 39:1

जिं थःम्‍हं थःत धया, “जिं थःम्‍हं यानागु ज्‍या यात बांलाक दुवाले, अले जिगु म्‍हुतुं पाप नवाकेबी मखु। मभिंपिं मनूत न्‍ह्यःने दइबलय् जिं पिचा तयाः म्‍हुतुप्‍वाः तिनाच्‍वने।”

भजनसंग्रहया सफू 125:5

तर मखुगु लँपुइ वनिपिन्‍त दुष्‍टतनापं हे परमप्रभुं पितिना छ्वयादिसँ। इस्राएलय् शान्‍ति जुइमा।

भजनसंग्रहया सफू 97:10

परमप्रभुयात माया याइपिन्‍सं मभिंगुयात यय्‌की मखु, वय्‌कलं थः विश्‍वास याये बहःपिनिगु प्राण रक्षा यानादी, वय्‌कलं इमित दुष्‍टतय्‌गु ल्‍हातं बचय् यानादी।

भजनसंग्रहया सफू 78:57

थः तापाःबाज्‍यापिं थें इपिं नं परमेश्‍वरयात धोखा बीपिं व विश्‍वास मदुपिं जुयाः जुल। अले स्‍यंगु धनुष थें भर मदुपिं जुयाः जुल।

भजनसंग्रहया सफू 36:3

इमिगु न्‍ह्यागु खँ नं मभिंगु जुयाच्‍वनी। इमिसं भिंगु व गतिलाःगु ज्‍या धयागु हे याइ मखु।

१ शमूएल 15:11

“शाऊलयात जुजु यानाः जि तसकं पस्‍ताय् चाःगु दु, छाय्‌धाःसा व जिपाखें तापाक वंगु दु, अले वं जिगु आज्ञा मानय् याःगु नं मदु।” शमूएलयात छु धाये छु धाये जुल, अले वं चच्‍छि ख्‍वयाः परमप्रभुयात बिन्‍ति यात।

व्‍यवस्‍था 13:17

थथे देछाय्‌ मज्‍यूगु छुं नं यंके मते। थथे याःसा परमप्रभुया तं क्‍वलानाः वय्‌कलं छिमित दया माया यानाः छिमि पुर्खालिसें पाःफयादीगु थें छिमिगु ल्‍याः अप्‍वः दय्‌काबी।

१ यूहन्‍ना 2:19

इपिं झीगु पुचलं पिहां वने धुंकल, छाय्‌धाःसा इपिं झी मनूत मखु। इपिं झी मनूत खःसा झीपिं नाप हे च्‍वनीगु खः। झीगु पुचलं पिहां वंगुलिं इपिं झी मनूत मखु धकाः सीदत।

भजनसंग्रहया सफू 41:9

छपाः हे भुइ नयाम्‍ह जिमि छम्‍ह स्‍याःन्‍याःम्‍ह पासा तकं जिगु विरोधय् वन। वयात जिं तसकं विश्‍वास यानातयागु खः।

भजनसंग्रहया सफू 139:22

जिं इमित दुनुगलंनिसें महिका, छिम्‍ह शत्रु जिम्‍ह नं शत्रु खः।

हितोपदेश 6:12

लुच्‍चा व मभिंपिं मनूत फताहा खँ जक ल्‍हाना जुइ।

हितोपदेश 6:13

मनूतय्‌त झंगःलायेत इमिसं मिखा भाय् व ल्‍हाःभाय् याइ।

हितोपदेश 8:13

परमप्रभुया भय कायेगु धयागु मभिंगु मयय्‌केगु खः। जितः घमण्‍ड याइपिं, तःधंछुइपिं, मभिंगु लँय् जुइपिं व निता भाय् ल्‍हानाजुइपिं मनूत मयः।

जकरिया 8:17

छम्‍हय्‌सिनं मेम्‍हय्‌सित स्‍यंकेगु योजना दय्‌के मते। पाफयाः मखुगु साक्षी बी मते। थुपिं फुक्‍क खँयात जिं घृणा याये,” परमप्रभुं धयादी।