फिलिप्‍पी 2:28 - नेवाः बाइबल

²⁸ अय्‌जूगुलिं वयात हाकनं स्‍वयेदयाः छिपिं लय्‌तायेमा धकाः जिं वयात छ्वया हयेत्‍यनागु खः। अले जिगु दुःखकष्‍ट नं क्‍वलाना वनी।

फिलिप्‍पी 2:28 Referans Kwoze

यूहन्‍ना 16:22

छिमित नं आः थथे हे दुःख ला जुइ। तर जि छिमित हानं नापलाः वये, अले छिपिं हानं लय्‌लय्‌ताइ। अले सुनानं छिमिगु आनन्‍द लाकाकाये फइ मखु।

२ तिमोथी 1:4

छंगु मिखाय् जाया वःगु ख्‍वबि लुमंकाः जि छन्‍त नापलाः वये मास्‍ति वइगु। छन्‍त नापलाये खंसा जिगु मन च्‍वनी।

२ कोरिन्‍थी 2:3

अय्‌जूगुलिं हे खः जिं व पौ च्‍वयाः छ्वयाहयागु। जितः लय्‌ताय्‌कीपिंलिसे हे नुगलय् स्‍याके म्‍वाःलेमा धकाः जिं मवयेगु क्‍वःछिनागु खः, छाय्‌धाःसा जि लय्‌ताःसा हे जक छिपिं लय्‌ताइ धकाः जिं स्‍यू।

प्रेरित 20:38

पावलं आः हानं इमिसं वयात खनी मखुत धाःगुलिं इपिं थथे नुगः मछिंकाः ख्‍वःगु खः। इमिसं वयात लःजहाजय् तक तये यन।

उत्‍पत्ति 48:11

इस्राएलं योसेफयात धाल, “तःदँ तक ला जिं छ सी धुंकल धयाच्‍वनागु। अले छंगु ख्‍वाः स्‍वये खनी मखुत धयाच्‍वनागु। परमेश्‍वरं थौं जितः छिमि काय्‌पिन्‍त नापं स्‍वये दय्‌काबिल।”

फिलिप्‍पी 2:29

अय्‌जूगुलिं वयात थः हे किजा भाःपियाः दुनुगलंनिसें लसकुस या। थज्‍याःपिन्‍त ला हने हे माः।