18 अथे हे छिपिं नं जि थें लय्ताया च्वँ।
प्रभुयाके न्ह्याबलें लय्ताया च्वँ। जिं हानं धाये – “लय्ताया च्वँ।”
यःपिं दाजुकिजापिं, मू खँ छु धाःसा – छिपिं प्रभुलिसे लय्ताया च्वँ। न्हापा च्वये धुनागु हे खँ हानं लिसा कयाः च्वयेत जिं थाकु मचाया। थुकिं छिमित हे भिं याइ।
अय्जूगुलिं जिं थथे दुःखकष्ट सियाच्वनागु खनाः छिमिसं आशा त्वःते मते धकाः जिं इनाप यानाच्वना। थुकिं छिमित हे भिं जुइ।
छिमिगु विश्वासयागु बलिदान व सेवाय् थःगु हि तकं हाय्के माःसां जि लय्ताः। अले जि छिपिंनापं लय्ताये।
तिमोथीयात छिमिथाय् याकनं हे छ्वयाहये फइ धकाः जिं प्रभु येशूयाके आशा यानाच्वनागु दु। अले छिमिगु भिंगु खँ न्यने दयाः जितः लय्तावइ।
