गन्‍ती 9:22 - नेवाः बाइबल

²² छुं जुयाः सुपाँय् पवित्र पालया च्‍वय् निन्‍हु, लच्‍छि, दच्‍छि व व स्‍वयाः अप्‍वः तक च्‍वनाच्‍वन धाःसां सुपाँय् दत्तले इपिं न्‍ह्याःवनी मखु। सुपाँय् चिलावनेवं इपिं न्‍ह्याःवनी।

गन्‍ती 9:22 Referans Kwoze

भजनसंग्रहया सफू 32:8

छिं जितः धयादिल, “जिं छन्‍त छ वनेमाःगु लँ क्‍यनाबी। जिं छन्‍त स्‍यनेकने यानाः बिचाः यानाच्‍वने।”

प्रेरित 1:4

छन्‍हु इपिं नाप नयेत फ्‍यतुनादीबलय् वय्‌कलं थथे धयादिल – “यरूशलेमं गनं मवँसे बाःनं बियादीतिनि धकाः जिं धयागु वरदान कायेत पियाच्‍वँ।

भजनसंग्रहया सफू 143:10

छिगु इच्‍छा गथे यानाः पूवंकेगु खः व जितः स्‍यनादिसँ। छाय्‌धाःसा छि जिमि परमेश्‍वर खः। छिगु आत्‍मां जितः भिंगु लँपुइ यंकेमा।

भजनसंग्रहया सफू 107:7

परमेश्‍वरं इमित इपिं च्‍वने फइगु छगू शहरय् तप्‍यंक यंकादिल।

भजनसंग्रहया सफू 77:20

छिं थः मनूतय्‌त फैजवालं थें लँ क्‍यनादिल। अले मोशा व हारूनयात इमि नायः यानादिल।

भजनसंग्रहया सफू 73:24

छिं जितः सल्‍लाह बियाः लँ क्‍यनादी अले लिपा जितः तःधंकाः थःथाय् दुकयादी।

भजनसंग्रहया सफू 48:14

छाय्‌धाःसा परमेश्‍वर न्‍ह्याबलें झी परमेश्‍वर खः। वय्‌कलं झीत न्‍ह्याबलें लँ क्‍यनादी।

गन्‍ती 9:17

पालया च्‍वय् सुपाँय् चिलावनेवं इस्राएलीत नं न्‍ह्याःवनी, अले सुपाँय् कुहां वयेवं इस्राएलीतय्‌सं अन हे पाल ग्‍वइगु।

गन्‍ती 8:20

परमप्रभुं लेवीतय्‌गु बारे मोशायात उजं बियादीगु थें मोशा, हारून व इस्राएलया फुक्‍क खलकं लेवीतय्‌त अथे हे यात।

गन्‍ती 1:54

परमप्रभुं मोशायात बियादीगु उजंकथं हे इस्राएलीतय्‌सं फुक्‍क यात।

प्रस्‍थान 40:16

मोशां फुक्‍क ज्‍या परमप्रभुं वयात उजं बियादीगुकथं हे यात।

प्रस्‍थान 39:42

परमप्रभुं मोशायात बियादीगु उजंकथं फुक्‍क ज्‍या इस्राएलीतय्‌सं यात।

गन्‍ती 9:21

गुबलें सुपाँय् सन्‍ध्‍याकाः इलंनिसें सुथय् तक जक दयाच्‍वनी। सुथय् सुपाँय् चिलावनेवं इपिं न्‍ह्याःवनी। सुथय् बहनी न्‍ह्याबलें जूसां सुपाँय् चिलावनेवं इपिं न्‍ह्याःवनी।