गन्‍ती 8:18 - नेवाः बाइबल

¹⁸ थुकथं इस्राएलीतय् न्‍हापां बूपिनिगु पलेसा जिं लेवीतय्‌त कयागु खः।

गन्‍ती 8:18 Referans Kwoze

गन्‍ती 8:17

इस्राएलीतय् मनू जूसां पशु जूसां न्‍हापां बूपिं फुक्‍क जिम्‍ह हे खः। मिश्रीतय् सकल न्‍हापां बूपिन्‍त जिं स्‍यानागु दिं इमित जिं अलग याना।

गन्‍ती 8:19

फुक्‍क इस्राएलीतय्‌गु निंतिं जिं हारून व वया काय्‌पिनिगु निंतिं लेवीतय्‌त ल्‍ययागु दु। इमिसं नापलायेगु पालय् इस्राएलीतय्पाखें ज्‍या याइ, अले प्रायश्‍चित यायेत बलि बी। गुकिं यानाः पवित्र लागाया न्‍ह्यःने इपिं वनीबलय् इमित छुं नं विपत्ति मजुइमा।”

उत्‍पत्ति 48:14

तर इस्राएलं थःगु जवगु ल्‍हाः यंकाः एफ्राइमया छेनय् तयाबिल, अले तःधीम्‍ह जूसां मनश्‍शेया छेनय् खव ल्‍हाः तयाबिल।

गन्‍ती 3:9

लेवीत फुक्‍क इस्राएलीतपाखें ल्‍यःपिं खः, परमेश्‍वरं इमित हारून व वया काय्‌पिन्‍त पवित्र पालय् पुजाहारीया ज्‍याय् ग्‍वाहालि यायेत बियादीगु खः।

गन्‍ती 3:12

“जिं फुक्‍क इस्राएली मिसातय्‌पाखें न्‍हापां बूपिं काय्‌पिनिगु पलेसा लेवीतय्‌त कयागु दु। उकिं लेवीत जिमि थः मनू खः।