गन्‍ती 7:85 - नेवाः बाइबल

⁸⁵ पवित्र पालया शेकेलकथं वहःयागु भु छपा पतिकं सच्‍छि व स्‍विगू शेकेल जुयाच्‍वन, वहःयागु छ्वाकेगु बाता छगः पतिकं न्‍हयेगू शेकेल जुयाच्‍वन। थुपिं फुक्‍क वहःयागु भु व बाता पवित्र पालया शेकेलकथं २,४०० शेकेल जुयाच्‍वन।

गन्‍ती 7:85 Referans Kwoze

१ इतिहास 29:7

थथःगु इच्‍छां परमेश्‍वरया देगःया निंतिं १७० टन स्‍वयाः अप्‍वः लुँ, ३४० टन स्‍वयाः अप्‍वः वहः, ६२० टन ति कँय् व ३,४०० टन स्‍वयाः अप्‍वः न बिल।

१ इतिहास 29:4

जिं १०० टन शुद्ध लुँ व देगःया अंगः पिनें भुनेत २४० टन भिंगु वहः बियागु दु।

१ इतिहास 22:14

“जिं परमप्रभुया देगः दय्‌केत दुःख यानाः ३,४०० टन लुँ व ३४,००० टन वहः मुंकागु दु। उलि जक मखु लने हे मफय्‌कः कँय् वन नं मुंकागु दु। जिं सिँ व ल्‍वहं नं यक्‍व हे तयार यानागु दु, तर छं उकी मेगु तने फु।

मत्ती 14:8

व मचां थः मांम्‍हय्‌सिनं स्‍यनातःथें धाल – “जितः आः हे बप्‍तिस्‍मा बीम्‍ह यूहन्‍नायागु छ्यं भुइ तयाः बियादिसँ।”

गन्‍ती 7:84

वेदीयात अभिषेक याइगु दिं इस्राएलया कुलयापिं नायःतय्‌सं छाःगु देछा थुपिं हे खः – वहःयागु झिंनिपा भु, वहःयागु झिंनिगः छ्वाकेगु बाता, व झिंनिपा लुँयागु पाचिंगु थल।

गन्‍ती 7:86

अले गुँगू जाय्‌क दुगु लुँयागु झिंनिपा पाचिंगु थल पवित्र पालया शेकेलकथं छपा पतिकं झिगू शेकेल जुयाच्‍वन। थुपिं फुक्‍क लुँयागु गुँगू थल १२० शेकेल जुयाच्‍वन।