गन्‍ती 6:5 - नेवाः बाइबल

⁵ “‘वं ग्‍वःन्‍हु तक अलग जुइगु भाकल याःगु खः वन्‍हु तक वं थःगु छेनय् ख्‍वःचा मछ्यलेमाः, गुबलय् तक परमप्रभुया निंतिं थःत अलग तइ, व ई पूमवंतले व शुद्ध जुयाच्‍वनेमाः। वं थःगु सँ ताहाकः जुइके बीमाः।

गन्‍ती 6:5 Referans Kwoze

१ शमूएल 1:11

हन्‍नाहं थथे धयाः परमप्रभुयात भाकल यात, “हे दक्‍व शक्ति दुम्‍ह परमप्रभु, छिं थः दासीयागु दुःख थुइकाः थः दासीयात माया यानागु खः धयागु जूसा, छिं थः दासीयात ल्‍वःमंका मदी धयागु खःसा, थः दासीयात छम्‍ह काय् बियादिसँ अले जिं वयात वयागु जिवंकाछिया निंतिं छितः बी अले वयागु छेनय् गुबलें ख्‍वःचा लाइ मखु।”

न्‍यायकर्ता 16:17

उकिं वं खःगु खँ धयाबिल। वं धाल, “बूसांनिसें परमेश्‍वरया निंतिं अलग तःम्‍ह नाजिरी जूगुलिं जिगु छेँनय्‌ आः तक ख्‍वःचा लाःगु मदुनि। जिगु सँ खात धाःसा जिगु बल जिकेनं वनी, अले जि मेपिं थें कमजोर जुइ।”

न्‍यायकर्ता 13:5

छाय्‌धाःसा छं प्‍वाथय् दयाः छम्‍ह काय् बुइकी। वयागु सँ गुबलें चाये मते, छाय्‌धाःसा व मचा बूखुन्‍हुंनिसें हे परमेश्‍वरया निंतिं अलग तःम्‍ह नाजिरी जुइ। वं हे इस्राएलयात पलिश्‍तीतय्‌गु ल्‍हातं त्‍वःतकेगु ज्‍या शुरु याइ।”

न्‍यायकर्ता 16:19

वं शिमशोनयात थःगु मुलय् थ्‍यन। अले छम्‍ह मनूयात सःताः वयागु छेनय् दुगु न्‍हय्‌प्‍वाँय् सँ खाके बिल। शिमशोनयागु बल मदया वंगुलिं दलीलां वयात क्‍वत्‍यल।

प्रेरित 18:18

अथे जुइ धुंकाः नं तःन्‍हु तक पावल विश्‍वासी दाजुकिजापिं नाप अन हे च्‍वन। अले पावल, प्रिस्‍किला व अकिलास नाप लःजहाजय् च्‍वनाः सिरियापाखे वन। वने न्‍ह्यः पावलं थःम्‍हं भाकल याःथें किंक्रियाय् सँ खात।

गन्‍ती 6:4

नाजिरी जुयाः च्‍वंतले वं दाखं दय्‌कातःगु छुं नं नये मज्‍यू, अज्‍ज दाखया पु व ख्‍वला तकं नये मज्‍यू।

इजकिएल 44:20

“‘इमिसं थःगु छेनय् सँ खाये मज्‍यू अथवा ताहाक जुइके बी मज्‍यू, तर इमिसं थःगु सँ चिहाकः यानाः चायेमाः।