गन्‍ती 6:26 - नेवाः बाइबल

²⁶ परमप्रभुं थःगु ख्‍वाः छपाखे हीकादीमा अले छन्‍त शान्‍ति बियादीमा।”’

गन्‍ती 6:26 Referans Kwoze

भजनसंग्रहया सफू 4:6

यक्‍वसिनं न्‍यनाच्‍वंगु दु – “झीत सुनां भिंगु लँ क्‍यनाबी?” हे परमप्रभु! छिगु ख्‍वाःया जः जिमिके थीकादिसँ।

२ थेसलोनिकी 3:16

शान्‍ति बियादीम्‍ह प्रभु थःम्‍हं हे छिमित न्‍ह्याबलें फुक्‍क कथंयागु शान्‍ति बियादीमा। प्रभु छिपिं फुक्‍क नाप दीमा।

भजनसंग्रहया सफू 29:11

परमप्रभुं थः मनूतय्‌त बल बियादी परमप्रभुं थः मनूतय्‌त शान्‍तिया सुवाः बियादी।

रोमी 15:13

छिमिसं विश्‍वास याःगुलिं भरोसा याये बहःम्‍ह परमेश्‍वरं छिमिगु नुगलय् आनन्‍द व शान्‍ति जाय्‌कादीमा। थुकथं पवित्र आत्‍मायागु शक्तिं छिमिगु आशा व भरोसा अप्‍वः दयावनेमा।

यूहन्‍ना 16:33

जिगुपाखें छिमित शान्‍ति दयेमा धकाः जिं थथे धयाच्‍वनागु खः। थ्‍व संसारय् छिमित दुःख जुइ, अय्‌नं साहस या, जिं संसारयात त्‍याके धुन।”

प्रेरित 2:28

जीवनयागु लँ नं छिं हे जितः क्‍यनादिल। छिनाप दीबलय् जि तसकं लय्‌ता।’”

यशैया 26:3

परमप्रभु, सुनां सुनां थःगु मन क्‍वातुकी इमित पूवंक शान्‍ति बियादी छाय्‌धाःसा इमिसं छिके भलसा तइ।

रोमी 15:33

शान्‍ति बियादीम्‍ह परमेश्‍वर छिपिंनाप दयेमा। आमेन।

यूहन्‍ना 20:21

वय्‌कलं इमित हानं धयादिल – “छिमित शान्‍ति दयेमा। गथे बाःनं जितः छ्वयाहयादीगु खः अथे हे जिं नं छिमित छ्वये।”

भजनसंग्रहया सफू 42:5

जिगु नुगः छाय् थपाय्‌सक क्‍वतुंगु? जि छाय् थपाय्‌सकं नुगः मछिंगु? जिं अज्‍ज नं परमेश्‍वरयाके आशा तयाः वय्‌कःयात, जितः बचय् याइम्‍हय्‌सित तःधंके।

फिलिप्‍पी 4:7

सुयागुं ज्ञान बुद्धिं थुइके मफुगु परमेश्‍वरयागु शान्‍तिं छिमिगु नुगः व मनयात ख्रीष्‍ट येशूपाखें बचय् याना तइ।

लूका 2:14

“स्‍वर्गय् च्‍वनादीम्‍ह परमेश्‍वर तःधं जुइमा। अले परमेश्‍वरयात यःपिं मनूतय्‌त पृथ्‍वीइ च्‍वनाच्‍वंसां शान्‍ति दयेमा।”

यशैया 57:19

जिं इमिगु म्‍हुतुइ प्रशंसा हये, तापाक्‍क व लिक्‍क च्‍वंपिन्‍त शान्‍ति दयेमा,” परमप्रभुं धयादी, “जिं छिमित लंकाबी।”

यशैया 26:12

हे परमप्रभु, छिं जिमित सुख शान्‍ति बियादी, जिमिसं छु क्‍वचाय्‌के धुनागु खः, व फुक्‍क छिं हे जिमिगु निंतिं यानादीगु खः।

भजनसंग्रहया सफू 89:15

हे परमप्रभु, धन्‍य खः भजन हालाः छिगु आराधना याइपिं, व छिगु दयाया जलय् म्‍वानाच्‍वनिपिं मनूत।

भजनसंग्रहया सफू 37:37

दोष मदुम्‍ह मनूयात बिचाः या, अले भिंम्‍ह मनूयात बांलाक स्‍व, मिलय्‌चलय् जुयाच्‍वनिपिं मनूतय् सन्‍तान दइ।

प्रेरित 10:36

परमेश्‍वरं येशू ख्रीष्‍टयापाखें इस्राएलीतय्‌त शान्‍ति बीगु भिंगु खँ न्‍यंकादिल। थ्‍व हे येशू ख्रीष्‍ट फुक्‍कसियां प्रभु खः।

यूहन्‍ना 20:26

च्‍यान्‍हु लिपा, वय्‌कःया चेलात हानं खापा तिनाः छेँय् मुनाच्‍वन। थुबलय् अन थोमा नं दु। खापा तिनातःथाय् हे दुहां झायाः येशूं इमिगु दथुइ दनाः थथे धयादिल – “छिमित शान्‍ति दयेमा।”

यूहन्‍ना 14:27

“छिमित शान्‍ति बिया थके। जिं जिगु शान्‍ति छिमित बी। संसारं बीगु थज्‍याःगु शान्‍ति ला जिं छिमित बी मखु। छिमिसं नुगः मछिंके म्‍वाः, अले ग्‍याये नं म्‍वाः।

मीका 5:5

अले वय्‌कःपाखें जक इमित शान्‍ति दइ। अश्‍शूरीत झीगु देशय् वयाः झीगु किल्‍लाय् हमला याइबलय् झीसं न्‍हय्‌म्‍ह जवाःत वा च्‍याम्‍ह नायःत इपिंलिसें ल्‍वायेत छ्वये।

भजनसंग्रहया सफू 44:3

इमिसं तरवारया बलं देश त्‍याकाकाःगु मखु, इपिं थःगु शक्तिं त्‍याःपिं नं मखु। छिगु हे जव ल्‍हातं, छिगु हे लप्‍पां व छिगु ख्‍वाःया जलं इपिं त्‍याःगु खः। छाय्‌धाःसा छिं इमित यय्‌कादिल।

एफिसी 6:23

दाजुकिजापिं, फुक्‍कसितं परमेश्‍वर बाः व प्रभु येशू ख्रीष्‍टपाखें शान्‍ति, दया माया व विश्‍वास दयाच्‍वनेमा।

रोमी 5:1

थुकथं झीगु विश्‍वासं झीत धर्मी ठहरय् यानाबी धुंकूगुलिं झी प्रभु येशू ख्रीष्‍टयापाखें परमेश्‍वरलिसे झीपिं मिलय् जुइदत।