गन्‍ती 5:25 - नेवाः बाइबल

²⁵ पुजाहारीं व मिसायागु ल्‍हातिं तछ्व चुंयागु अन्‍नबलि कयाः परमप्रभुया न्‍ह्यःने ल्‍ह्वनाः वेदीइ छायेमाः।

गन्‍ती 5:25 Referans Kwoze

लेवी 8:27

थ्‍व फुक्‍क हारून व वया काय्‌पिनिगु ल्‍हातिइ तयाबिल। अले इमिसं परमप्रभुया न्‍ह्यःने संकाबीगु बलिकथं छाल।

गन्‍ती 5:18

पुजाहारीं व मिसायात परमप्रभुया न्‍ह्यःने थनाः वयागु सँ फ्‍यनाबीमाः। अले वयागु ल्‍हातय् दसिया बलि अर्थात दाहया अन्‍नबलि तयाबीमाः। पुजाहारीं सराः लाइगु खायुगु लः थःगु ल्‍हातिइ कायेमाः।

गन्‍ती 5:15

वं थः कलाःयात पुजाहारीयाथाय् हयेमाः। वं थःनापं देछाकथं छगू एपाया झिब्‍वय् छब्‍व तछ्व चुं नं हयेमाः। तछ्व चुं चिकं व धुपाँय्‌ मतसे हयेमाः। छाय्‌धाःसा थ्‍व दोषयात लुमंकाबीगु अन्‍नबलि खः, अले नुगः मुयाः छायेहःगु बलि खः।’

प्रस्‍थान 29:24

व फुक्‍कं हारून व वया काय्‌पिनिगु ल्‍हातय् तयाब्‍यु। अले परमप्रभुया न्‍ह्यःने संकाबीगु बलिकथं देछा।

गन्‍ती 5:24

अले वं सराः हइगु खायुगु लः मिसायात त्‍वंकेमाः। व दोषी खःसा, सराः लाइगु व लः वयागु म्‍हय् दुहां वनीबलय् उकिं वयात तसकं सास्‍ती याइ।

गन्‍ती 5:26

पुजाहारीं अन्‍नबलिं छम्‍हु कयाः लुमन्‍ति बलिकथं वेदीइ छ्वय्‌केमाः। अनंलि वं मिसायात लः त्‍वंकेमाः।