गन्‍ती 4:47 - नेवाः बाइबल

⁴⁷ स्‍वीदंनिसें नेय्‌दँ तक दुपिं नापलायेगु पालय् ज्‍या यायेत व कु क्‍वबीत वःपिं

गन्‍ती 4:47 Referans Kwoze

गन्‍ती 4:3

“नापलायेगु पालय् सेवा यायेबहःपिं स्‍वीदंनिसें नेय्‌दँ तक याःपिं सकसितं ल्‍याःखा।

१ इतिहास 23:27

दाऊदया लिपांगु आज्ञा कथं निइदँ व व स्‍वयां च्‍वय्‌यापिं फुक्‍क लेवीतय्‌गु नां सेवाया ज्‍या यायेत धलखय् च्‍वल।

१ इतिहास 23:3

वं स्‍विदँ व स्‍विदँ च्‍वय्‌यापिं लेवीतय्‌त ल्‍याः खात, इपिं दक्‍व यानाः स्‍विच्‍याद्वःम्‍ह मिजं दु।

गन्‍ती 4:37

परमप्रभुं उजं ब्‍यूगुकथं मोशा व हारूनं ल्‍याःखाःपिं नापलायेगु पालय् ज्‍या याइपिं कहातीतय् वंशयापिनिगु मुक्‍क ल्‍याः थ्‍व हे खः।

गन्‍ती 4:30

नापलायेगु पालय् ज्‍या याःवइपिं स्‍विदंनिसें नेय्‌दँ दुपिं तक फुक्‍क मनूतय्‌गु नां धलखय् ति।

गन्‍ती 4:15

“हारून व वया काय्‌पिन्‍सं पवित्र पालयागु फुक्‍क पवित्र ज्‍वलंत त्‍वपुइ धुंकाः छाउनी न्‍ह्याइबलय् जक कहातीत फुक्‍क ज्‍वलं क्‍वबीत पालया दुने दुहां वये दइ। कहातीतय्‌सं तसकं पवित्रगु ज्‍वलं थीमज्‍यू, मखुसा इपिं सी। पवित्र पालया फुक्‍क ज्‍वलं कहातीतय्‌सं क्‍वबीमाः।

गन्‍ती 4:46

थुकथं मोशा, हारून व इस्राएलया थकालितय्‌सं फुक्‍क लेवीतय्‌त इमिगु वंश व परिवारकथं ल्‍याः खात।

गन्‍ती 4:48

मनूतय्‌गु ल्‍याः मुक्‍कं ८,५८० म्‍ह दु।