गन्‍ती 4:12 - नेवाः बाइबल

¹² “इमिसं पवित्र पालय् दुगु फुक्‍क ज्‍वलं वँचुगु कापतय् प्‍वःचिनाः डल्‍फिन न्‍याया छेंगुलिं त्‍वपुयाः दुवालय् तयाबीमाः।

गन्‍ती 4:12 Referans Kwoze

१ इतिहास 9:29

मेपिं ध्‍वाखा पिवाःतय्‌गु जिम्‍माय् मेगु सामान, छुचुं, दाखमद्य, जैतूनया चिकं, गुँगू व मसला दु।

२ इतिहास 4:22

त्‍वाःदेवाःया मत स्‍यायेगु ज्‍वलं, छ्वाकेगु बातात, भु व गुँगू मकः अले देगःया लुँया लुखात, महा-पवित्रगु थाय्‌या लुँया लुखात।

२ इतिहास 4:19

सोलोमनं परमेश्‍वरया देगःयात माःगु थुपिं ज्‍वलं नं दय्‌कल – लुँयागु वेदी, देछाःगु मरि तयेगु तेबिल,

२ इतिहास 4:16

हुरामं थलबल, नउ तुइगु चतं, लाया काँटा व उकियात माःगु फुक्‍क ज्‍वलं परमप्रभुया देगःया निंतिं दय्‌कल। हुराम-अब्‍बीं परमप्रभुया देगःया निंतिं जुजु सोलोमनयात दय्‌काब्‍यूगु फुक्‍क ज्‍वलं प्‍वालाप्‍वाला थीकातःगु कँय्‌यागु खः।

२ इतिहास 4:11

हुरामं थलबल, बेल्‍चा व छ्वाकिगु बातात नं दय्‌कल। थुकथं हुरामं जुजु सोलोमनया लागि परमेश्‍वरया देगलय् यानाच्‍वंगु ज्‍या सिधय्‌कल।

गन्‍ती 4:9

“अले इमिसं वँचुगु कापतं त्‍वाःदेवा व उकिया पाल्‍चात, चिम्‍तात, किस्‍तित व चिकं तयेगु थल त्‍वपुयाबीमाः।

गन्‍ती 4:7

“परमप्रभुयात छाःगु मरि ब्‍वयातइगु तेबिलय् इमिसं वँचुगु कापः लायाः भु, थल, ख्‍वला, त्‍वँसाबलिया आम्‍खुरा व परमप्रभुयात छायेहःगु मरि तयेमाः।

गन्‍ती 3:8

इमिसं नापलायेगु पालया फुक्‍क ज्‍वलंयागु जिम्‍मा कायेमाः। अले फुक्‍क इस्राएलीतय्‌गु निंतिं पवित्र पालया ज्‍या यायेमाः।

प्रस्‍थान 31:10

थानातःगु वसः, हारून पुजाहारीया पवित्र वसः व पुजाहारीया सेवा याइबलय् वया काय्‌पिन्‍सं फीगु वसः,

प्रस्‍थान 25:9

जिं छन्‍त क्‍यनेत्‍यनागु नमूनाकथं छं नापलायेगु पाल व उकियागु फुक्‍कं ज्‍वलं दय्‌कि।

प्रस्‍थान 25:5

ह्याउँगु रंग छिनातःगु फैचायागु छेंगू, डल्‍फिनया छेंगू, खयःसिँ,

गन्‍ती 4:6

अले इमिसं उकिया द्यःने डल्‍फिन न्‍याया छेंगुलिं त्‍वपुयाः उकी वँचुगु रंग छिनातःगु कापतं भुनाबीमाः। अले न्‍वःत थासय् तयाबीमाः।

गन्‍ती 4:11

“अनंलि इमिसं लुँया वेदीयात वँचुगु कापतं त्‍वपुयाः द्यःने डल्‍फिन न्‍याया छेंगुलिं भुनाः न्‍वःत थासय् तयाबीमाः।

गन्‍ती 4:13

“इमिसं कँय्‌या वेदीं नउ लिकयाः उकी द्यःने प्‍याजीगु रंगया कापः लायाबीमाः।

१ इतिहास 9:28

छुं मेपिं लेवीतय्‌गु जिम्‍माय् देगलय् छ्यलिगु थलबल दु। इमिसं थलबल पित यंकीबलय् ल्‍याः खानाबीगु अले ल्‍याः खानाः लित काइगु।