गन्‍ती 36:2 - नेवाः बाइबल

² “परमप्रभुं इस्राएलीतय्‌त सर्बय‌कथं गोला तयाः देश इनाबीत छितः उजं बियादीगु खः। अले जिमि किजा सलोफादया सर्बय वया म्‍ह्याय्‌पिन्‍त ब्‍यु धकाः नं परमप्रभुं छितः उजं बियादीगु खः।

गन्‍ती 36:2 Referans Kwoze

गन्‍ती 33:54

छिमिसं थथःगु सर्बयकथं व देशय् गोला तयाः जमिन इनाब्‍यु। अप्‍वः छेँजः दुगु कुलयात अप्‍वः अले कम छेँजः दुगु कुलयात छिमिसं कम सर्बय ब्‍यु। सुयागु गोला गन लाइ व वयागु हे जुइ। छिमिगु पुर्खाया कुलकथं थ्‍व इनाब्‍यु।

अय्‍यूब 42:15

सारा देशय् अय्‍यूबया म्‍ह्याय्‌पिं थें बांलाःपिं सुं नं मदु, अले इमि अबुं इमित इमि दाजुकिजापिन्‍त ति हे पु‍र्ख्‍यौली सम्‍पत्ति बिल।

यहोशू 13:6

“लेबनानंनिसें मिस्रपोत-मैम तक सीदोनीतय् पहाडयागु देशयापिं मनूत, जिं थःम्‍हं हे इपिं सकसित इस्राएलीतय्‌गु न्‍ह्यःनें लिनाछ्वये। जिं छन्‍त धया थें व देश इस्राएलीतय्‌त चिट्ठा तयाः सर्बयकथं इनाब्‍यु।

गन्‍ती 36:3

इमिसं मेगु कुलयापिं मिजंतलिसे ब्‍याहा यात धाःसा इमिगु सर्बय नं मिजंतय्‌गु सर्बय नापं ल्‍वाकज्‍याःवनी। थुकथं जिमिगु कुलया सर्बय कम जुयावनी।