गन्‍ती 34:3 - नेवाः बाइबल

³ “‘छिमिगु दच्‍छिन लागाय् एदोमया सिमानाय् जीनया मरुभूमिया छुं ब्‍व लाइ। छिमिगु दच्‍छिनयागु सिमाना पुर्बपाखे मृत सागर सिथंनिसें न्‍ह्यानाः

गन्‍ती 34:3 Referans Kwoze

उत्‍पत्ति 14:3

इपिं फुक्‍क सिद्दीम अर्थात मृत सागरया ब्‍यासिइ मुन।

इजकिएल 47:13

परमप्रभु परमेश्‍वरं थथे धयादी, “इस्राएलया झिंनिगू कुलयात सर्बयया लागि छिमिसं देश इनाबीबलय् देशया सिमाना थथे जुइ। योसेफया लागि निगू भाग जुइ।

इजकिएल 47:8

वं जितः धाल, “थ्‍व लः पुर्बया लागापाखे न्‍ह्याइ, अनं क्‍वय् अराबा जुयाः मृत समुद्रपाखे न्‍ह्याइ अले मृत समुद्रय् मिलय् जुइ। अले मृत समुद्रया लः साइ।

यहोशू 3:16

न्‍ह्यानावःगु लः दित, अनं खुसिया यक्‍व च्‍वय् सार्तानया न्‍ह्यःने आदम धाःगु शहर लिक्‍क हे लः छथाय् मुंगुलिं मृत-सागरय् न्‍ह्यानावंगु लः मन्‍त। उकिं मनूत यरीहोया चुलिंचू छिनावन।

प्रस्‍थान 23:31

“जिं छिमिगु सिमाना लाल समुद्रनिसें पलिश्‍तीतय्‌गु समुद्र तक, अले मरुभूमिंनिसें यूफ्रेटिस तक हे क्‍वःछिनाबी। जिं व देशयापिं मनूतय्‌त छिमिगु ल्‍हातय् बी, अले छिमिसं इमित लिनाछ्वइ।

यहोशू 1:4

छिमिगु देशया सिमाना दच्‍छिनय् च्‍वंगु मरुभूमिंनिसें उत्तरय् लेबनानया पहाड तक, पुर्बय् तःधंगु खुसि यूफ्रेटिसंनिसें हित्तीतय्‌गु देश तक कयाः पच्‍छिमय् भूमध्‍यसागर तक थ्‍यनी।

गन्‍ती 13:21

अथे जुयाः इपिं अनं थहां वन, जीन धयागु मरुभूमिंनिसें लेबो-हमातया न्‍ह्यःने रहोब तक देशया चिवा काल।