गन्‍ती 32:22 - नेवाः बाइबल

²² परमप्रभुया न्‍ह्यःने व देशयात त्‍याकेधुंकाः छिपिं लिहां वये फइ। अले परमप्रभु व इस्राएलीतय्‌गु लागि छिमिसं यायेमाःगु ज्‍या पूवनी। अले यर्दनया पुर्बपाखे च्‍वंगु थाय् परमप्रभुयापाखें छिमिगु सम्‍पत्ति जुइ।

गन्‍ती 32:22 Referans Kwoze

यहोशू 22:9

अले रूबेनी, गादी व मनश्‍शेया बच्‍छि कुल परमप्रभुयागु आज्ञाकथं मोशापाखें इमित ब्‍यूगु अधिकारया देश गिलादय् वनेत इस्राएलीतलिसें बिदा जुयाः कनान देशयागु शीलों लिहां वन।

यहोशू 22:4

आः छिमि परमप्रभु परमेश्‍वरं छिमि मेपिं इस्राएलीतय्‌त नं थःगु बचंकथं आराम बियादी धुंकूगु दु। उकिं परमप्रभुया दास मोशां यर्दन पारि छिमित ब्‍यूगु थःगु जमिन दुगु थथःगु छेँय् लिहां हुँ।

व्‍यवस्‍था 3:20

परमप्रभुं छिमित थें छिमि दाजुकिजापिन्‍त आराम बियामदीतले अले इमिसं नं परमप्रभु छिमि परमेश्‍वरं यर्दन पच्‍छिमय् इमित बियादीगु जमिन अधिकार मयातले छिमिसं थथे या। अनंलि जिं छिमिगु अधिकारय् बियागु देशय् फुक्‍क मिजंत लिहां वये फइ।”

यहोशू 13:8

मनश्‍शेया बच्‍छि कुल, रूबेनीत, व गादीतय्‌सं धाःसा यर्दन पुर्बयागु देश परमप्रभुया दास मोशापाखें थथःगु सर्बयकथं काये धुंकूगु खः।

यहोशू 1:15

परमप्रभु छिमि परमेश्‍वरं बियादीगु यर्दनया पच्‍छिम पाखेया देश त्‍याकाः मकातले छिपिं न्‍ह्यः न्‍ह्यः वनेमाः। परमप्रभुं छिमित थें इमित आराम बियादी धुंकाः छिपिं लिहां वयाः परमप्रभुया दास मोशां यर्दनया पुर्बय् छिमित ब्‍यूगु देशय् च्‍वने फइ।’”

भजनसंग्रहया सफू 78:55

वय्‌कलं थः मनूत न्‍ह्यांवंलिसे अनयापिं जात जातियापिं मनूतय्‌त ख्‍याना छ्वयादिल। अले इमिगु देश इस्राएलया कुलतय्‌त सर्बयकथं इनाबियादिल। इमिगु छेँनं थः मनूतय्‌त बियादिल।

२ शमूएल 3:28

अले दाऊदं थ्‍व खँ लिपतय् तिनिं सिल, दाऊदं धाल, “नेरया काय् अबनेरयात स्‍याःगुया बारे जि व जिगु राज्‍य परमप्रभुया न्‍ह्यःने सदां दोषी जूगु मदु।

यहोशू 18:1

इस्राएलीतय् फुक्‍क खलः शीलोय् मुन, अले अन नापलायेगु पाल ग्‍वल। छाय्‌धाःसा देश इमिगु ल्‍हातय् वये धुंकूगु दु।

यहोशू 11:23

थथे परमप्रभुं मोशायात धयादीगु थें हे यहोशूं फुक्‍क देश त्‍याका काल। अले यहोशूं व देश इस्राएलयात सर्बयकथं इमिगु कुल कुल यानाः इनाबिल। अनंलि देशय् शान्‍ति जुल।

यहोशू 10:42

थुपिं फुक्‍क जुजुपिन्‍त इमिगु देशतनापं यहोशूं छकलं हे त्‍याकल छाय्‌धाःसा परमप्रभु इस्राएलयाम्‍ह परमेश्‍वरं हे इस्राएलीतय्‌गु निंतिं ल्‍वानादीगु खः।

यहोशू 10:30

परमप्रभुं व शहर व अनयाम्‍ह जुजुयात इस्राएलीतय्‌गु ल्‍हातय् बियादिल, अले वयात व अन दुपिं सकल मनूतय्‌त तरवारं स्‍यानाबिल। वं अन सुयातं नं बाकि मतल। यरीहोयाम्‍ह जुजुयात वं गथे याःगु खः अनयाम्‍ह जुजुयात नं वं अथे हे यात।

यहोशू 2:19

सुं मनू छंगु छेँनं पिहां वंसा वयागु हियागु दोष वयागु हे छेनय् लाइ। व मनूया लागि जिपिं जिम्‍मेवार जुइ मखु, थ्‍व वयागु हे दोष जुइ। अले थ्‍व छेँय् छनापं दुपिं मनूतय्‌त सुनानं ल्‍हाः तल धाःसा वयागु हियागु दोष जिमिगु छेनय् लाइ।

लेवी 14:34

“जिं छिमित सम्‍पत्तिकथं बीत्‍यनागु कनान देशय् छिपिं च्‍वंवने धुंकाः अन च्‍वंगु सुयागुं छेँय् जिं खाःचिलुइकाबिल धाःसा

गन्‍ती 32:21

अले परमप्रभुं थः शत्रुतय्‌त बुकाः लिना मछ्वतले परमप्रभुया न्‍ह्यःने ल्‍वाभः ज्‍वनाः यर्दन छिनावन धाःसा