गन्‍ती 31:3 - नेवाः बाइबल

³ अथे जुयाः मोशां मनूतय्‌त थथे धाल, “मिद्यानीतलिसें ल्‍वायेत व इपिं नापं परमप्रभुया बदला कायेत छिपिं मध्‍ये छुं मिजंतय्‌त ल्‍वाभः ज्‍वंकि।

गन्‍ती 31:3 Referans Kwoze

लेवी 26:25

छिमिसं जिगु बाचा त्‍वथूगुलीं जिं धात्‍थें हे छिमित सजाँय बी, अले गुबलय् छिपिं थथःगु शहरय् मुनाच्‍वनी, जिं छिमिगु दथुइ ल्‍वय् छ्वया हये। छिमित शत्रुतय्‌गु ल्‍हातय् बी।

यर्मिया 46:10

तर व दिं प्रभु, दक्‍व शक्ति दुम्‍ह परमप्रभुया दिं खः, बदला काइगु दिं, थः शत्रुतय्‌त बदला काइगु दिं। लुमधंतले तरवारं नाश याइ, हि त्‍वनाः वं प्‍याःचाः लंकी। छाय्‌धाःसा उत्तरयागु देशय्, यूफ्रेटिस खुसि सिथय्, प्रभु, दक्‍व शक्ति दुम्‍ह परमप्रभुं बलि छानादी।

२ राजा 10:30

परमप्रभुं येहूयात धयादिल, “छं जितः यःगु ज्‍या यात, छं आहाबया घरानायात जिं याः धकाः धयागु फुक्‍क यात। उकिं छं सन्‍तान प्‍यंगूगु पुस्‍ता तक इस्राएलया गद्दीइ च्‍वनी।”

२ राजा 9:7

छं थः मालिक आहाबया काय्‌पिन्‍त स्‍यायेमाः, अले ईजेबेलं जिम्‍ह अगमवक्तात व मेमेपिं दासतय्‌त स्‍याःगुलिं जिं वयात सजाँय बी।

न्‍यायकर्ता 5:23

परमप्रभुया दूतं, ‘मेरोजयात सराः ब्‍यु’ धाल, ‘सराः ब्‍यु, वया मनूतय्‌त सराः ब्‍यु छाय्‌धाःसा इमिसं परमप्रभुयात भतिचा नं ग्‍वाहालि मब्‍यू, परमप्रभुयात बल्‍लाःपिंलिसें ल्‍वायेत ग्‍वाहालि मब्‍यू।’”

न्‍यायकर्ता 5:2

इस्राएलयापिं राजकुमारत न्‍हेज्‍यात, मनूतय्‌सं थःयसें थःत देछात। परमप्रभुया प्रशंसा या!

गन्‍ती 25:13

थ्‍व बाचाय् जिं वयात व वया सन्‍तानयात न्‍ह्याबलेंया लागिं पुजाहारी जुयाः ज्‍या यायेगु अधिकार बी। छाय्‌धाःसा परमेश्‍वरया लागिं वं नुगः मुइकल, अले इस्राएलीतय्‌गु निंतिं प्रायश्‍चित यात।”

गन्‍ती 25:11

“एलाजारया काय्, हारून पुजाहारीया छय् पीनहासं उकिं यानाः जिगु तंयात इस्राएलीतपाखें फहिका बिल, छाय्‌धाःसा वयात इमिगु दथुइ जितः थें हे जोश वल। थुकथं थःगु जोशं जिं इमित नाश मयाना।

प्रस्‍थान 17:16

वं धाल, “परमप्रभुं पुस्‍तां पुस्‍ता तक अमालेकीतलिसें ल्‍वानादी धकाः वय्‌कलं पाफयादीगु दु।”

यर्मिया 50:28

परमप्रभु झी परमेश्‍वरं वय्‌कःया देगःया निंतिं गय् यानाः बदला कयादिल धकाः सियोनय् घोषणा याइपिं बेबिलोन देशं बिस्‍युं वःपिं व शरण काःवपिनिगु खँ न्‍यँ!

गन्‍ती 31:4

इस्राएलया छगू छगू कुलं द्वःछिम्‍ह द्वःछिम्‍ह मनूत लडाइँ यायेत छ्व।”