गन्‍ती 3:41 - नेवाः बाइबल

⁴¹ इस्राएलीतय् न्‍हापां बूपिं काय्‌पिनिगु पलेसा छं लेवीतय्‌त का। अथे हे इस्राएलीतय् न्‍हापां बूपिं पशुतय् पलेसा लेवीतय् पशुतय्‌त का। जि परमप्रभु खः।”

गन्‍ती 3:41 Referans Kwoze

गन्‍ती 3:12

“जिं फुक्‍क इस्राएली मिसातय्‌पाखें न्‍हापां बूपिं काय्‌पिनिगु पलेसा लेवीतय्‌त कयागु दु। उकिं लेवीत जिमि थः मनू खः।

गन्‍ती 3:45

“इस्राएलीतय् न्‍हापा बूपिं काय्‌पिनिगु पलेसा लेवीत व इमि न्‍हापां बूपिं पशुतय् पलेसा लेवीतय् पशु का। लेवीत जिमि थः मनू जुइ। जि परमप्रभु खः।

१ तिमोथी 2:6

वय्‌कः फुक्‍क मनूतय्‌गु पलेसाय् सिनादिल। न्‍हापांनिसें हे क्‍वःछिना तःकथं वय्‌कः पाय्‌छि इलय् सिनादिल।

मत्ती 20:28

मनूया काय्‌नं सेवा याकेत मखु, बरु सेवा यायेत व यक्‍वसित मुक्ति बीत व सीत वःगु खः।”

गन्‍ती 18:15

परमप्रभुयात देछाःपिं न्‍हापां बूपिं मनू जूसां वा पशु जूसां छन्‍त हे खः। अय्‌नं काय्‌पिं वा अशुद्ध पशुतय् न्‍हापां बूपिन्‍त धाःसा छं लिफ्‍यायेमाः।

गन्‍ती 8:16

इस्राएलीत मध्‍ये इपिं जितः देछाःपिं खः। दकलय् न्‍हापां प्‍वाथं पिहांवःपिं इस्राएलीतय् न्‍हापां बूपिंनिगु पलेसा जिं इमित कयागु दु।

गन्‍ती 3:42

अथे जुयाः परमप्रभुं मोशायात उजं बियादीगु थें वं इस्राएलीतय् न्‍हापां बूपिन्‍त ल्‍याः खात।

गन्‍ती 3:13

छाय्‌धाःसा न्‍हापां बूपिं फुक्‍कं जिम्‍ह खः। मिश्रय् न्‍हापां बूपिं फुक्‍कसित स्‍यानागु दिं इस्राएलया न्‍हापां बूपिं मनूत व पशुतय्‌त जिं थःगु हे निंतिं अलग तया। इपिं फुक्‍कं जिम्‍ह खः। जि परमप्रभु खः।”