गन्‍ती 3:23 - नेवाः बाइबल

²³ गेर्शोनया वंशतय्‌सं नापलायेगु पालया लिक्‍क पच्‍छिमपाखे थःपिनिगु पाल ग्‍वयेमाः।

गन्‍ती 3:23 Referans Kwoze

गन्‍ती 1:53

लेवीतय्‌सं हे नापलायेगु पालया रक्षा यायेमाः। अले जिगु तं इस्राएलया खलःयात मलायेमा धकाः लेवीतय्‌सं हे नापलायेगु पालया जवंखवं थःपिनिगु पाल ग्‍वयाः च्‍वनेमाः।”

गन्‍ती 2:17

फुक्‍क छाउनीया दथुइ नापलायेगु पाल नापं लेवीतय्‌गु छाउनी दयेमाः। इपिं गुगु झ्‍वलय् पाल ग्‍वयाच्‍वनीगु खः व हे झ्‍वलय् च्‍वनाः थथःगु झण्‍डा नापं इपिं न्‍ह्यज्‍यायेमाः।

गन्‍ती 3:22

थुमि लच्‍छि व लच्‍छिं च्‍वय्‌यापिं मिजंतय्‌गु ल्‍याः ७,५०० म्‍ह दु।

गन्‍ती 3:24

गेर्शोनीतय् परिवारया नायः लाएलया काय् एल्‍यासाप खः।