गन्‍ती 28:9 - नेवाः बाइबल

⁹ “‘विश्रामबार खुन्‍हु निम्‍ह दच्‍छि दुपिं खू मदुपिं चिधिकःपिं भ्‍याःचा व उकी माःगु त्‍वँसाबलि व चिकं ल्‍वाकछ्यानातःगु छगू एपाया झिब्‍वय् निब्‍व भिंगु छुचुंया अन्‍नबलि नं छायेमाः।

गन्‍ती 28:9 Referans Kwoze

यशैया 58:13

“छिमिसं विश्रामबारयात मत्‍वःतल अले जिगु पवित्र दिंयात थः यःथें मयात धाःसा व परमप्रभुया विश्रामबारय् खुशी जुल धाःसा व थःगु इच्‍छा कथं मयासें थ्‍व दिंयात हनाबना यात धाःसा व थुखुन्‍हु थः यःथें मयासें यय्‌थें खँ मल्‍हात धाःसा,

प्रकाश 1:10

प्रभुयागु दिनय् जि आत्‍मां जाल। जिगु ल्‍युने तुरही पुया हः थें तस्‍सलं थथे धयाहःगु सः जिं ताल –

इजकिएल 20:12

हाकनं इमित पवित्र याइम्‍ह जि परमप्रभु हे खः धइगु खँ इमिसं सीमा धकाः इमिगु व जिगु दथुइ चिंया लागि जिं इमित विश्रामबारत नं बिया।

गन्‍ती 28:8

सन्‍ध्‍याकाः इलय् मेम्‍ह भ्‍याःचायात सुथय् थें अन्‍नबलि व त्‍वँसाबलि नाप छायेमाः। थ्‍व परमप्रभुयात यःगु नस्‍वाःगु विशेष देछा खः।

गन्‍ती 28:10

न्‍हियान्‍हिथं छाइगु होमबलि व त्‍वँसाबलि बाहेक विश्रामबार पतिकं छाइगु होमबलि थ्‍व हे खः।

२ इतिहास 2:4

छाय्‌धाःसा जिं जिमि परमप्रभु परमेश्‍वरया निंतिं छगः देगः दय्‌के त्‍यनागु दु। व जिं वय्‌कःयात देछाये। अन जि व जिमि प्रजां वय्‌कःया आराधना यायेगु, गुँगू थनेगु देछागु मरि न्‍ह्याबलें झ्‍वःलाक तयाः छायेगु अले सुथय्, बहनिइ, विश्रामबार पतिकं, अमइया नखः व परमप्रभु जिमि परमेश्‍वरया क्‍वःछिनातःगु नखः नखःबलय् होमबलि छायेगु जुइ। वय्‌कलं न्‍ह्याबलें थथे यायेगु आज्ञा बियादीगु दु।

२ इतिहास 8:13

मोशाया आज्ञा कथं विश्रामबार पतिकं, अमाइ पतिकं व क्‍वःछिनातःगु नखःबलय् दँय् स्‍वक्‍व अथे धइगु– सोडा मतःगु मरिया नखःबलय्, समाज्‍याया नखःबलय् व बल्‍चाबाय्‌या नखःबलय् वं बलि छायेगु यात।

इजकिएल 46:4

विश्रामबार खुन्‍हु शासकं परमप्रभुया निंतिं छायेमाःगु होमबलि थथे जुइमाः- खुम्‍ह खू मदुपिं चीधिकःपिं भ्‍याःचात व छम्‍ह खू मदुम्‍ह भ्‍याःचा।

२ राजा 4:23

व मिसाया भाःतं न्‍यन, “थौं छाय् वनेमाल? थौं अमाइ नं मखु, शबाथ नं मखु।” वं धाल, “न्‍ह्यागु हे थजु।”

२ इतिहास 2:3

अले सोलोमनं टुरोसयाम्‍ह जुजु हीरामयाथाय् थ्‍व खबर छ्वत, “यक्‍व दँ न्‍ह्यः, छिं जिमि बाः दाऊदयात वय्‌कःया दरबार दनेत देवदारुया सिँ बियाः ग्‍वाहालि ब्‍यूगु थें आः जितः नं देवदारुया सिँ बियाः ग्‍वाहालि बियादिसँ।